Joshua 9:3 - ŊWÀʼ NYÙY

³ Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,

Joshua 9:3 Iomraidhean Croise

2 Samuel 2:12

Abner woo wan Ner nèn lò, e lì wír Fòn Ish‑Boshet woo wan Saul wùn áwune fəə́ fó Mahanayim, e dù e kwaʼ rər é Gibeon.

1 Wòŋ 12:4

à Ishmayia woó Gibeon wo yì‑iì dzəə̀n ntav e mvə̀m antav vee mtaár, a kfə̀n dzə̀ sá kilìmbìy ke antav vee mtaár vee shooy. Ámóʼó‑oò dzə̀ jii, Jeremia wùn à Jahasiel, à Johanan wùn à Josabad woó Gedera,

2 Wòŋ 1:3

Wíri báʼtí, wùn à Fòn Solomon nèn dù e kirə̀ʼ ké cù keé Gibeon. Dzə̀ fó, fo *kibàn ké ntàsín kí‑iì dzəə̀n é ghan fóo fèy, a dzə̀ ke Mooser woo ŋgaà lìm Nyùy Tàr‑iì fèrìn é woʼ.

Jeremia 28:1

Yì‑iì dzə̀ é kiya foo fèy, e ŋwee wo wú meen ji tàn, a kiyá kìn ki dzə̀ ke kí‑iì meen ji kweè mo Tsədekiya‑aà kèʼèn, a saʼ vifon e Juda, Hananiya wo yì‑iì dzəə̀n ji ŋgaà ntum Nyùy wùmòʼ wìy, e sùŋnín e Jeremia, a Jeremia dzə̀ é lav cù wùn aàtàá cùu, à wír ámóʼó anín. Hananiya‑aà dzə̀ wan Asur, a wù ló fó Gibeon. Wù‑uù sùúy ji

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:2

Wù nèn a fàn e ŋàáŋàŋ, bìʼ fo ntèʼ yee Gibeon‑eè dzəə̀n e wíy. Yì‑iì shwìnín ntèʼ ye fòn dzəə̀n fó, e kfə̀n a dzə sa, a yì‑iì kùʼ e shaà yee Ay, a vilum vee fó adzə̀me távkír é ŋàŋ.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:30

Nyùy Tàr nèn kfə̀n wày fó wùn à fòn wov e wír veé Israyí wo. Joshua teè fó, e laàr wir dzə̀m fo fo, e làa yòʼ ber wír, e yiì e fòn wov mo wù‑uù yiìn e fòn woó Jeriko.

Joshua 11:19

Bó ŋkàlaʼ ye yì‑iì yiìn nsìysì wùn à wír veé Israyi yòʼ‑oò ló a dzə sho. Kù‑uù mày wír veé Hiv ve vé‑eè dzə́ e Gibeon. Wír veé Israyi‑iì tòn vitúm vìn vidzə̀m e shùu rər,

Joshua 18:25

Símóʼ sí wáa dzə jii, Gibeon, Rama, Beerot,

Joshua 21:17

Fo nsay rám Benjamin, vé‑eè shòʼtí ŋkà se laʼ see jii, Gibeon wùn à Geba,

Joshua 9:17

Á nèn ŋàʼáy, a dù fo. Á ghán vishiíy vitaár, e nèn mèé e wír vìyí ŋkà se laʼ, a sí‑iì dzə̀ jii, Gibeon wùn à Kefira, à Beerot, à Kiriat‑Jearim.

Joshua 9:22

Joshua jàŋrì wír veé Gibeon, e dzə̀r aáwune jii, «Vèn kì bòʼtí ver ji ka? Vèn kì ghàn é le, e bó a yòŋ ji vèn wìy kwaʼda, a vèn dzə́ fo mentsə̀m fen?

Joshua 9:4

e lò kév bey, e tàv fìír, e nèn bàʼtí ghán. Vé‑eè lì vinshùʼ ve vibàm, e kùr e vimbèʼbìy ví ndzə̀m, e lì vitém vee júv a dzə̀ ve ví shùʼkìn ne, á tsə́mrí tsəmrín,