Joshua 9:1 - ŊWÀʼ NYÙY

^1-2 Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.

Joshua 9:1 Iomraidhean Croise

2 Samuel 24:7

Á meé é ŋkàlaʼ yee Taya ye vé‑eè bomen kay, e kaàrí sho, e nèn dù, a ghan e ntèʼ sé wìr veé Hiv wùn à sé wìr veé Kanan si, e bóo màysì e Beersheba, e mbìv nsay Juda yee tsə́n.

Ŋwàʼ Fəə 23:23

Nshìylav yem yíi lì ven, e nəə́ sho e wòŋ wìr veé Amor wùn à veé Hiti, à veé Perisi, à veé Kanane, à veé Hivi, à veé Jebusi. A m yíi laàr áwune fó fo.

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Ŋwàʼ Fəə 3:17

Wù nen kàʼ ji wun yíi fəə́r a áwune fó ŋgeʼ yeé Ejiv, e dù sho e nsay ye vín nàʼ wùn à vilu vi tsəətìn sho, a dzə̀ fo wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́.

Ŋwàʼ Fəə 34:11

«Vèn lem kinyo ke m suuy e vèn lán ki. M yíi jùm wír veé Amor wùn à veé Kanane, à veé Hiti, à veé Perisi, à veé Hivi, à veé Jebusi, aá wáa leʼ ven.

Kintaŋ 13:29

Wír veé Amaleki dzə́ e nsay Negev, a veé Hit wùn à veé Jebus, à veé Amori dzə́ kév é wòŋ agwan, a veé Kanane dzə́ e ŋguùŋè rìbà ndzə̀v, e kfə̀n a dzə e ghaŋ se ndzəv yee Jordan.»

Kintaŋ 34:6

«Fo bìíy yeé mbìv yee fo shùy yii nəə, é wáa dzə Rìbà Ndzə̀v woo Mediteranean, e dù bèy e ŋguùŋè ndzə̀v.

Remrí 1:7

Vèn ŋáʼáy lèn, a dù e wír veé Amorí wòŋ, e mbìv seé agwan. Vèn wáa dù e wòŋ se sí kaarin fó sidzə̀m. A sí dzə̀ jii, mbuŋ Jordan, woŋ agwan, à woŋ seé mboʼ si, a dù e wòŋ woó tsən, a dù e ŋguùŋè Rìbà Ndzə̀v, a dù e wòŋ Kanan, e dù, e yàʼáy agwan veé Lebanon, e dù bèy, e bàʼ e ndzəv ye wiyí yee Yufret.

Remrí 3:25

Kii wò, ku màʼtì, é m líysín ndzə́v yee Jordan, e kfə̀n é ndzən fésə, e yèn nsay yee fó ye juŋ, e yèn woŋ agwan wo wú boŋkìrì, e yèn sá Lebanon.›

Remrí 4:49

Fóo ku nèn dù, e tàtí mbuŋ Araba e dzə̀m, e mbìv Jordan yee fo shùy yii tó, e kù dù bèy, e bàʼ e rìbà ndzə̀v yeé Araba, e dù duùn é sar Gwan Pisga, e mbìv yee fo shùy yii tó.

Remrí 7:1

Mooser shaà fo mbìy, a suúy jii, «Nyùy Tàr woo Nyùy won wíy lì ven, e dù sho e nsay ye vèn du, e nəə́ sho ji vèn yov, é wù tsəʼ vitúm fo fo vinín fo věn mbìy, a kù dzə̀ mo vèn wíy a nəə́, a dù. Wù wíy tsə̀ʼ wír veé Hit wùn à veé Girgashi, à veé Amori, à veé Kanane, à veé Perisi, à veé Hivi, à veé Jebusi. Dzə̀ vitúm saàmbà, a ví kùʼkìr, e kfə̀n tàvkír, e shaà ven.

Joshua 1:15

e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»

Joshua 1:4

Nsay yen yíi kèʼ fo kirə̀ʼ ké woʼ kí, e dù, e meé e Lebanon, e kèʼ fo ndzəv ye wiy yee Yufret, e lì nsay wìr veé Hit e dzə̀m, e dù bàʼ e Rìbà Ndzə̀v woo Mediteranean fo shùy yii nəə.

Joshua 10:23

Á nèn yiì bèy, e fə̀ə́r afon vee atàn vìy fo mbvə̀ʼ, e wìy yèn wun sho. Afon vee ji fon woó Jerusalem wùn à woó Hebron, à woó Jarmut, à woó Lakish, e lì woó Eglon.

Joshua 11:17

e kèʼ fo Gwan Halak wo wù ràmèn, e kìʼ Seir, e dù meé e Baal‑Gad e mboʼ yeé Lebanon, a kfən tsə́n fó Gwan Hermon. Wù tón afon vee fó adzə̀m, e koòrí, e yùyrí.

Joshua 13:5

Á ku sə̀ sá nsay wìr veé Gebal, à nsay wìr veé Lebanon e dzə̀m, e dù duùn é mbìv yee fo shùy yii tó, e kèʼ fo Baal‑Gad e dù meé e Lebo Hamat.

Joshua 15:12

Bìíy yeé mbìv yee fo shùy yii nəə nén a dzə meshávtí me Rìbà Ndzə̀v woo Mediteranean. Á bìíy ye yì‑iì kaarin nsay ye vé‑eè foon e rám Judàa mo kfə́ə sév sí dzə̀kìn.

Joshua 22:4

Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

Joshua 22:7

Ké kintoʼnìn ke rám Manasse kì dzə̀, a Mooser‑iì fò ne áwune nsay e Bashan ji vitsə́ʼ vév. Yii bèy, fo kímóʼ kee kintoʼnìn ke rám Manasse ki, a Joshua‑aà fò ne yéev yee nsay aàfə́r véví ghaŋ e nsay yeé mbìv Jordan, a kfən e mbìv yee fo shùy yii nəə. Mo Joshua màʼtìn vísə vee wíri ji á du á e melaʼ, wù lòo səə̀vì,

Joshua 23:4

Vèn yén ri ké vitum ve ví berin là ton vi, m jàv ne nsay yev, e fò e rám sén sí ji vitsə́ʼ vév. Kù sì nsay yen, e lì ye vitum ve mò‑oò tònèn, e kèʼ fo ndzəv yee Jordan, e dù bàʼ e Rìbà Ndzə̀v woo Mediteranean, e mbìv yee fo shùy yii nəə.

Joshua 24:11

Vèn túm Jordan, e wìy e Jeriko, vilum veé Jerikòo taámé ven é vindzə̀ʼ. Vitúm vímóʼ ví kfən taàmé sa ven, aá dzə̀ jii, wír veé Amor wùn à veé Perisi, à veé Kanane, à veé Hiti, à veé Girgashi, à veé Hivi, e lì veé Jebus. M ku yiì, vèn tón áwune adzə̀m.

Joshua 3:10

Á wìy, wù wáa suúy aáwune jii, «Vèn yuúrí kinyo ke kí yíi yiì, é vèn kiíy ji Nyùy wo tin dzə̀ á vèn áwune, a wù kù yíi jùm vitúm fo nsay mo vèn nəə. Wù yíi jùm wír veé Kanan wùn à veé Hiti, à veé Hivi, à veé Perisi, à veé Girgashi, à veé Amori, à veé Jebusi.

Joshua 3:17

Aá líysinè, aàtàá cù ve vé‑eè béʼ ŋkùv mensàŋ Nyùy Tàrí kù tíy e mvə̀m Jordan e nsay ye yumér. Á tiím fó, e meé mo kitúm kidzə̀m ki‑iì tumen, e mày.

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Joshua 6:27

Á mo Nyùy Tàr‑iì dzəə̀n wùn Joshua, leŋ vəə́ wáa dù woŋ e dzə̀m.

Joshua 9:7

Wír veé Israyi nèn yòŋ e wír veé Hiv vìyi jii, «A tàm bo vèn dzə́ e věr mentsə̀m, é vèsən yiì gwàr mensaŋ e le?»