Joshua 8:31 - ŊWÀʼ NYÙY

³¹ Wù‑uù bòm réŋréŋ mo Mooser woo ŋgaà lìm Nyùy Tàr‑iì suuyin e wír veé Israyi ji á bóm. Kù mo kí dzəə̀n kisáŋén é Ŋwàʼ Nsər Mooser jii, á bóm á kíy cù e tíy yee là náŋsíne, ye bó kifá ke lìm kee kisha ki yoʼ kùm. Wù bóm, á nèn yiì cu Nyùy Tàr ye tonèné, à yé kikòŋnìne shó.

Joshua 8:31 Iomraidhean Croise

2 Afòn 14:6

yii bèy, e bàvtí wón vév, e làa yòʼ yuyrí. Wù kù‑uù yùnín a dzə̀ nsər Nyùy Tàr ye vé‑eè saŋen é Ŋwàʼ Nsər Mooser jii, «Yòʼ dzə̀ á yùyrí atàr bìʼ jay wòn vév, a bó yòʼ dzə̀ á yùyrí wón bìʼ jay atàr vév. Wìr kù yíi a kpu a dzə̀ fo və́ə woo jay.»

2 Afòn 22:8

Shafan nèn dù, e fìʼtì ntum fòn e Hilkia woo taà cù wo kuʼùn. Wù suúy e wun ji wun sìíy ne, e bòŋ á Ŋwàʼ Nsər Nyùy fo lav cù. Wù suúy bey, e nèn fò, Shafan yòŋ.

2 Wòŋ 25:4

Yii bèy, wù yòʼ‑oò lo yùyrí wón vév, bìʼ fo wù‑uù jùmrì a dzə̀ Nsər Nyùy Tàr, a dzə̀ kinyo ke vé‑eè saŋen é Ŋwàʼ Mooser jii, «Yòʼ dzə̀ á yùyrí atàr bìʼ jay wòn vév, a bó yòʼ dzə̀ á yùyrí wón bìʼ jay atàr vév. Wìr kù yíi a kpu a dzə̀ fo və́ə woo jay.»

2 Wòŋ 35:12

Áwune‑eè lèm nyám se cù ye tonèné jeéy ji á javti á e wír vee víyi mo akáŋ véví dzəə̀n é kfəə sí kfəə si, aáwune cu Nyùy Tàr shó mo vé‑eè saŋen é Ŋwàʼ Mooser. Á kù‑uù jàv sá anàʼ bèy.

Esra 6:18

Á nèn lèm atàá cù aáwuné viliŋ, e lèm wír veé ram Levi aáwuné akáŋ ji á wáa yiì lim Nyùy e Jerusalem réŋréŋ mo vé‑eè saŋen é ŋwàʼ Mooser.

Nehemia 13:1

Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Ŋwàʼ Fəə 18:12

Jetro woo sə Mooser nèn tòn nyám si, a cù Nyùy Tàr shó. Aaron wùn à vilìmbìy ve wìr veé Isray vi wìy, wùn áwune wáa yi kibán e kirə̀ʼ ké cù.

Ŋwàʼ Fəə 24:5

Wù nèn tùm wónlě nsùm veé Isray ámóʼó, á tàʼ nyám si, a cù Nyùy Tàr e cu ye tonèné wùn à ye á yii yii e nàʼ ji yé kikòŋnìne.

Matio 12:26

Kí nén a dzə sa réŋréŋ moo, a Satan lò, e kfə̀n a taʼár wír və́, bo sáʼ rəə́ bvəə̀rí ne, a bó yòʼ dzə̀ yí dzəə tìím.»

Remrí 27:2

Lóo dzə e kishiíy ke vèn liysin ndzə́v yee Jordan, e nə̀ə́ e nsay ye Nyùy Tàr woo Nyùy won fó e vèn, vèn tùúy lúm se tiy, e yòʼ e fém si.

Remrí 27:8

Lá vèn yòʼ làysìn fóo saŋ nsər se Nyùy sìn sidzə̀m e tiy se vèn du, e tuúy. Vèn mum ji nsáŋtí ku ràn á kijuŋ.»

Joshua 1:8

Lá à yòʼ wìy yàr fó a yòŋ Ŋwàʼ Nsər və̀n. Á yòŋ, a rə̀tì e shùy wùn à vitsə́ʼə́. Kú a yen ji à wáa yunín a kinyo kidzə̀m ke kí dzəə̀n shó, é dzə́ə sé si nèn a ran, é vinyo vé vi wáa ghan kijuŋ.