Maak 6:3 - ŊWÀʼ NYÙY

³ Bó sà yòʼ dzə̀ ŋkom vicì woo wan Maria wo afə́r vəə́ dzəə̀n Jeem, wùn à Joser, à Judar, à Simon a? Bó jemèr sə́ sí sà yòʼ dzə̀ aáwuné ntèʼ fen a? Áwune gháy bey, e nèn kèʼ a meŋ wun.

Maak 6:3 Iomraidhean Croise

Aysaya 49:7

Nyùy Tàr dzə̀ Mfə̀ə́r wìr veé Isray, a dzə̀ wun Ŋgaà wo Ranén wo áwune ghvə́mé. Wù yoŋ ŋgaà wo vitúm vi nyaysì nyàysìn, wun wo wù‑uù foon kitú kfə́, a lìm fo atǎr saʼa. Wù yoŋ wun, suuy sho jii, «Afone wíy yen wò, e ŋaʼáy fo akàvàʼ, a ghvəm wò, áàtǎr wòŋe wáa gvəʼtí e wò si. Á wíy a yiì bèy, bìʼ Nyùy Tàr, wun woo Ŋgaà wo Ranén woó Isray. Wù yoŋ kinyo, bo wù yii a dzə̀ kíwun, a shòʼ wun wò.»

Matio 11:6

A kishéʼrì ki dzə̀ ké wìr wo bó wù yòʼ méŋnin mo.»

Matio 12:46

Kù mo Jesus dzəə́ súŋnin e wír vìyi bey, a wùn áwune dzə́ e lav, yè wov wùn aàfə́r vəə́ nèn wìy, e tìím fo ndzə, a suúy jii, áwune taʼ, e yen Jesus, é wùn áwune wàá súŋnín.

Maak 15:40

Vikìy ámóʼó wáa tiy sa fo kwaʼda, a leéy. Aámóʼó dzə̀ Maria Magdalen, wùn à Salome, à Maria woo yìy à Joser wùn Jeem wo á yoŋ ji wo terí.

Maak 3:18

Aámóʼó dzə̀ Andru wùn Filiv, à Batolome, à Matio, à Tomar wùn Jeem woo wan Afiyur, à Taadiyor, à Simon woo ntom wòŋ,

Ŋwàʼ Luk 2:34

Wù kfən yiì lò, a suŋnín, a way áwune e Nyùy kiwo. Wù lò, e yòŋ Maria woo yeè wàn jii, «Yuúrí, Nyùy shòʼ ne wan wò və̀n ji wù yii, é wír veé Israyi gbukir anín, aámóʼó nankir nánkin. Wù kfən lèm ji kisəəm ké wun woo Nyùy, a wíri wíy a kay wun.

Ŋwàʼ Luk 7:23

A kishéʼrì ki dzə̀ ké wìr wo bó wù yòʼ méŋnin mo.»

Ŋwàʼ Luk 8:20

Á suúy shó jii, «Yè won wùn aàfə́r vée wìy, a tàʼ wò fo ndzə.»

Joon 14:22

Judar wùmòʼ, a bó yòʼ dzə̀ wo á yoŋ ji Iskariyor və̀y, nèn dzə̀r jii, «Tàr, kí ghàn é le, bo à wáa suúy ji à wíy dìn kitú ké a dzə̀ e vèr, e làa yòʼ dìn e wír veé ndzə fène adzə̀m?»

Joon 6:42

a kfə̀ynìn jii, «Bó wìr və̀n yòʼ dzə̀ Jesus woo wan Joosev à? Vèsən kì tàr wov wùn yè wov. A dzə̀ wù wàa suúy lèn ji wun wìy a dzə̀ fó yuv é le?»

Lim Aŋgàa Ntum 1:13

Á wìy, e nə̀ə́ e lav, e nèn tòsín, e kòʼ e yee fó yuv fo áwune‑eè bee. A vé‑eè dzə̀ jii, Pita, Joon, Jeem wùn Andru, Filiv wùn Tomar, Batolome wùn Matio, Jeem woo wan Afiyur, à Simon wo vé‑eè yoŋ ji ntom wòŋ, wùn à Judar woo wan Jeem.

Lim Aŋgàa Ntum 12:17

Wù nəə́, e sə̀r áwune e kiwó ki, a fèr mo Nyùy kì yiìn, e bóo fəə́r wun fo sháŋ. Wù màysì, e sùúy jii, á fiʼti á kinyo kee shooy e Jeem, e kfə̀n fìʼtì aàŋgàa biimée adzə̀m, e nèn lò, a dù fomóʼó.

1 Korin 1:23

A kér ke vèr fiʼtì ki kù dzə̀ cáʼ jii, Jesus Kristu‑uù kpù é kintam bìʼ ajay wíri, a kí nèn nyár wír veé Juda nyárín, a vitúm vímóʼ ví yoŋ kév ji vinjeenjèm ve vinyò.

1 Korin 9:4

yòʼ dzə̀ á ji m bùŋ a dzə̀ kilíŋ. A m kòŋ, m wàa yikír, a nonín sa fo lìm fèn.

Galatia 1:19

A bó m yòʼ‑oò lo dù bèy, e yèn ŋgaà ntum Kristu wùmòʼ gheéy, kù‑uù jòʼsì Jeem wo dzəə̀n fər wun woo Tàr wòsən Jesus Kristu.

1 Pita 2:4

Vèn wáa koʼtí rì a dzə̀ e wùn ghaŋ. Fó wun dzəʼə̀m yee là may rə̀n. A dzə̀ wun tíy ye vé‑eè yoŋ e Ŋwàʼ Nyùy ji Nyùy‑iì tày ji yee jeéy, é bo wíri siíy, e lèéy ntéŋ.

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.