Joshua 8:35 - ŊWÀʼ NYÙY

³⁵ Bó jì yòʼ‑oò lo gòʼ fo nsər se Mooser‑iì foon, ye Joshua yòʼ‑oò lo yòŋ e màŋgòŋ woó Isray, e lì vikìy wùn à wóné, à viŋgwìy ve ví‑iì dzə́ aáwuné mvəm ví.

Joshua 8:35 Iomraidhean Croise

Esra 10:1

Esra wáa bùnrì, a tuuné ajay, a toŋ kitávín, a fon wún é nsay e shùu lav Nyùy, màŋgòŋ woó Isray, vilum wùn à vikìy, à wónlèé nèn bàʼtí e wun ghaŋ, a toŋ sa kibiíbí.

Nehemia 8:2

Esra wo kfə̀n‑eè dzəə̀n taà cù ku nèn tàʼ Ŋwàʼ Nsər, e wìy sho e màŋgòŋ si, a kù‑uù dzə̀ vilum wùn à vikìy, à wàʼbìn wo yì‑iì dzə̀ wù yù kinyo, e lèm. A kishiíy kin ki kù‑uù dzə̀ ké mbìy ki e ŋwee wo wú meen ji saàmbà.

Nehemia 8:3

Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.

Ŋwàʼ Fəə 12:38

Vintaà kfəə vímóʼ ví‑iì lò aáwuné bàm vinín, bóo lì sa ŋgoo se bvəy wùn à sé nyàm si.

Jeremia 26:2

Wù‑uù sùúy jii, «Dù tìím e maàndzə yeé shùu lav cù Nyùy Tàr, e sùŋnín e wìr dzə̀m wo wù wìyìn fó ŋkà se laʼ seé Juda ji wun yii cu e Nyùy Tǎr lav. Tiísí kinyo kidzə̀m ke m suuyin e wò ki aáwune, é la kfəʼ yòʼ tùm fó fo.

Joel 2:16

Vèn báʼtí wíri, e *kfə̀mrí, ye dzə̀ á wàa koʼtí e mǒ si. Vèn báʼtí ŋgày sé wìr si, e bàʼtí wóné, à vé vine shó. A fə̀m dzə̀ wír, aá tátí vijín vifíy, á kù màʼtì lav vijìn, e wìy.

Sekariya 8:23

A ke suuy mo woo Nyùy Tàr woo Taà Mànjòŋ ki dzə̀ jii, wíy lòo dzə e ghan fóo fèy, é wíri wáa fəə fo vitum, a fə̀m dzə̀ ve ví súŋnin lám vəneé. Wíri lo e ghvə̀m, aá ghár ndzə̀y sé wìr woó Juda, a suúy ji vèsən kú a dù, vèr yú ji Nyùy dzə̀ á vèn áwune.»

Maak 10:14

Jesus yú, wún vəə́ kìn, wù suúy jii, «Vèn maʼti, é wón ve terií wáa wìy, a yen mo. Lá vèn yòʼ a shèm, bìʼ fo wír ve á wíy nəə́ e vijùŋ ve dzəə̀n vé saʼ Nyùyi kù dzə̀ wír vee moo wón vin.

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

Lim Aŋgàa Ntum 21:5

Kishiíy kér ké lò ki gheén, vèr nèn lì dzə́ə, a dù ghán yér. Wùn à vikìy, à wóné tsəə́né ver adzə̀m, e fəə̀sín mvəmlaʼ. Vèr áwune meé é shùu rìbà ndzə̀v, e tsə̀m fó nsay, e bùnrì, e shàʼnìn.

Remrí 29:10

«Vèn sí tíy fèn e kishiíy ké lán ki, e Nyùy Tàr woo Nyùy wón si. Vèn tíy wir dzə̀m, a dzə̀ ji atǎr ram sí wùn à vilìmbìy vi, à ntom se saʼ si, e lì wir dzə̀m woó Isray.

Remrí 29:11

Vèn kù dzə̀ vèn à wóné, à vikìy véné, e lì viŋgwìy ve ví dzə́ vèn áwune, sív meŋkaʼ men, kfə̀n tú mendzə́v.

Remrí 29:9

Kí nén a dzə jii, vèn wáy ŋàŋ ji á kú a lèm ntò se mensàŋ sìn sidzə̀m, é vinyo ve vèn yii vidzə̀m vi wìy a dù kijuŋ.

Remrí 31:12

A vèn kù wíy a banén wir dzə̀m, vilum wùn à vikìy, à wóné, à viŋgwìy ve ví wíy a dzə e věn ŋkà se laʼ vi, aá fiʼ yù adzə̀m, e yèʼéy mo dzə̀ á wàa ghvəm Nyùy Tàr woo Nyùy won, a ŋeèvì nsər se sí dzəə̀n é ŋwàʼ fèn sidzə̀m, a lèm.

Remrí 4:2

Vèn kú a lèm a dzə̀ nsər se Nyùy Tàr woo Nyùy wòsən se m yoŋ e vèn sí. Lá vèn yòʼ dzə̀sì kifá e vinyò ve m yoŋ e vèn, lá vèn yòʼ shòʼór kifá fo fo.