Maak 7:2 - ŊWÀʼ NYÙY

² Wùn áwune lòo dzə, á yén, a wón lìm Jesuse yíkir e woo e dzə̀ne, bìʼ fo bó á yòʼ‑oò lo sù wó e dzəə ye nsər yev taʼà.

Maak 7:2 Iomraidhean Croise

Matio 15:2

«Wón vé lìme shóʼor liì wòŋ wo atàr vesən vee fó mbìyi‑iì lèmèn bìʼ ka? Áwune yòʼ su wó e dzəə ye dzə̀ wìr sù shó, e bó a yikír.»

Maak 7:5

Wír veé Farasi wùn à ve vé‑eè duŋrì nsər Nyùy vìyi nèn dzə̀r e Jesus jii, «Wón vé lìme yíkir e wóo e dzə̀ne, e làa yòʼ a lèm nsər vé mbìyi bìʼ ka?»

Ŋwàʼ Luk 11:38

a bó Jesus yoʼ lò sù virə́ʼ mo áwune yii yii. Wìr Farasi və̀y leéy, kí tárír wun.

Lim Aŋgàa Ntum 10:28

wù suúy aáwune jii, «Vèn kì sá kijuŋ ji dzə̀ nsər fo wìr woó Juda tátí wùn wìr kitum ke sən kí, bo taaka ji wù nəə́ e ŋgaàŋ lav. Yii bèy, a Nyùy dìn ne e mò ji lá m yòʼ a nyaŋsí wír wùmòʼ ji ŋgaà *kifàn.

Lim Aŋgàa Ntum 11:8

M bìnèr jii, nyaa mǒ Tàr, bó yòʼ dzə̀ m mùm. Bó m yòʼ‑oo yií ne wày kifá e mǒ shuù ke kí kóʼoyì, kér *kifàn.

Ŋwàʼ woó Rom 14:14

Fo kém kí, mo moo wír wo wù tatin ne wùn Tàr wòsən Jesus Kristu, m kì kém jii, vifá ve yi vímóʼ ví yòʼ dzə̀ shó ve dzə̀ wìr wàa leʼ ji vé *kifàn. Yii bèy, a shilív shé wìr shi shàʼnín fo wù yí, wù yàr, bìʼ fo, a wù yì, bo wù jày ne fo wùn shiliv.

Hibru 10:29

Mo kí dzəə̀n bey, bo bó wìr wo wù leey kfə́ a dzə̀ Wan Nyùy ntéŋ yòʼ wíy a ker ŋgeʼ ye yì shaàn yee shooy feyì à? A dzə̀ wù kù a ker, bìʼ fo wù yii bèy, káy a dzə̀ kpú ye Wàn Nyùy‑iì kpuun, e bóo gwàr *mensaŋ me Nyùy liìn ŋgaàŋ ji və́ə woo wír. Ŋgaàŋ kfə́n a meŋ sa a dzə̀ Kiyoy ke Nyùy ke kí yii, a wìr kiiy mo Nyùy shám wun.

Ŋgaà Yen 21:27

A bó yòʼ dzə̀ sá kifá ke kí kér shilóm ki nə̀ə́ é laʼ fèn gheéy. A bó yòʼ dzə̀ sá wír wo wù yii liì kisaŋ, kìn wo wù bóʼti kimboʼtì, wù nə̀ə́ fó. Kù wíy nəə́ wír ve yír sév sí dzəə̀n é ŋwàʼ Wàn Njiì Nyùy wo vé‑eè saŋen yír sé wìr ve á wíy lùŋ sho.