Maak 7:5 - ŊWÀʼ NYÙY

⁵ Wír veé Farasi wùn à ve vé‑eè duŋrì nsər Nyùy vìyi nèn dzə̀r e Jesus jii, «Wón vé lìme yíkir e wóo e dzə̀ne, e làa yòʼ a lèm nsər vé mbìyi bìʼ ka?»

Maak 7:5 Iomraidhean Croise

2 Tesalonika 3:6

Afə̀r ver, vèr nén a fo sáʼ yímóʼó, a vèr fó a dzə̀ e Taàtá wòsən Jesus Kristu yir ji vèn wáa baàmè a afə́r vesən ve á yii ŋgòy, káy kinyo ke vèr‑iì yeʼeyin ven shó.

Lim Aŋgàa Ntum 21:21

a vé‑eè sí yú kév ji à ghán, yéʼey wír veé Juda ve á dzəə̀n é vitum ve sən ví ji á maʼti nsər se Mooser sìy, e làa yòʼ dzə́ə a saŋ *mbèʼ se won, e kfə̀n màʼtì a liì wòsən wòŋ e dzə̀m.

Galatia 1:14

A mò‑oò ghàr liì wor wòŋ feyì kitávín, e shaà awàʼ vém adzə̀m. Mò‑oò wày vifií vém cáʼcáʼ a dzə̀ é kinyò ke atǎr ram yérí‑iì dànèn ver shó.

Lim Aŋgàa Ntum 21:24

Ku dù, é vèn áwune yii cu, e *kfə̀mrí vitú vén, é ku làʼ wò vinyo ve áwune kér fó kwàŋrì vidzə̀m, é bo á kóm vitú vév. À yii bèy, é wìr dzə̀m nèn yèn ji à lem sa Nsər Mooser, a vinyo ve á tóy e wò bàm ví dzə̀ á kisáŋ.

Matio 15:2

«Wón vé lìme shóʼor liì wòŋ wo atàr vesən vee fó mbìyi‑iì lèmèn bìʼ ka? Áwune yòʼ su wó e dzəə ye dzə̀ wìr sù shó, e bó a yikír.»

Ŋwàʼ woó Rom 4:12

Wù kfə́n a dzə wo wìr ve naŋsíné, a kù dzə̀ vee shó ve á wáy shilív e Nyùy wùn réŋréŋ mo tàr wòsən woo Abraham‑eè wayin, é bo á wìy a naŋsín wun, a bó yòʼ dzə̀ ve á kù náŋsin nàŋsín cáʼcáʼ.

2 Tesalonika 3:11

Vèr suuy bèn, bìʼ fo vèr yú ji wír ámóʼó dzə̀ e věn mvəm, aá yii ŋgòy, sev sèvìn kisáŋ, wáyri shuu e wírí vinyò, a bó á yòʼ lim a kifá.

Maak 7:8

Jesus nèn sùúy e wír vìyi jii, «Kù dzə̀ sá mo vèn maʼtì nsər se Nyùy, jumrì a dzə̀ sé wìr.

Maak 7:9

Vèn kér dzə́ə yìmòʼ ye vèn tén nsər se Nyùy sho ji á fíʼ a jùmrì a dzə̀ sén.

Maak 7:13

Vèn yéʼey vinyo vén vee shooy bèy, semèr a dzə̀ kinyo ke Nyùy, kfə̀n yii vímóʼ ví sá vinín moo vee shoon.»