Maak 7:7 - ŊWÀʼ NYÙY

⁷ Áwune cu mo kisáŋ, bìʼ fo á li vinyo ve bomen wír, yéʼey ji nsər sém.› »

Maak 7:7 Iomraidhean Croise

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

Matio 15:9

Á ghvə́m mo kisáŋ, bìʼ fo á li vinyo ve bomen wír, yéʼey ji nsər sém.› »

Jeem 1:26

A wìr yoŋ kitú kfə́ ji wir Nyùy, a bó yòʼ dzə̀ wù mèy kiliímé kfə́, bo ŋgaàŋ bóʼti kitú kfə́, a kinyo ke wù yoŋ kitú kfə́ ji wir Nyùy ki lày kisáŋ.

Kolosia 2:22

Aá kù shivìr a dzə̀ vifá ve wíri yii kér, a ví shaa shaàn. Kù sìysì wír nsər see ben a dzə̀ mo kwaʼtì rəə́ dzəə̀n.

Matio 6:7

«Kímóʼ kí nén a dzə sa jii, vèn lóo bùnrì, lá vèn yòʼ rə̀sí, a rèr kinyo kee shó kimòʼón mo wír ve bó á yòʼ kiìn Nyùyi yii yii. Aá yii bèy, kwaʼtì ji dzə̀ Nyùy kù yù bunrì yév, bìʼ fo áwune rəsin, a rèr kinyo ntàmda.

Titur 3:9

À yú, a wìr biʼ mbìʼ kiyùŋ, à wàa leʼ leʼén, e làa yòʼ a nəə́ e kinyò kee kùm rám wíri, kìn vinyo vee kùm nsər wìr veé Juda ve wír ámóʼó rə́si ŋeevì, táŋnin fo fo. Vinyo vee shooy vi dzə̀ vé kisaŋ vi, a bó yòʼ dzə̀ ví sə̀ wír gheéy.

Ŋgaà Yen 22:18

M nén a tir wir dzə̀m wo wù yú jí se Nyùy tiísi e ŋwàʼ fèn jii, wìr wáa yen a fó kuvsín kinyo fo fo. A wìr lòo dzə, e dzə̀sì kfə́ kee kinyo sho, bo Nyùy wíy baʼtí lòn wo á suuy e ŋwàʼ fèn, e dzə̀sì ŋgeʼ se ŋgaàŋ sho.

1 Samuel 12:21

Lá vèn yòʼ bìn aànyùy kisaŋé bàm. A yòʼ dzə̀ á sə̀ ven, a bó yòʼ dzə̀ á lùŋèr ven, bìʼ fo á yòʼ ŋeʼè.

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Jeem 2:20

Wìr woo bey dzə̀ kiyúŋ. A m yíi dìn sho jii, a wìr suuy ji wun wày shilív e Nyùy wùn, a bó wù yòʼ yii mo Nyùy suuyì, bo kee shooy ki dzə̀ á kisáŋ.

Malakay 3:14

Vèn yoŋ jii, ‹Séʼ dzə̀ ka é ghvəm yé a ghvəm Nyùy? A vèr lò, a yiì vinyo ve wù suuyì, bo séʼ dzə̀ ka? Aá lò, a ghan e wun woo Nyùy Tàr woo Taà Mànjòŋ si, a joóm, kí sə̀ a dzə̀ é gha?

1 Korin 15:14

Kí wáa dzə ji Nyùy yòʼ‑oò lo fə̀ə́r Kristu rú fó kpu, bo kinyo ke vèr rə́si fiʼtì ki dzə̀ kisáŋ, biímé ye vèn biimen kinyo kee shoone láy sá kisáŋ.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.