Joshua 9:21 - ŊWÀʼ NYÙY

²¹ Vèn maʼti, aáwune wáa dzə. Yii bèy, áwune yíi a dzə, a siv meŋkaʼ, e kfə̀n a tu mendzə́v, a fo e vèsən mo vèr kì yòŋèn aáwune.»

Joshua 9:21 Iomraidhean Croise

Jeremia 46:22

Ejiv sí nyéŋ, nyamkìr moo búv, a dzə̀ bìʼ aŋgàa vibàn vév ve á nyoorì áwune. Á nyoorì áwune e njàm sí, kù mo á lo, a bàʼtì a dzə̀ vicí.

Remrí 29:10

«Vèn sí tíy fèn e kishiíy ké lán ki, e Nyùy Tàr woo Nyùy wón si. Vèn tíy wir dzə̀m, a dzə̀ ji atǎr ram sí wùn à vilìmbìy vi, à ntom se saʼ si, e lì wir dzə̀m woó Isray.

Remrí 29:11

Vèn kù dzə̀ vèn à wóné, à vikìy véné, e lì viŋgwìy ve ví dzə́ vèn áwune, sív meŋkaʼ men, kfə̀n tú mendzə́v.

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 9:15

Joshua nèn gwàr kikoŋnìn wùn áwune, e gwàr mensaŋ ji bó yòʼ dzə̀ á kfə̀n laàr a áwune. Vilìmbìy veé Isray vi nèn fìnèr e kilìʼ kí.

Joshua 9:20

Bó yòʼ dzə̀ vèr kfə̀n yùyrí áwune. Áwune lo e gòʼ atin fo lòné shóv ver ji vèr yàʼáy a kilìʼ ke vèr‑iì yiìn vèr áwune.

Joshua 9:23

Bìʼ bey, lǒn Nyùyi shòv ne ven. Vèn sì akwàn. Vèn yíi a siv meŋkaʼ, a tu mendzə́v meé kibàn ké Nyùy Tàr woo Nyùy wor.»

Joshua 9:27

Wáa dzə e kishiíy fen, Joshua ku nèn lèm wír veé Gibeon ji á wáa siv a meŋkaʼ, e kfə̀n a tu a mendzə́v, a fo a e wír veé Israyi, e kfə̀n a dù e mendzə́v mee Nyùy Tǎr kiy cù mè. Kí ku nèn a dzə bèy, e wìy to lán e kirə̀ʼ kidzə̀m ke Nyùy Tàr‑iì wíy shoʼ ji á wáa cù wun sho.