Joshua 9:24 - ŊWÀʼ NYÙY

²⁴ Áwune bìnèr e Joshua jii, «Vèr‑iì fàn a dzə̀ kpú, e bó a yiì bèy. Vèr‑iì lo yù kijuujùŋ ji Nyùy Tàr woo Nyùy won yòŋ ne a e ŋgaà lìm və woo Mooser ji wun wíy way a nsay rə̀n e věn kiwo. Vèn wíy lòo nəə́, é wun laàr á wir dzə̀m wo wù dzə́ sho.

Joshua 9:24 Iomraidhean Croise

Ŋwàʼ Jov 2:4

Satan bìnèr e Nyùy Tàr jii, «Nyár wìri kù lò mo ŋgaàŋ yú. Wìr yíi lì kéŋ rə́ e dzə̀m, e kav dzəʼə̀m rə́ shó.

Matio 10:28

Lá vèn yòʼ a fàn wír ve dzə̀ á yùyrí ven a dzə̀ fó wùn cáʼcáʼ, a bó yòʼ dzə̀ á kùm kiyóy kén. Wìr wo dzə̀ vèn wàa fàn dzə̀ Nyùy wo dzə̀ wù tàtí wún wùn à kiyoy ke wìr ki, e laàr e və̀y.

Joshua 10:2

Wù nèn a fàn e ŋàáŋàŋ, bìʼ fo ntèʼ yee Gibeon‑eè dzəə̀n e wíy. Yì‑iì shwìnín ntèʼ ye fòn dzəə̀n fó, e kfə̀n a dzə sa, a yì‑iì kùʼ e shaà yee Ay, a vilum vee fó adzə̀me távkír é ŋàŋ.

Joshua 2:11

Kù mo vèr‑iì yuun vinyo vìn, tím yérí kpú, wìr dzə̀m seèm bìʼ ven. Rúrú, Nyùy Tàr woo Nyùy won kù dzə̀ wun Nyùy wo wù sáʼ yúv wùn à nsay.

Joshua 2:9

«M kì ji Nyùy Tàr wày ne woŋ və̀n e věn kiwo, a kindzə́m kén kí gwàr ne ver, a wìr dzə̀m woó wòŋàn sí fan ven fánen.

Joshua 6:21

Mànjòŋ nèn laàr kifá kidzə̀m keé ŋkàlaʼ e nyùy rə̀r, kifá kidzə̀m moo vilum wùn à vikìy, à wánlè, à ŋgàywìr, à nàʼ, à njiì, à vimbèʼbìy ví.

Joshua 9:9

Á bìnèr jii, «Akwàn vée wìy ntàmda, bìʼ fo vèr‑iì yuun ne léŋ Nyùy Tàr woo Nyùy won. Vèr‑iì lo yù kinyo kidzə̀m ke wù‑uù yiìn é Ejiv,