Joshua 9:8 - ŊWÀʼ NYÙY

⁸ Áwune bìnèr e Joshua jii, «Vèr sì akwàn vén.» Joshua kú a sòv jii, «Vèn dzə̀ ala, a vèn wìy fo feé?»

Joshua 9:8 Iomraidhean Croise

2 Afòn 10:5

Á bèy, taà ntoʼ wo wù‑uù leey ntoʼ wùn à wo wù‑uù leey mvəmlaʼ nèn tàtí wùn aàtaàtaá, à nshèelav si, e tsə̀nsí ntum fo Jehu jii, «Vèr kù dzə̀ kér aŋgàa lìm vé, a vèr kù yíi a yiì kinyo kidzə̀m ke à suuy ji vèr wáa yiì. Yòʼ dzə̀ vèr kfə̀n kòʼór fon wùmòʼ. Á yiì kinyo ke kí gheenen wò ki.»

Remrí 20:11

A ŋkàlaʼ rə̀n mvə̀ʼ shúu kày və́, e yòŋ jí see nyaáŋ e vèn, bo vèn sí sor wir dzə̀m woo fó, aá wáa dzə akwàn vén, a tuŋ akwiiròn fo vèn.

Joshua 10:6

Wír veé Gibeone nèn tsə̀nsí ntum e Joshua, a wù dzə̀ é kibeèy é Gilgal jii, «Lá à yòʼ bùʼúr fó màʼ kiwó e věr wùn. Kú a wìy cér, e tòm ver, e sə̀ ver. Afon veé Amor adzə̀m ve á dzə́ aàŋkoŋe lò ne, e bàʼtí, e tàŋ rə́r, e taàmé ver.»

Joshua 9:11

Mo vèr‑iì yuun, kfə́m sé wìr sér wùn à wìr dzə̀m woo věr kitum nèn shù ji vèr báʼtí á kur ghan, e wìy, e beè ven á jii, vèr kù sì á akwàn vén. Vèn ku biìmé a é vèsən gwar á mensaŋ.

Joshua 9:23

Bìʼ bey, lǒn Nyùyi shòv ne ven. Vèn sì akwàn. Vèn yíi a siv meŋkaʼ, a tu mendzə́v meé kibàn ké Nyùy Tàr woo Nyùy wor.»

Joshua 9:25

Vèr kù sì lèn e wò mbvə̀ʼ kiwo, yiì ri e vèr ke à yén ji kí dzə̀ réŋ, e kfə̀n a dzə rú.»

Joshua 9:27

Wáa dzə e kishiíy fen, Joshua ku nèn lèm wír veé Gibeon ji á wáa siv a meŋkaʼ, e kfə̀n a tu a mendzə́v, a fo a e wír veé Israyi, e kfə̀n a dù e mendzə́v mee Nyùy Tǎr kiy cù mè. Kí ku nèn a dzə bèy, e wìy to lán e kirə̀ʼ kidzə̀m ke Nyùy Tàr‑iì wíy shoʼ ji á wáa cù wun sho.