Nehemia 1:3 - ŊWÀʼ NYÙY

³ Áwune suúy e mò ji wír ve vé‑eè bòyìn fó kiŋkoo, e kfə̀n é Judàa dzə̀ á e mvə̀m ŋgeʼ ye tavín wùn à nshoórsí, a kay yeé Jerusaleme kù dzə̀ə́ a bèy mo vé‑eè kèrìn, a shuu se kày si kù dzə̀ə́ saa mo vé‑eè tònèn.

Nehemia 1:3 Iomraidhean Croise

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

2 Afòn 25:10

Vé rər adzə̀m ve vé‑eè dzəə̀n e wun sari nèn kèr kay ye vé‑eè bomen, yí kaárí Jerusalem.

2 Wòŋ 36:19

Vé rər vəə́‑əə̀ tòn lav cù, e kètì kay yeé ŋkàlaʼ Jerusalem, e tòn vimà vé lav vee fó vidzə̀m, e sə̀ʼsí kifá keé kilùm kidzə̀m.

Esra 2:1

Wír veé Juda ve vé‑eè loòn fó nsay Babilon, e kfə̀n é bàm aáwuné nsayi vìne. Kù dzə̀ wír ve Fòn Nebukadnessar woó Babilon‑eè koorin, e dù sho e Babilon, é bo á wáa kfən e bàm é Jerusalem, e wòŋ woo Juda, a wìr du a dzə̀ aáwuné ntèʼ.

Esra 5:8

Vèr taʼ a ji fòn kiíy á ji vèr‑ii du é Juda, e dù mèé e Nyùy wo kuʼǔn lav, e yèn, aá kfə̀n sí baʼrì a fó e tíy se faŋkìn sí, wáy aŋkoytì a e vicí ve toʼón ví. Áwune yiì bèy, e kù a lìm a lim yee shooy, e viwìr vi a yí du a feyì, e dzəə yee tìítiy.

Nehemia 11:3

Vilìmbìy ve kishev ke wòŋ ke dzəə̀n ji Juda ve ví‑iì dzə́ e Jerusalem vi víne. Yii bèy, kùʼùn wìr veé Isray wùn aàtàá cùu, à wír veé ram Levìi, à vé lìm veé lav cùu, e lì rám aŋgàa lìm Solomone kú a dzə kév é mvəm sé laʼ seé Juda, a wìr kù‑uù dzə́ a dzə̀ fo vitsə́ʼ vé tàr wov ví dzəə̀n,

Nehemia 2:13

Mò‑oò fəə̀ vitsə́ʼ vin, e dù dzə́ə fó Shùu Kày woo fó Mboʼ, e lò, e dù e mbìv Dàn Koosàʼ, e kfə̀n dù e mbìv Shùu Kày wo wú kiʼ Róŋ, du bèy, leey virə́v vé kày yeé Jerusalem ye vé‑eè bvəʼtin, à shuu se kày se və́yí‑iì tònèn sí.

Nehemia 2:17

M nèn lò, e yòŋ lèn aáwune jii, «Vèn leéy ŋgeʼ se vèsən dzəə̀n shó si, bìʼ Jerusalem wo wù siìn e saʼkìn, a və́yí tón ne shuu se kày sə́. Vèn wiy, é vèsən kfən bòm kay yeé Jerusalem, e tsə̀ʼ woómé sìn fo vèsə́n kitu.»

Nehemia 2:3

e bùn fon, e sùúy jii, «Nyàr, fòn kù waà wíy shaàrì, a sà dzə̀ la m yòʼ a sənrí e le, a ŋkàlaʼ yee fo sáy atàr vérí dzəə̀n sì e saʼkìn, a və́yí tón ne shuu se kày a?»

Nehemia 7:6

«Vine dzə̀ wír veé kishev ke wòŋ ve Nebukadnessar woo fon woó Babilon‑eè koorin, e dù sho, á dù, a rèŋ vikwàn fó, e bóo kfən e bàm é Jerusalem wùn ǎ Juda, a wìr kfə́n aáwuné ŋkàlaʼ.»

Esta 1:1

Yì‑iì dzə̀ é ghan se Ahasuru‑uù dzəə̀n fon woó Persia, wù‑uù sáʼ woŋ, a wú kéʼ fó India, e dù, e mày e Etiopia. Vishév ve wòŋ və̀n vi‑iì dzə̀ nshòv saàmbà e mbaà é wiì (127).

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Ŋgàn 25:28

Wìr wo bó wù yòʼ kfə́men e wun dòʼshwiíy, dzə̀ moo ŋkàlaʼ ye á bvəʼən ne, e nə̀ə́ sho, a bó yì yòʼ kfə̀n dzəə́ kér kay ye yí kiŋsìnè.

Aysaya 43:28

Bìʼ bey, m wíy shoór vilìmbìy vén vee mǒ lav cù, e laàr rám Jakov moo wír ve á shwiin mo shó ji m ku laàr ŋkuuŋkùŋ, é wíri wáa nyè sèʼsì e kibér ke wìr veé Isray ki.»

Aysaya 5:5

Ké lèn ki, vèn maʼti, é m suúy kinyo ke m lo, e yiì e súm wóm və́ne. M lo, e gwàr vinyáʼnyaʼ fó wǔn kày, gwarì, é m saʼ virə́v vé kày vidzə̀m, é nyám si fiʼ nə̀ə́ sho, e ndzə̀ə́y kifá kidzə̀m fo fo, ndzəəyì, é sí nyeŋ súm, é wú kfə́n é ŋgèŋgèr.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Jeremia 29:18

M yíi nəə́ áwune e rə́r sí wùn à jiŋ, à kifə̀ʼ ki, é vitúm vidzə̀m vi wáa leéy, é wúné wáa beemé, aá wáa ndzəə. Wír adzə̀m vee fo m wíy jùm áwune, aá duú wíy a lì áwune ji kifá ke liy ki, e kfə̀n a beèmè áwune béemen, a kèŋ, a sheʼ.

Jeremia 39:8

Vé rər veé Babilone siíy é Jerusalem, e tòn ntoʼ, e kfə̀n tòn lav se wíri, e nèn bvə̀ʼə́y kay yeé ŋkàlaʼ.

Jeremia 42:18

Nyùy Tàr woo Taà Mànjòŋ, wun woo Nyùy wìr veé Isray kfə́n a yòŋ jii, «Mo dòʼshwíiy wom‑eè koʼon, kí nyár mo, m màʼ ŋgeʼ e wír veé Jerusalemé kitu, á mo vèn yíi dù e Ejiv, é kí koóy sá ven bey. Vèn wíy a dzə vé lòné, wíri lóo leéy ven, é wúné wáa beemé áwune, é yír yéné kfə́n ji liy, aá wáa jàʼ ven jáʼan, a vèn yòʼ dzəə́ wìy yen nsay rə̀n.»

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Jeremia 52:14

Vé rər ve vé‑eè dzəə̀n e wun sar adzə̀me nèn kèr kay ye vé‑eè bomen, yí kaárí Jerusalem, e tàr.

Yòvdìy 1:7

Jerusalem dzə̀ lèn e mvə̀m ŋgeʼ, kù ghán, ján janén. Wù kuúme lèn vifá ve juŋ vi vidzə̀m kuúmén, vifá feyì ve yì‑iì dzəə̀n vév fó ŋgùʼ. Jerusalem‑eè gbù e wír ve á ghíʼ wuné wo, la wìr wóo sə wun yòʼ a dzə. Aŋgàa vibàné wáa leéy wun, a sheʼ, a jàʼ gbu ye wù‑uù gbuùn jáʼan.

Yòvdìy 2:9

Wù‑uù shètì kóŋ sé mfìn e vintsə̌m vintsə̀m, shuu se kày si keésí, a neŋ e mvə̀m kibvə̀r. Fòn wùn à vé saʼa sì é kwaʼ nsàm, a bó taà cù yòʼ kfə̀n dzə̀ wó a yeʼéy wíri nsər se Nyùy. Nyùy Tàr yòʼ dzəə́ ghém ndzə aàŋgàa ntum vəə́, á yòʼ dzəə́ yén vinyo e njà vinjeenjèm.

Yòvdìy 3:61

Éè Nyùy Tàr, à yù ne mo á shur mo, aà kì dzə́ə sidzə̀m se áwune wóŋ wúu yém shó.

Yòvdìy 5:1

Éè Nyùy Tàr, kú a kuumé kinyo ke kí kooyin ver kí. Ku lèéy, e yèn nshoórsí wo wù nəən ne ver.

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.

Cù 26:33

Fo kén kí, m wíy taʼár ven, é vèn sáŋrí e vitúm vímóʼ ví nsay, é m kfə́n a ròn wúu yén e rə́r sí. Woŋe siiy bèy, é wú nèn dù e vifə̀m, é ŋkà se laʼ sén si kerkir.