Joshua 9:10 - ŊWÀʼ NYÙY

¹⁰ e kfə̀n yù ke wù‑uù yiìn áàfon veé Amor vee abaà ve á dzəə̀n é ndzə̀n Jordan fèsə, vee ji Sihon woo fon woó Heshbon, à Og woo fon wìr veé Bashan, a wù dzə́ e Ashtarot.

Joshua 9:10 Iomraidhean Croise

Kèʼlo 14:5

Lòo dzə e kiya kee nshòv sikweè e ghvə̀m, Kedorlaomer wùn aàfon və́ kiŋkaàyi báʼtí vitú vév, e dù, e tòn wír veé Refayim e Ashterot‑Karnayim, e kfə̀n tòn veé Susim e Ham, à veé Emime e Shave‑Kiriatayim,

1 Wòŋ 6:71

Vé‑eè fò kfə́ə Gershon virə́ʼ ve dzəə̀n nsay kintoʼnìn ke rám Manasse, a ví dzə̀ jii, Golan e wòŋ Bashan, à Ashtarot wùn à kwáʼ sév sé bvəy si.

Kintaŋ 20:14

Mooser nèn tùm wíri fó Kadesh ji á du, e yèn á fon woó Edom, e sùúy a sho ji wír fòn vee wón Israyi suuy a jii, fòn kì á ŋgeʼ sidzə̀m se sí kooyin ver.

Remrí 1:4

Ghán sin si‑iì dzə̀, a Mooser tón ne Sihon woo fon wìr veé Amor wo wù‑uù dzə́ e Heshbon, e kfə̀n tòn Og woo fon woó Bashan wo wù‑uù dzə́ e Ashtarot, kfə̀n dzə́ e Edrey.

Remrí 2:30

«Yii bèy, Fòn Sihon woó Heshbon yòʼ‑oò lo màʼtì ji vèr wàá shaa á e wun nsay. A kí dzə̀ jii, Nyùy Tàr woo Nyùy wòsən‑eè tàvír ne shilív sə́, e fíʼ way wun wùn à wír vəə́ e vèsə́n kiwo, mo wù yiìn ne kí koóy ben.

Joshua 12:4

Wùmòʼ woo fon wáa dzə Og woo fon woó Bashan, a yì‑iì dzə̀ wír wo wù‑uù berin fó ram Refayim. Wù‑uù dzə́ e Ashtarot, dzə́ e Edrey,

Joshua 13:31

Yì kfən tàtí sa kintoʼnìn ke Gilead wùn à Ashtarot, à Edrey, a dzə̀ ntèʼ se sí‑iì tíy vitú e Fòn Og woó Bashan wòŋ. Á nsay ye vé‑eè foon e kintoʼnìn ke rám Manasse ki mo kfə́ə sév sí‑iì dzə̀kìn, a yí‑iì sàn fo Makir woo wan Manasse.

Joshua 2:10

Vèr‑iì lo yù mo Nyùy Tàr‑iì shèsìn Rìbà Ndzə̀v wo Baar, wù yúm ji vèn túm é ghan se vèn‑eè fəən fó Ejiv. Vèr kfə̀n‑eè yù sá kinyo ke vèn‑eè yiìn áàfon veé Amor vee abaà veé ndzə̀n Jordan fèsə, vee Sihon wùn Og, e laàr áwune láarin.

Joshua 2:9

«M kì ji Nyùy Tàr wày ne woŋ və̀n e věn kiwo, a kindzə́m kén kí gwàr ne ver, a wìr dzə̀m woó wòŋàn sí fan ven fánen.

Joshua 9:11

Mo vèr‑iì yuun, kfə́m sé wìr sér wùn à wìr dzə̀m woo věr kitum nèn shù ji vèr báʼtí á kur ghan, e wìy, e beè ven á jii, vèr kù sì á akwàn vén. Vèn ku biìmé a é vèsən gwar á mensaŋ.

Joshua 9:9

Á bìnèr jii, «Akwàn vée wìy ntàmda, bìʼ fo vèr‑iì yuun ne léŋ Nyùy Tàr woo Nyùy won. Vèr‑iì lo yù kinyo kidzə̀m ke wù‑uù yiìn é Ejiv,