Nehemia 1:2 - ŊWÀʼ NYÙY

² Hanani woo fə́r wom wùmòʼ wùn à wír ámóʼó wìy fo Juda. M wáa dzətí vinyo ve wìr veé Juda ve vé‑eè bòyìn fó koo ye vé‑eè koorin áwune, e kfə̀n é bàm. M kfə́n a dzər sa vinyo vee kùm Jerusalem.

Nehemia 1:2 Iomraidhean Croise

Kèʼlo 14:10

E ghan fen, Mboʼ Siddim rə̀n‑eè kér bií sé kunta e ŋàŋ. Fòn woó Sodom wùn à woó Gomorra lòo leʼ, wír ámóʼó tókír shó, ámóʼó nyéŋ, e kòʼ áàgwan.

2 Afòn 24:14

Wù kfən kùúy wír veé Jerusalem ji vé sháŋé, e dù sho e wun wòŋ. Wù‑uù kùúy atǎr ntoʼ adzə̀m, e kùúy wír ve yì‑iì dzə̀ á màʼ rə́r adzə̀m, à wír ve vé‑eè kiìn lím kiwoo adzə̀m, e bóo lì vé kilàme adzə̀m. Wìr dzə̀m‑eè dzə̀ nsə̀kì e ghvə̀m. Kù‑uù gòʼ aghéʼncey é wòŋ.

2 Afòn 25:12

Yii bèy, wù‑uù lèm wír ámóʼó é bàm ve yì‑iì dzəə̀n aghéʼncey, e tsə̀ə́r ji á wáa lìm a súm sé vitiír vé *vayin, e kfə̀n a lìm sé vifa ve yi.

Esra 9:14

A dzə̀ vèr kfə̀n a shoʼór rú nsər yè, a bvə̀yrì vijín vèr à vé joònè vine á? A vèr yiì bèy, bo bó à yòʼ yíi shwiíy kilòŋ vèsən, e laàr ver à rámé shó, é la wìr yòʼ bèr a?

Nehemia 7:2

M nèn lèm fə́r wom woo Hanani wùn Hananiya ji á wáa saʼ a Jerusalem. Hananiya‑aà dzə̀ wír wo wù‑uù leey kikum keé ŋkàlaʼ Jerusalem, a wù‑uù dzə̀ wir suuyrú, kfə̀n ghvə́m Nyùy, a bó wìr woo moo wun yòʼ‑oò dzə̀.

Jeremia 44:14

Wìr fo kibér ke wìr veé Juda ve á wìyìn, a dzə e nsay Ejivi yòʼ wíy leʼ, a bó wìr yòʼ wíy bòy, yée kfən e bàm é Juda. Á wíy a ker shií ji á kfə́n é Juda, a dzə fo, a bó yòʼ dzə̀ kí kfə̀n kòóy bèy. Kù wíy kfən ashàr wìr ve á dzəə̀n é kwaʼ nsàm.»

Esiker 6:9

Wír ve á bòyìn, á dú shó e vitume wíy a kuumé mo, a kiíy ji m màʼ ŋgeʼ aáwuné kitu, e shòór áwune, bìʼ á fo vé‑eè ŋwayin mo, a ghvəm a dzə̀ mebvə̀m, a tinsín mo. Á kuúme, aá wáa woomé, bìʼ liì wov kisaŋ, à vinyo ve joònè ve áwune‑eè yiìn ví vidzə̀m.

Esiker 7:16

Wìr sénin, léʼé, é wù wáa som e gwan, a toŋ moo kibìŋ ke kí meé fo kiwoóy. Wìr dzə̀m kù wíy a dìy bèy, a wìr kù táŋ a dzə̀ vinyo ve bi ví ve wù bùʼtìn.