Joshua 9:15 - ŊWÀʼ NYÙY

¹⁵ Joshua nèn gwàr kikoŋnìn wùn áwune, e gwàr mensaŋ ji bó yòʼ dzə̀ á kfə̀n laàr a áwune. Vilìmbìy veé Isray vi nèn fìnèr e kilìʼ kí.

Joshua 9:15 Iomraidhean Croise

2 Samuel 21:2

Fòn nèn tòóy wír veé Gibeon, a lon áwune. Wír veé Gibeon vìne yòʼ‑oò dzə̀ kfəə́ yeé Isray, yì‑iì dzə̀ kibér ke wìr veé Amor. Wír veé Israyi‑iì yiì kilìʼ fó ŋgùʼ ji á yòʼ wíy kùm a áwune. Saul nèn wìy sìíy lò, a laàr áwune bìʼ shií wo wù‑uù kér fo wír veé Isray wùn à veé Judàa.

Ŋwàʼ Fəə 23:32

Lá vèn yòʼ wìy gwàr *mensaŋ vèn áwune. Lá vèn yòʼ gwàr sa vèn aànyùy véví.

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:4

«Vèn wiy, e sə̀ mo, é vèsən funen wír veé Gibeon, bìʼ fo áwune tarin ne shuu wùn à Joshua, à wír veé Israyi.»

Joshua 11:19

Bó ŋkàlaʼ ye yì‑iì yiìn nsìysì wùn à wír veé Israyi yòʼ‑oò ló a dzə sho. Kù‑uù mày wír veé Hiv ve vé‑eè dzə́ e Gibeon. Wír veé Israyi‑iì tòn vitúm vìn vidzə̀m e shùu rər,

Joshua 9:16

Mo á gwàrìn mensaŋ bèy, vishiíy ví shaà vitaár, wír veé Israyi kiíy ji wír vìyi kù dzə́ a fo ghaŋ.