Joshua 9:18 - ŊWÀʼ NYÙY

¹⁸ Yii bèy, la wír veé Israyi yòʼ yùyrí wír vee fó, bìʼ fo vilìmbìy ve wìr veé Isray vi‑iì yiìn ne kilìʼ wùn áwune e yírNyùy Tǎr woo Nyùy wìr veé Isray. Màŋgòŋ nèn a ghvə̀vrì vilìmbìy.

Joshua 9:18 Iomraidhean Croise

2 Samuel 21:7

Fòn nèn dù, e bàvtí Mefiboshet woo wan Jonatan woo wan Saul, bìʼ kilìʼ ke wun woo fon‑eè yiìn wùn Jonatan e Nyùy Tǎr si,

Nsùyrì Nyùy 15:4

Dzə̀ wír wo wù taʼ kinyè ké wìr ve Nyùy meŋen ne ntéŋ, ghvə́m wír ve á fan Nyùy Tàr, tíy e kinyò ke wù kànèn yír Nyùy sho, a fə̀m dzə̀ ka.

Ŋgaà Tàrvìnyò 5:2

À lóo suŋnín, à rə̀tì kijuŋ. Lá shilív shí yòʼ a buʼ wò ji à ku sùúy kinyo e Nyùy, bìʼ fo Nyùy dzəə̀n é yuv, aà dzə̀ ké e nsay. Lá à yòʼ a kàʼ kinyo ke à yòʼ yíi yiì.

Ŋgaà Tàrvìnyò 5:6

Lá à yòʼ biìmé ji shuu wóo yii, áà jáy kinyo, fo à yiì lò, a tunrí e ŋgaà lìm Nyùy ji à kì jày jáyín, e bóo kàʼ. Kí yoʼ ghèén é shuu wóo yii, é Nyùy shwiíy kilòŋ, e bìvír kifá kidzə̀m ke à lìmèn.

Ŋgaà Tàrvìnyò 9:2

a kimaysì ké kifa kidzə̀m ki kù dzə̀ kpú. Kpúu kù li wír wo wù yú Nyùy, li wo wù méŋ wun. Yí li wír wo juŋ, li wo bi, li wír woo là *kifàn, li ŋgaà kifàn, li wír wo wù cu Nyùy, li wo wù yòʼ cu. Kinyo ke kí kooy wír wo juŋ ki kù dzə̀ ke kí kooy ŋgaà yiì ye bií. Ke kí kooy wír wo wù kaʼ Nyùy e cu yee jeéyí kù dzə̀ ke kí kooy wír wo wù yòʼ kaʼà.

Kintaŋ 30:3

«A wánlè ŋgòn wo wù dzə̀ə́ e tàr wóv lav lòo dzə, e yiì kilìʼ ji wun fó á kifá e Nyùy Tàr, kìn wù yiì kilìʼ kímóʼ kí, e kùr kitú kfə́ shó,

Remrí 23:22

Yii bèy, aà dzə̀, e làa yòʼ kàʼ, lá à yòʼ a ker dzə̀rkìtu.

Remrí 23:23

Wìr kù kér fó yiì kinyo ke shuu vəə́ kàʼàn, bìʼ fo wù kàʼàn Nyùy Tàr woo Nyùy və é kimbòŋwùn.

Remrí 23:24

«Wìr lóo shaà e wìr mvə̀m sǔm vitiír vé *vayin, a báŋ si koóm shó, a wù koŋè, wù yì mo wù kòŋèn. Dzə̀ cáʼ ji lá wù yòʼ wày á kifá e kibàm.

Joshua 9:17

Á nèn ŋàʼáy, a dù fo. Á ghán vishiíy vitaár, e nèn mèé e wír vìyí ŋkà se laʼ, a sí‑iì dzə̀ jii, Gibeon wùn à Kefira, à Beerot, à Kiriat‑Jearim.

Joshua 9:19

Vilìmbìy vidzə̀m vi bìnèr jii, «Vèr kì lìʼ ne e Nyùy Tàr woo Nyùy woó Isray yir, a bó yòʼ dzə̀ lèn vèr kfə̀n kùm áwune.