Joshua 9:4 - ŊWÀʼ NYÙY

⁴ e lò kév bey, e tàv fìír, e nèn bàʼtí ghán. Vé‑eè lì vinshùʼ ve vibàm, e kùr e vimbèʼbìy ví ndzə̀m, e lì vitém vee júv a dzə̀ ve ví shùʼkìn ne, á tsə́mrí tsəmrín,

Joshua 9:4 Iomraidhean Croise

Kèʼlo 34:13

Wón Jakovi‑iì biíme kinyo ke Shekem wùn tàr wov Hamor‑iì suuyì e lámé é bvə̀m, bìʼ joonè wo Shekem‑eè yiìn e jèmèr yev.

Nsùyrì Nyùy 119:83

M sì moo júv ye yì sə́ŋ e sikiy, yii bèy, a bó m yoʼ làysìn sáʼ yé.

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Matio 9:17

«A bó yòʼ dzə̀ sá, á wày meluʼ me fíy mè e vitem vee júv ve mvə ví. A wìr wày shó, bo meluʼ mè yíi fə̀ʼ, e waarí vindzə̀n ve jùv vìy, é meluʼ mè lay kisáŋ, é vitém vi kfən bìrkír. Á yii wáy meluʼ me fíy mè a dzə̀ é vitem ve fíy vi, la meluʼ wùn à vitém vi yòʼ dzəə lày kisáŋ.»

Maak 2:22

«A bó yòʼ dzə̀ sá wìr wày meluʼ me fíy mè e vitem vee júv ve mvə ví. A wìr wày shó, bo meluʼ me yíi fə̀ʼ, e waarí vindzə̀n ve jùv vìy, é meluʼ wùn à vitém vi tátí, e lày kisáŋ. Meluʼ me fíy mè kù yii dzə́ wùn à vitém ve fíy vi.»

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Joshua 9:12

Vèn leéy búʼú vifá vé yi ve vèr‑iì liìn é kishiíy ke vèr‑iì lo, a ví lumè. Vèn leéy ri mo ví yumen ne, e kfə̀n fə̀mnìn.

Joshua 9:13

Vitém ve melùʼ vìn vi‑iì dzə̀ vitin e ghan se vèr‑iì wáy meluʼ sho. Vèn leéy ri mo ví shùʼkìn ne. Ndzə̀y sér wùn aàlábáʼá kù sàʼkìr bèn a dzə̀ bìʼ ghán yeé dàŋ rə̀n.»

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,

Joshua 9:5

e kfə̀n wàyrí vintín ve alábáʼ aáwuné wuù, e màʼ ndzə̀y, a sí sáʼkír ne, e lì vifá ve yi, a ví yúm ne, e fə̀mnìn.