Nehemia 1:10 - ŊWÀʼ NYÙY

¹⁰ «Nyùy Tàr, wír vìne dzə̀ aŋgàa lìm vé. Kù dzə̀ wír ve wò‑oò tinen fó vikwàn ji wír vé, e tìn e vitaáví vé vi, aá yén kóy wó wo tavíné.

Nehemia 1:10 Iomraidhean Croise

Nsùyrì Nyùy 136:12

Wù‑uù fə̀ə́r e vitaáví və́ ve ghaʼán ví. Koŋ ye wù koŋ wír vəə́ yòʼ wíy mày.

Nsùyrì Nyùy 74:2

Kuúmé wír vé ve wò‑oò tayin ne fo yàŋgùʼú, e tìn fó vikwàn ji wáa dzə kitúm ké. Kuúmé Gwan Sion fo wò‑oò dzə̀ʼə̀mèn ne.

Nsùyrì Nyùy 89:14

À bàʼrì sáʼ yé a dzə̀ e yii ye juŋe, là kiloʼ. À kù tìír a dzə̀ koŋ yé wùn à suuyrú wò fo mbìy.

Ŋwàʼ Fəə 13:14

Wíy lóo dzə e ghan see shó, wan wìr dzə́r jii, ‹Nsàv kinyò kìn dzə̀ ka,› wù bìnèr jii, ‹Nyùy Tàr‑iì fə̀ə́r ver e vitaáví və́ ve ghaʼán ví fó wòŋ Ejiv fo vèr‑iì reŋ vikwàn.

Ŋwàʼ Fəə 13:16

Mooser nèn màysì jii, «Cu rə̀ne wíy a dzə kisəəm fo vèn moo kifá ke wìr səəyin é koy, kìn wù kùr é yírvishi, é vèn fíʼ a kuumé ji Nyùy Tàr‑iì fə̀ə́r á vèsən fó Ejiv e vitaáví və́ ve ghaʼán ví.»

Ŋwàʼ Fəə 13:3

Mooser nèn sùúy e wíri jii, «Vèn kù wíy a kuumé kishiíy kin, kishiíy ke vèn‑eè fəən fó Ejiv, e bòy fo vikwàn. Dzə̀ kishiíy ke Nyùy Tàr‑iì fəərin ven fó fèn e vitaáví və́ ve ghaʼán ví. Lá vèn yòʼ wìy yì kibán ke kí kér nyaà e kishiíy fen.

Ŋwàʼ Fəə 13:9

Ŋkàʼ və́ne wíy a dzə kisəəm fo vèn moo kifá ke wìr səəyin é koy, kìn ke wù kurin é yírvishi, é kí wáa kuumé ven kinyo ke Nyùy‑iì yiìn, é vèn fíʼ a remrí ntir se Nyùy Tàr, wun woo Nyùy Tàr wo wù‑uù fəərin ven fó Ejiv e vitaáví və́ ve wiy ví.

Ŋwàʼ Fəə 15:13

À kù wíy a dìn koŋ yé ye wiyí, a tsəəné wír ve wò‑oò tinen fo aŋgaà vév vibàné. À kù wíy kìŋsìn áwune e vitaáví vé vi, e dù sho e wò kirə̀ʼ ké dzə ke ranén kí.

Ŋwàʼ Fəə 32:11

Mooser yú bey, e kù nèn a lon Nyùy Tàr woo Nyùy və lónén, a suúy jii, «Éè Nyùy Tàr, à kì yíi a shwiíy kilòŋ rú bìʼ wír vé bèn à, wír ve wò‑oò fəərin fó wòŋ Ejiv e vitaáví vé ve ghaʼtín ví.

Ŋwàʼ Fəə 6:1

Nyùy Tàr nèn sùúy e Mooser jii, «Lèn, à yíi yen kinyo ke m yíi yiì e Farao. Bìʼ vitaáví vém, wù yíi fəə́r ven, lóo fəə́r bèy, é wù wáa jùm jùmèn fo wun wòŋ.»

Ŋwàʼ Fəə 6:6

Suúy ri e wír veé Israyi ji m dzə̀ á Nyùy Tàr. M yíi səʼə́r kibeʼèy ké wìr veé Ejiv fo věn kitu, e fəə́r ven fó vikwàn. M yíi nàn kóy, e màʼ ŋgeʼlàʼ ye tavín e wír veé Ejiví kitu, e nen tin ven fó ŋgeʼ.

Ŋwàʼ Fəə 6:7

M yíi lì ven ji wír vém, a m yíi a dzə Nyùy won, é vèn nèn kìíy ji m dzə̀ á Nyùy Tàr woo Nyùy won, wo wù fəərin ven fó mvə̀m vikwàn veé Ejiv.

Aysaya 64:9

Éè Nyùy Tàr, lá à yòʼ shwìíy kilòŋ vèsən, e tònén. Lá à yòʼ wìy rə̀sí, a kuumé vinyo vér ve bi ví, a màʼ ŋgeʼ e vèr. Éè Nyùy Tàr, kú a kiíy ji ver adzə̀me dzə̀ wír vé.

Remrí 15:15

Vèn ku wìy a kuumé ji vèn‑eè dzə̀ á akwàn é wòŋ Ejiv, Nyùy Tàr woo Nyùy won nèn tìn ven fó vikwàn. Á kinyo ke kí yiìn, é bo m wáa fo sáʼ rə̀n e vèn lán bèn.

Remrí 9:29

A kí fə̀m dzə̀ é le, bo áwune dzə̀ wír vé, wír vé feyì feyì ve wò‑oò fəərin fó vikwàn e vitaáví vé ve wiy ví wùn à kóy wó wo tavíné.›