Nehemia 1:6 - ŊWÀʼ NYÙY

⁶ Ku mvə̀ʼ vituʼùr vé vi. Ku lèéy mo, a yuurí tóŋ ye ŋgaà lìm wò tóŋ e shùy, tóŋ vitsə́ʼə́, bìʼ aŋgàa lìm vé vee wír veé Isray. M tuúne ajay ve vèr à wír veé Israyi jayin e wò. Vèr à rám atàr vérí jày ne.

Nehemia 1:6 Iomraidhean Croise

1 Afòn 8:30

Ŋgaà lìm wò lóo lon wò, kìn lón wír veé Isray, lóo kìʼ lav rə̀n, à kù yù bunrì yév. Kú a yu e wòŋ woó yuv fo à dzə́. À yú bèy, à kù nèn làysìn ajay vév.

1 Afòn 8:47

aáwune dù e wòŋ foo fèy, e màʼtì jay wov, e bìnèr melív mev, a toŋ e wò, a suúy jii, ‹Vèr jày ne, vèr yiì ne yii ye bií,›

2 Wòŋ 28:10

Lèn və̀n, vèn kfə̀n sí taʼ ji vilum wùn à vikìy veé Judàa, à veé Jerusaleme wáa dzə ji akwàn vén. Bó vèn yòʼ buʼtì sa vinyo ve bi ví e Nyùy Tàr woo Nyùy won a?

2 Wòŋ 29:6

Atàr vesəné yòʼ‑oò ló a tiy tìítiy wùn à Nyùy Tàr woo Nyùy wòsən. Vé‑eè yii vinyo ve ví yòʼ gheen wun. Áwune‑eè màʼày Nyùy Tàr, e fə̀ə́r vifií vév fó lav ye wù dzə́ sho, e nèn bìn ndzə̀m e wun.

2 Wòŋ 6:40

«Á bèy, Nyùy wom, kú a leéy ver, a yu bunrì ye á yíi a bùnrì e kirə̀ʼ féne.»

Esra 10:1

Esra wáa bùnrì, a tuuné ajay, a toŋ kitávín, a fon wún é nsay e shùu lav Nyùy, màŋgòŋ woó Isray, vilum wùn à vikìy, à wónlèé nèn bàʼtí e wun ghaŋ, a toŋ sa kibiíbí.

Esra 10:11

Bo kí dzə̀ lèn ji vèn tuúné á vitú vén e Nyùy Tàr woo Nyùy atàr vén, a yiì mo wù taʼà, e jàvsìn vitú vén fo vitúm vee věn ghaŋ vi wùn à fo vikìy vee vitúme.»

Nehemia 1:11

Éè Nyùy Tàr, ku yuùrí bunrì ŋgaà lìm wòo. Ku yuùrí bunrì aŋgàa lìm vée, áwune ve á tiir vifií vév ji á kú a ghvəm a dzə̀ yír yé. Fó ŋgaà lìm wò vishí ve juŋ vi lán, e fíʼ yiì, é fòn wáa ker shilív she juŋ shi vèr wun.» Yì‑iì dzə̀ é ghan fen, a wáy mo bóm fòn.

Nsùyrì Nyùy 102:17

Wù kù wíy yu bunrì aghéʼncey, e làa yòʼ ŋway kinyo ke áwune lón ji wù yii.

Nsùyrì Nyùy 106:6

Vèr jày ne, kù mo atàr vérí‑iì jáyí. Vèr kù‑uù táv a dzə̀ kitú, buʼtì vinyo ve bi ví.

Nsùyrì Nyùy 130:2

Nyùy Tàr, yuúrí kinyo kém kí. Ku mvə̀ʼ vituʼùr vé vi, mvə̀ʼə, e yù tóŋ yémé.

Nsùyrì Nyùy 32:5

M nèn tuùné ajay vém e wò, e làa yòʼ lìtì kinyo kém ke bi kí. Mò‑oò sùúy jii, «Mo‑óò tuúné ajay vém e Nyùy Tàr.» Á bèy, Nyùy Tàr, à nèn làysìn ajay vém, e sù njò yem.

Nsùyrì Nyùy 34:15

Nyùy Tàr yii shiy wír ve á yúnin wun, shiy áwune, yuúri bunrì yév.

Nsùyrì Nyùy 55:17

M fiʼtì ŋgeʼ sém e wun, diyì. M fiʼtì kijàvndzə, fiʼtì e shùy, fiʼtì vitsə́ʼə́, a wù kù yíi yu tóŋ yém, e sə mo.

Nsùyrì Nyùy 88:1

Éè Nyùy Tàr, wò woo Ŋgaà Lùŋèr wom, m tóŋ e wò e shùy, tóŋ vitsə́ʼə́, mbaa wò.

Aysaya 6:5

Á bèy, m nèn sùúy jii, «Lòné gbù ne e mǒ kitu. Ké ru kí, kém kí kù mày ne bèy. M shòv ne Fon e si, wun woo Nyùy Tàr woo Taà Mànjòŋ, a m dzə̀ kém wír wo kù fəə́ kinyo ke bi kí fó shuù wo, a m kù dzə́ a dzə̀ vèr à wír ve fəə́ kinyo ke bi kí fo áwuné shuù.»

Yòvdìy 5:7

Atàr vérí‑iì jày e Nyùy Tàr, e wìy kpùkír, vilaʼày vé jay wov ví siíy, a ròn a dzə̀ ver.

Daniel 9:15

«Éè Nyùy Tàr woo Nyùy wor, wò‑oò fə̀ə́r wír vé fo wòŋ Ejiv e vitaáví vé vi, e yiì, vitúm vi kiíy vitaáví vé, e shem lán. Vèr dzə̀ kér, a vèr jày ne, e yiì kibí féyì e wò.

Daniel 9:20

M ku nèn a suŋnín e mvə̀m bùnrì, a tuuné ajay vém, e kfə̀n a tuuné vé wìr veé Isray, a neèr vinyo ve m lóné e Nyùy Tǎr si, wun woo Nyùy wom, e kù a lon feyì bìʼ lav rə cù ye ranén.

Daniel 9:4

M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

Daniel 9:5

Vèr jày ne, e yiì kinyo ke bi kí. Vèr kù sì wír ve á méŋ wò, tsə́y kóy vèsən, ŋwáy nsər sé wùn à kinyo ke à tínen ki ŋwáyín.

Daniel 9:8

Éè Nyùy Tàr, woómé si kù sùm ne vèr aàfon vérí, aàtǎr wòŋe, e lì atàr vér vee fó mbìy súmen, bìʼ fo vèr jayin ne e wò.

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Ŋwàʼ Luk 2:37

Wù ku nèn a dzə kfə́ ji wiíy ŋkfə, a rəsí, a dzə e lav cù, a sùyrì Nyùy, a lèm jíŋ, a bùnrì e shùy, a bùnrì vitsə́ʼ, a wù sì lèn kiyá nshòv sikweè e mwaamé.

Efesor 2:3

A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

1 Timoti 5:5

Wáa dzə wiíy ŋkfə wo wù búŋ rú ŋgaà lèéy, wù nèn a leéy kfə́ a dzə̀ Nyùy, a bùnrì e shùy, a bùnrì vitsə́ʼ ji dzə̀ kù sə̀ Nyùy a wun.

2 Timoti 1:3

M yii lóo bùnrì, m kù a kuumé wò ghán sidzə̀m, a beèrì Nyùy fo wò. A dzə̀ wun woo Nyùy wo m lim fo fo shilív shimòʼón réŋréŋ mo atàr vémé‑eè limè.

1 Joon 1:9

Yii bèy, a wìr tuúne vinyo ve wù jayin, Nyùy kù nèn làysìn, e sù njò rə, wù wàa dzə là jay, bìʼ fo dzəə̀n kinyo ke wù‑uù kàʼàn, a wù kù yii yii vinyo və́ réŋ.

1 Samuel 15:11

«M kér mendzən ji mò‑oò kòʼór á Saul ji fon. Wù bìn ne ndzə̀m e mò, e làa yòʼ dzə́ə a jùmrì kinyo kém.» Samuel yú kinyo kìn, kí bír wun, wù tóŋ e Nyùy Tàr vitsə́ʼ vifur.