Joshua 8:6 - ŊWÀʼ NYÙY

⁶ Áwune lóo jùm ver, é vèr nèn lì áwune, e fəə̀ ŋkàlaʼ sho, bìʼ fo áwune yíi a kwàʼtì ji vèr sí léʼ áwune mo vèr‑iì leʼen é ghan sé mbìy si bey. Vèr lévti áwune bey,

Joshua 8:6 Iomraidhean Croise

Ŋwàʼ Fəə 14:3

Á yii bèy, é Farao yiì a kwàʼ ji wír veé Israyi sí ghán, jiŋ a jìŋèn é kwaʼ, aá lày a ne e woʼ.

Ŋwàʼ Fəə 15:9

Ŋgaà vibàn dzə̀v nsaŋ jii, ‹M yíi jùm áwune, e koo. M yíi jàv káv wóv, e lì mbìv ye m koŋè. M yíi shoʼ nyùy yem, e laàr áwune e kiwó kém kí.›

Ŋgaà Tàrvìnyò 8:11

Mo bó á yòʼ táv maʼ ŋgeʼ e vé yiì ye bií kitu, wíri nen kù shaà fo mbìy e yii ye bií.

Ŋgaà Tàrvìnyò 9:12

Wìr yòʼ yii kiiy ghán se kinyo ki lo, e gbù. Mo lálán lo, wù koò sə́, kitám ki koò shinə́n, kù dzə̀ sá réŋréŋ mo kinyo ki lo, kí sàsìn, e gbù, e lì wír, a wù yòʼ kì kí.

Joshua 8:5

Vèr à kibér ke wíri kí yíi lò, a nəə́ ŋkàlaʼ fo mbìv yee fó mbìy, wír vee fóo shóʼ e věr bàm mo vé‑eè shoʼon é ghan sé mbìy si bey, é vèr nèn siìr ŋkfənèr, a nyeŋ.

Joshua 8:7

é vèn nèn fəə̀ fó kirə̀ʼ ké kilaáy, e sùm ŋkàlaʼ yev. Nyùy Tàr woo Nyùy wòsən yií way e vèsə́n kiwo,

Atǎr Nsaʼ 20:32

Wír veé ram Benjamine nèn a suúy jii, «Vèr kfə̀n sí ton áwune moó ghan sé mbìy si.» Yii bèy, a wír veé Israyi beynìn kév jii, «Vèsən nyéŋ, e fíʼ sə̀ŋ áwune, aá fəə́ é dzəə sí, e màʼtì ŋkàlaʼ e bàm.»