Maak 4:4 - ŊWÀʼ NYÙY

⁴ Wù lòo màʼ, símóʼ sí túmkír é dzəə, menə́n mè wìy, e tàyrí see shooy.

Maak 4:4 Iomraidhean Croise

Kèʼlo 15:11

Mo wù neèrìn nyám sìy, vilùŋŋgùrúʼ ví lóo wìy ji ví kfə́rí, wù wàa jùm.

Matio 13:19

Ŋgoòy ye yì tumkin é dzəə dzə̀ wír wo wù yú kinyo kee kùm sáʼ Nyùy, e làa yòʼ a kiíy. Satan nèn wìy, e fə̀ə́r kinyo kee shooy fo ŋgaàŋ shiliv.

Matio 13:4

Wù lòo màʼ, símóʼ sí túmkír é dzəə, menə́n mè wìy, e tàyrí see shooy.

Maak 4:15

Ŋgoòy ye yì tumkin é dzəə dzə̀ wír ve á yú kinyo ke Nyùy, Satan nèn wìy, e fə̀ə́r kinyo kee shooy fo áwuné meliv.

Maak 4:3

Wù fèr kímóʼ kí jii, «Vèn yuúrí, e yù, wìr‑iì dù, a màʼ ŋgoòy kifa e sum.

Maak 4:5

Símóʼ see ŋgoòy si túmkír é woʼ, a nsay dzə̀ fó shishàr. Á lòo kom, sí gòʼ e yuv, e nèn tàv fəə̀.

Ŋwàʼ Luk 8:12

Ŋgoòy ye yì tumkin é dzəə nén a dzə wír ve á yú kinyo ke Nyùy, Satan siiy, wù nèn wìy, e fə̀ə́r kinyo kee shooy fo áwuné meliv fo áwune biímé, e wìy lùŋ.

Ŋwàʼ Luk 8:5

A yì dzə̀ jii, «Wìr‑iì dù, a màʼ ŋgoòy kifa e sum. Wù lòo màʼ, símóʼ sí túmkír é dzəə, wíri siíy, a koʼrí sho, menə́n mè kfən tàyrí, e yì.