Nehemia 1:1 - ŊWÀʼ NYÙY

¹ Jí se Nehemia woo wan Hakalia. Yì‑iì dzə̀ é ŋwee woo Kislev, e kiya ke kí‑iì meen ji mbaà mo Fòn Artakerkes‑iì yiin vifon, a saʼ e Persia, a m dzə̀ é ŋkàlaʼ ye wiy yee Susa,

Nehemia 1:1 Iomraidhean Croise

Esra 10:9

Mo á yòŋèn bey, wìr dzə̀m woó Juda wùn à woó Benjamin nèn bàʼtí e Jerusalem e mvə̀m vishìíy vee vitaár vìn. Wáa dzə e kishiíy ke kí‑iì meen ji mbaà fó ŋwee wo wú meen ji bvə̀ʼə̀, a wìr dzə̀m sí dzə́ e maàndzə lav cù. Á wáa dzə fo, a yàʼ bìʼ kinyo ke á wìyìn, e kfə̀n a yàʼ sa bìʼ wuú ye yí‑iì keesì.

Nehemia 10:1

Wír ve vé‑eè wayin vifin vév é ŋwàʼ fène víne. Vé mbìyi dzə̀ jii, taà saʼ woo Nehemia woo wan Hakalia, e lì Tsədekiya.

Nehemia 2:1

Wáa dzə e kishiíy kímóʼ kí é ŋwee woo Nisan, a Fòn Artakerkes sí sáʼ ji kiyá mbaà, á wìy e meluʼ mè, e fò shó. M nèn lì, e wàyrí wun sho, a m yii bèy, sə́nri, a bó fòn yòʼ‑oò yiì ne yèn, a m wiy e wun si, sə́nri.

Nehemia 5:14

Kímóʼ kí kfə́n a dzə jii, e kèʼ fo ghan se vé‑eè lèmèn mo ji taà saʼ woó Juda, m sáʼ kiyá nshòv sibaà e ghvə̀m, bó wìr fo vèr à wír vémé yòʼ‑oò yiì yì kifá fo vifa ve vé‑eè yii lo, á wàa fo ji vé taà saʼ. Vé‑eè lem mo, a Fòn Artakerkes sáʼ ne kiyá mbaà, m sáʼ, e dù, e mèé e ghan se wù‑uù saʼan ne ji kiyá nshòv sibaà e mtaár.

Esta 1:2

Wù‑uù sàʼ vifon, wáa dzə e mvə̀m kiya kee ji taár, wù yiì ŋkàʼ bìʼ atǎr wòŋ wùn à vé lìm vəə́ adzə̀m, a wù dzə̀ e wun ntoʼ ye yì‑iì dzəə̀n é ŋkàlaʼ ye kuʼùn yee Susa. Amfòómé rər veé Persia wùn à veé Mediàa, aàtǎr laʼ wùn aàtǎr saʼ bàràʼa wáa dzə fo ŋkàʼ fóo fèy.

Esta 3:15

Nsheèlav si ku nèn lì sáʼ rə̀y, e sàmèr cércér. Á kfən sàʼ sá e kinsàʼwày é ŋkàlaʼ fòn yee Susa. Fòn wùn Haman nèn dzə̀ʼə̀m ji á nó á meluʼ, á wáa no, a ŋkàlaʼ yee Susa sí bvəə́ri bvəə̀rín.

Daniel 8:2

M lòo leéy kinjeenjèm kìn, e yèn, a kí din ji m dzə̀ á e Susa wo dzəə̀n ŋkàlaʼ yee fo sáʼ yeé wòŋe lo, a yì dzə̀ é mbìv wòŋ yeé Elam. M kfən yèn, a m dzə́ e ghaa ndzəv yee Ulay.

Sekariya 7:1

Yì‑iì dzə̀, a Fòn Darius sáʼ ne ji fon viyá vikweè, Nyùy Tàr lò, e sùŋnín e mò woo Sekariya. Wù‑uù sùŋnín é kishiíy kee kweè fo ŋwee woo bvə̀ʼə̀, wo á yoŋ ji Kislev.