Maak 7:4 - ŊWÀʼ NYÙY

⁴ A bó yòʼ dzə̀ wìr yì sá kifá ke kí wìyìn fó way, a bó á sú é dzəə fóo fèy. Aá kfə̀n jumrì nsər símóʼ sí sinín se sí din mo dzə̀ á wàa sù vifá aáwuné liì, kìn dzə̀ bàr wùn à kitém ki, à kíŋé, kìn kikún.

Maak 7:4 Iomraidhean Croise

Nsùyrì Nyùy 26:6

Bó m yòʼ yii wáy wó yém é kinyò ke bi kí. Nyùy Tàr, m kù yii rə́si a dzə̀ e wò lav,

Aysaya 1:16

Vèn fə́tí wó yéné fó yiì ye bií, e lèm vitú vén, é ví wáa dzə viránén. M yòʼ dzəə́ taʼ, e kfə̀n yen, a vèn buʼ kinyo. Vèn ku neèr yii ye bií,

Jeremia 35:5

Vèr áwune nəə́ bey, m nèn tìír ŋgìv se melùʼ wùn aàbàri e rám Rekaví si, e nèn sùúy ji áwune wáa no a meluʼ.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Matio 23:25

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vinyo vén ví dzə̀ moo ké wìr wo wù li bàr kìn kighín, wù sù ndzə ndzə, mvə̀m wàa koʼóy. A kù dzə̀ mo kimfaàsì wùn à bvə̀mkúʼ runen e věn meliv.

Matio 23:26

Amfìr vee wír Farasi vìn, vèn kì yíi kèʼ, e sù kifá a dzə̀ fó mvəm, é fó ndzəə nèn a ran sa.

Matio 27:24

Payler lòo yen ji bó dzəə̀ yòʼ dzə̀ə́, a wun lùmtín e kinyò fèn, bo lo, e fəə a melaà, wù nèn sùúy, á wìy e mendzə́v mè. Wù wáa sù wó rə́ shó e màŋgòŋ və̀y si, a ka kitú kfə́ jii, «Nyaa njò yem, bó m yòʼ kì fo wìr və̀n kpu. Ku kìíy ven.»

Maak 7:8

Jesus nèn sùúy e wír vìyi jii, «Kù dzə̀ sá mo vèn maʼtì nsər se Nyùy, jumrì a dzə̀ sé wìr.

Joon 2:6

Mbìʼ sé mendzə̀v sí‑iì tíy fo ntuùfú, a dzə̀ se wír veé Israyi yii kér aáwuné melav ji á wáa sù virə́ʼ shó mo nsər yev taʼà. A wo mòʼóné dzə̀ moo kèʼ fo tin e tàn, e dù, e meé tin saàmbà.

Joon 3:25

Wón lìm Joon wùn à wìr woó Juda wùmòʼ nèn lò, e kèʼ, a bìʼ jii, dzəə̀ yee réŋ ye dzə̀ wìr *kfə̀mrí kitú, e bóo ran fo Nyùy sà dzə̀ rəné á?

Hibru 9:10

Kù‑uù dzə̀ vimfìʼìr ve vinyò, a ví kum a dzə̀ wún, nèn du e mbìv vifa ve yi wùn à ve noón ví, à ve suùn ví. Aá kù‑uù yii vitó vé vinyò vee shooy cáʼ ji á wáa shìy a ghán se Nyùy wíy yiì kinyo ke dzəə̀n sí kíwun.

Jeem 4:8

Vèn wáa koʼtí e Nyùy ghaŋ, é Nyùy wáa koʼtí sa e věn ghaŋ. Ven ve á buʼtì vinyo, vèn fəə́r wó yéné fó fo. Ven ve á tíy vèn à Nyùy melív mebaà, vèn fəə́r kwaʼtì ye bií fo věn meliv.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.