Maak 4:2 - ŊWÀʼ NYÙY

² Wù wáa yeʼéy áwune vinyo vinín, a yòv a dzə̀ é ŋgàn.

Maak 4:2 Iomraidhean Croise

Nsùyrì Nyùy 49:4

M yíi a fo vituʼùr vém, a dzə̀ é ŋgàn, a kùm lúŋ nshì, a yòv, a naàrì nsàv.

Nsùyrì Nyùy 78:2

M lo, a fèr vinyo, a yòv a dzə̀ é ŋgàn, a suúy vinyo ve ŋgùʼ ví ve ví kér kilìtì,

Matio 13:10

Jesus súŋnín, e màysì, aŋgaà və́ ŋgoo kóʼtí, e dzə̀r shó jii, «À súŋnin e wír vìne, yov a dzə̀ é ŋgàn bìʼ ka?»

Matio 13:3

Wù wáa yeʼéy áwune vinyo vinín, a yòv a dzə̀ é ŋgàn. A kímóʼ kí dzə̀ jii, «Wìr‑iì dù, a màʼ ŋgoòy vifa e sum.

Matio 7:28

Jesus fèr vinyo vìn vidzə̀m, ví mày, màŋgòŋ wo wù‑uù yuúri wáa ker gháʼ,

Maak 10:1

Jesus lò fo ntèʼ yee Kapeenahum, e dù e mbìv wòŋ yee Juda, e yiì lò, e tùm ndzə́v yee Jordan, e kfə̀n é mbìv wòŋ fèsə. Mo wù‑uù ghán bèy, màŋgòŋ kú a baʼtí e wun ghaŋ, wù wáa yeʼéy áwune mo wù kù‑uù yéʼeyì.

Maak 12:1

Jesus nèn lò, a yòv a dzə̀ ŋgàn e wír vee shooyí wùn, a fèr jii, «Wìr‑iì mvə̀ʼ súm vitiír vé *vayin, e bòm kay, e kaàrí sho, e tàr, e kfə̀n bùʼ bií é kilan wo á wáa kòy báŋ se vitiír vee shooy, a nyèŋ sho, é meluʼ mè wáa fəə. Wù kfən bòm kitaàtì ke ŋgaà shìy wáa dzə sho. Wù màysì súm woo shooy, e nàŋsín, e nèn tìr wír ámóʼó shó, e dù ghán e wòŋ wúmóʼó.

Maak 12:38

Jesus kú a yeʼéy wíri bey, a suúy jii, «Vèn wáa baàmè wír ve á duŋrì nsər Nyùy. Áwune lo, á wàa kòŋ ji á wáa màʼ vikúm vé aŋgàa yeʼéy, a kar sho e virə̀ʼ vé way ji wíri fíʼ a shàʼtì áwune, a bèsìn.

Maak 3:23

Jesus nèn yòŋ wír vee shooy, a yòv lám aáwune jii, «A dzə̀ Satan kfə̀n a jùm kitú kfə́ é le?

Maak 4:11

Jesus bìnèr jii, «Nyùy yiì ne, ven víne kiíy sáʼ rə́ ye yí dzəə̀n é kilìr. A wír ve bó á yòʼ dzəə̀n é mvə̀m saʼ foo fène kù yú kév cáʼ ji ŋgàn.

Maak 4:3

Wù fèr kímóʼ kí jii, «Vèn yuúrí, e yù, wìr‑iì dù, a màʼ ŋgoòy kifa e sum.

Joon 18:19

A Jesus sì wùn à taà cù wo kuʼùn, a wù tar kinyo kfə́, dzə́ti ké aŋgaà və́ ŋgoo, kfə̀n dzə́ti mo yéʼéy rəə́ dzəə̀n.