Joshua 9:20 - ŊWÀʼ NYÙY

²⁰ Bó yòʼ dzə̀ vèr kfə̀n yùyrí áwune. Áwune lo e gòʼ atin fo lòné shóv ver ji vèr yàʼáy a kilìʼ ke vèr‑iì yiìn vèr áwune.

Joshua 9:20 Iomraidhean Croise

2 Wòŋ 36:13

Fòn Tsədekiya nèn lò, e mèŋ sáʼ Fòn Nebukadnessar, a Fòn Nebukadnessar‑iì yiì ne, Tsədekiya lìʼ e Nyùy yir ji wun yíi a neŋ a e wun sar saʼ. Tsədekiya kú a tav kitú tavín, e tèn fó bìnèr shilív sə́, e kfən fo Nyùy Tàr woo Nyùy wìr veé Isray wùn.

Ŋgàn 20:25

Wìr wáa yen fó gìtì, e kàʼ cu e Nyùy Tàr. A wù lò, a rə̀m ntéŋ fó bàm, bo wù wày ne kitú kfə́ é kitam.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Ŋwàʼ woó Rom 1:31

Áwune nen lò, a jìŋ jìŋèn, a bó wìr yòʼ dzə̀ shó wo wù tíy e wùn jì gheéy. Á kù nyavrì e wíri nyávrin, a bó yòʼ dzə̀ wìr shàm wír.

1 Timoti 1:10

vilum wàa jàŋ kinjàŋ, vikìy wàa ghan viŋkar. Wìr lo, wù shaà wiíy, e lì lumèn, ámóʼó wàa shoŋ vishóŋ vé wìr, ámóʼó wàa ghan, a boʼtí kimboʼtì, a lìʼ kilìʼ ké kisaŋ ki ji nsaʼ fíʼ koo wír. Nyùy kfən fò nsər bìʼ wír adzə̀m ve á yii vinyo, la ví yòʼ a shemsín wùn à yéʼéy ye ruú,

Joshua 9:19

Vilìmbìy vidzə̀m vi bìnèr jii, «Vèr kì lìʼ ne e Nyùy Tàr woo Nyùy woó Isray yir, a bó yòʼ dzə̀ lèn vèr kfə̀n kùm áwune.

Joshua 9:21

Vèn maʼti, aáwune wáa dzə. Yii bèy, áwune yíi a dzə, a siv meŋkaʼ, e kfə̀n a tu mendzə́v, a fo e vèsən mo vèr kì yòŋèn aáwune.»