Maak 4:3 - ŊWÀʼ NYÙY

³ Wù fèr kímóʼ kí jii, «Vèn yuúrí, e yù, wìr‑iì dù, a màʼ ŋgoòy kifa e sum.

Maak 4:3 Iomraidhean Croise

Nsùyrì Nyùy 34:11

Wòn vem, vèn wiy, e yuùrí. M yíi yeʼéy ven mo dzə̀ vèn wàa ghvəm Nyùy.

Nsùyrì Nyùy 45:10

Éè wiiy ntoʼ woo jín, fó vituʼùr ví, e yuùrí jí yem. Làysìn wír véné, làysìn à kfə́ə yéné,

Ŋgàn 7:24

Á bèy, wòn vem, vèn fó vituʼùr vén ví e mò, e yuùrí. Vèn wáy vifií vén ví e ntir ye m fó e vèn lèn.

Ŋgàn 8:32

Á bèy, wòn vem, vèn fó vituʼùr ví, e yuùrí. Bòŋ ké wìr ve á ghán e mǒ mbòv.

Ŋgaà Tàrvìnyò 11:6

Wáy ŋgoòy se vifa si jeéy jeéy, bìʼ fo bó à yòʼ kiìn ke a dzə̀ kí kùy, a tàm é ghan símóʼ sí, vidzə̀m vi kùy.

Aysaya 46:12

«Ven ve á yuun kinyo ke m suuyin, e tàv kitú, e tèn, vèn yuúrí. Ven ve á leey yii yém yee réŋ kwaʼda kwaʼda, vèn yuúrí.

Aysaya 46:3

«Éè kiber ke rám Isray, ven vee rám Jakov, vèn yuúrí kinyo ke m suuy ki kijuŋ. Kèʼ mo vèn‑eè kèʼèn, a dzə ji kitúm, m kù leey fo vèn. Kù li mo ven, ghán sho.

Matio 13:24

Jesus kfən yòv ŋgàn yìmòʼ jii, «Sáʼ Nyùyi dzə̀ moo kinyo ke wìr wo wù màʼàn ŋgoòy vifa ve yi e wùn sum.

Matio 13:26

Vifá vi fəə́, e kùy, e kèʼ wáyrí, kikwiíy kiy ki nèn tàʼám sho.

Matio 13:3

Wù wáa yeʼéy áwune vinyo vinín, a yòv a dzə̀ é ŋgàn. A kímóʼ kí dzə̀ jii, «Wìr‑iì dù, a màʼ ŋgoòy vifa e sum.

Maak 4:14

Wù nèn a naàrì jii, «Wìr wo wù maʼ ŋgoòy kifa e sum dzə̀ wír wo wù fiʼtì kinyo ke Nyùy.

Maak 4:2

Wù wáa yeʼéy áwune vinyo vinín, a yòv a dzə̀ é ŋgàn.

Maak 4:23

Vituʼùr ví dzə̀ vibaà, kímóʼ kí tén fó yu, kímóʼ kí yù.»

Maak 4:4

Wù lòo màʼ, símóʼ sí túmkír é dzəə, menə́n mè wìy, e tàyrí see shooy.

Maak 4:9

Jesus fèr bèy, e màysì jii, «Vituʼùr ví dzə̀ vibaà, kímóʼ kí tén fó yu, kímóʼ kí yù.»

Lim Aŋgàa Ntum 2:14

Pita wùn à kibér ke aŋgàa ntum Jesus vee nshòv mòʼón e ghvə̀me nèn nànèn. Wù wáa suúy e màŋgòŋ və̀y jii, «Ven vee wír veé Juda wùn à veé Jerusaleme adzə̀m, vèn yuúrí, é m suúy mo kí dzəə̀n.

Remrí 4:1

Mooser yiì lò, e sùúy jii, «Éè wìr veé Isray, vèn wáa yunín nsər se m yéʼey ven shó si, à ntò se vinyò si, a yiì mo sí dzəə̀n, e fíʼ yiì a dzə sho, e yìi nəə́, e sə nsay ye Nyùy Tàr woo Nyùy atàr vén fó e vèn.

Jeem 2:5

Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

Ŋgaà Yen 2:11

«Vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo bó wù yòʼ dzəə́ wìy nəə́ e kpu yee akàŋ abaà.»

Ŋgaà Yen 2:29

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»