Joshua 9:27 - ŊWÀʼ NYÙY

²⁷ Wáa dzə e kishiíy fen, Joshua ku nèn lèm wír veé Gibeon ji á wáa siv a meŋkaʼ, e kfə̀n a tu a mendzə́v, a fo a e wír veé Israyi, e kfə̀n a dù e mendzə́v mee Nyùy Tǎr kiy cù mè. Kí ku nèn a dzə bèy, e wìy to lán e kirə̀ʼ kidzə̀m ke Nyùy Tàr‑iì wíy shoʼ ji á wáa cù wun sho.

Joshua 9:27 Iomraidhean Croise

2 Wòŋ 2:16

é vèr nèn gwàr vicí ve à taʼà fo Lebanon, aá sə́y shó e shùu rìbà ndzə̀v, e tàŋsìn, e dòm e ndzəv, e dù sho e Joppa, áà nèn lì, e kòʼ shó e Jerusalem.»

Kintaŋ 31:28

Fo mbìv vifa ye yì du e vé rərí, aá fəə́r nsùʼ Nyùy Tàr fó fo. Á yíi fəə́r kifá kimòʼón fo vee ghii tàn vi. Á ku fə̀ə́r, kìn dzə̀ fo wíri, kìn dzə̀ fo anàʼa, kìn dzə̀ fo vimbèʼbìy ví, kìn dzə̀ fo bvə́y si.

Kintaŋ 31:30

Fo mbìv vifa ve ví du e màŋgòŋ woó Isray, aá fəə́r kifá kimòʼón fo vee mtàn vi. Á ku fə̀ə́r, kìn dzə̀ wíri, kìn anàʼ, kìn dzə̀ vimbèʼbìy, kìn dzə̀ bvə́y si, kìn dzə̀ nyám símóʼ sí. Á fəər bèy, á fò e wír veé ram Levìi, áwune ve á leey fo kibàn ké Nyùy Tàr kí.»

Kintaŋ 31:47

Fo vintóʼ ve vifa ve ví‑iì duùn e wír veé Israyi vin, Mooser‑iì fə̀ə́r kifá kimòʼón kimòʼón fo vee mtàn vi. Wù fəə́r fó mbìv wíri, e fə̀ə́r fo mbìv nyàm, e nèn fò e wír veé ram Levìi, áwune ve á leey fo kibàn ké Nyùy Tàr réŋréŋ mo Nyùy Tàr‑iì yòŋèn e wun.

Remrí 12:11

Nyùy Tàr woo Nyùy won wíy shóʼ kirə́ʼ ke wù shoʼon ji á wáa ghvəm wun fo, bo dzə̀ fo vèn wíy a wìy e kifá ke m yòŋèn e vèn kí kidzə̀m, a dzə̀ ji cu yén ye tonèné wùn à ye seeríné, à nsùʼ woo kintóʼ ke kifa kimòʼón fo vee ghvə̀m vi, à cu seé dzəə sí dzəə sí, à yé ŋkàʼmée.

Remrí 12:14

Bo dzə̀ ji vèn kù wíy a yiì cu a dzə̀ é kirə̀ʼ kee shó ke Nyùy Tàr wíy shoʼ fo rám sén sí nsay. Dzə̀ fóo fèy, fo vèn wíy a yiì cu si, a kù dzə̀ fó, fo vèn wíy a yiì kinyo kidzə̀m ke m yòŋèn e vèn.

Remrí 12:5

Vèn kù wíy a tàʼ a dzə̀ kirə́ʼ kee shó ke Nyùy Tàr woo Nyùy won wíy shoʼ fo rám sén sí nsay, e lèm ji kfə́ ke á wáa cù wun fo. Ghán se vèn wiy e wun si, a cù wun, vèn kù dù a dzə̀ fó.

Joshua 9:21

Vèn maʼti, aáwune wáa dzə. Yii bèy, áwune yíi a dzə, a siv meŋkaʼ, e kfə̀n a tu mendzə́v, a fo e vèsən mo vèr kì yòŋèn aáwune.»

Joshua 9:26

Á bèy, Joshua nèn sə̀ wír vìy fo wír veé Israyí wo, la á yòʼ dzəə yùyrí áwune.