Joshua 9:7 - ŊWÀʼ NYÙY

⁷ Wír veé Israyi nèn yòŋ e wír veé Hiv vìyi jii, «A tàm bo vèn dzə́ e věr mentsə̀m, é vèsən yiì gwàr mensaŋ e le?»

Joshua 9:7 Iomraidhean Croise

Kèʼlo 10:17

veé Hiv, veé Arek, veé Sin,

Kèʼlo 34:2

wù lòo dù, Shekem woo wan Hamor yén wun. A Hamor və̀n dzə̀ wír woó ram Hiv, e kfə̀n a dzə taà ntèʼ. Mo Shekem yenen Dina, wù tó sí rə́, wù nèn ghàtí e dzəə.

2 Samuel 24:7

Á meé é ŋkàlaʼ yee Taya ye vé‑eè bomen kay, e kaàrí sho, e nèn dù, a ghan e ntèʼ sé wìr veé Hiv wùn à sé wìr veé Kanan si, e bóo màysì e Beersheba, e mbìv nsay Juda yee tsə́n.

Ŋwàʼ Fəə 23:22

Yii bèy, a vèn yiì a yunín wun rúrú, a yiì vinyo vidzə̀m ve m yíi a suúy, bo m yíi a bàn aŋgàa vibàn vén, a fùnèn áwune adzə̀m.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Ŋwàʼ Fəə 34:12

Vèn wáa yen fó gwàr mensaŋ vèn à wír veé kitum fo vèn dúu, fó lì aáwuné kitam, e jay dzə́ə.

Kintaŋ 33:52

bo vèn kér fó jùm aŋgàa nsay vee fó adzə̀m, e bvəʼtí mebvə̀m me áwune fèrìn, kìn dzə̀ vibámmbó vé tiy ví, kìn dzə̀ vé kishà vi, e kfə̀n kètì virə́ʼ vév vé cù vidzə̀m.

Remrí 20:16

«Yii bèy, ké ŋkà se laʼ se wìr ve Nyùy Tàr woo Nyùy won fó ji vitsə́ʼ vén, vèn wíy laàr kifá kidzə̀m ke kí ŋeʼè fo fo, kìn dzə̀ wír, kìn nyám.

Joshua 11:19

Bó ŋkàlaʼ ye yì‑iì yiìn nsìysì wùn à wír veé Israyi yòʼ‑oò ló a dzə sho. Kù‑uù mày wír veé Hiv ve vé‑eè dzə́ e Gibeon. Wír veé Israyi‑iì tòn vitúm vìn vidzə̀m e shùu rər,

Joshua 9:1

Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.

Atǎr Nsaʼ 2:2

a vèn yòʼ wíy gwàr a mensaŋ vèn à wír ve á dzə́ e nsay foo fène. Vèn kér a fó wìy kètì kíy sév sé cù. Yii bèy, vèn yoʼ yùnín nsər yem. Vèn yii kee ben a dzə̀ ka?

Atǎr Nsaʼ 3:3

Vitúm ve ví‑iì gòʼòn é nsay foo fèy vi‑iì dzə̀ jii, ŋkà se laʼ seé Filistia see sitàn, wír veé Kanan, à veé Sidone, e lì wír veé Hiv ve vé‑eè dzə́ e Gwan Lebanon, e kèʼ fo Gwan Baal‑Hermon, e dù, e bàʼ e dzəə ye yì nəə e Hamat.