Joshua 8:3 - ŊWÀʼ NYÙY

³ Joshua wùn à vé rər adzə̀me nèn ŋàʼáy ji á du, e taamé Ay. Wù tàr vé rər ve tavkíné nsə̀kì mtaár, e tsə̀nsí fo mbìy vitsə́ʼə́.

Joshua 8:3 Iomraidhean Croise

Ŋwàʼ Fəə 17:9

Mooser nèn sùúy e Joshua jii, «Shóʼtí vilum, aá du, e fùnèn wír veé Amalek. M bvəə́shi dù, e tiím e kitu ke gwan vèr à mbàŋ rə̀n e mǒ kiwo, mbàŋ rə̀n, ye yì kér vitaáví vé Nyùy.»

Matio 24:39

Á yòʼ‑oò ló a səə̀m vinyo gheéy, e dù, e meé e ghan se ndzə́ví‑iì fəən, e lì áwune adzə̀m. A kù dzə̀ kinyo ke kí wíy koóy e ghan se ŋgaà wo yírí dzəə̀n Wanwìr wíy a kfən.

Matio 24:50

bo tàr wov wíy sàsìn, e bvəy e ghan se wù yòʼ kì kwaʼtì.

Matio 25:6

«Yúví yiì kòŋrí, shirəə́ shi nèn jìy jii, lùm jìn waà sí wiyì, áwune wàá fəə́, e dù, e səə̀sí.

1 Tesalonika 5:2

bìʼ fo vèn kiiyin ne kijuŋ ji kishiíy ké Taàtá Jesus Kristu kìn ki wíy sàsìn, e bvəy a mo shòŋ bvə̀y vitsə́ʼ.

Joshua 10:7

Joshua nèn lò fo Gilgal wùn à mànjòŋ və e dzə̀m, à vé rər ve tavkíné adzə̀m.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:4

Wù lòo tsənsí, e sùúy aáwune jii, «Vèn yuúrí kijuŋ, vèn yíi laáy e bǎm ŋkàlaʼ fo mentsə̀m, a dzə fo kibáʼtín mo á yíi ŋaʼáy, e tòn ŋkàlaʼ yee shooy.

2 Pita 3:10

A kishiíy ke Kristu wíy a kfən kìn ki wíy sàsìn, e bvəy moo shóŋ. Kí wíy gheén, aá yú mo yúví bayin ji mbǎŋ, e nèn tàʼrí, e lày, é vifá ve á bomen ndzə sho vi yaáné, e mày. Nsay wùn à vifá ve ví dzəə̀n shó vidzə̀m vi wíy shwi, e bvəʼə́y.

Atǎr Nsaʼ 9:32

Á bèy, ku lì vé rər vée, é vèn áwune ŋáʼáy vitsə́ʼə́, e dù, e làáy e vighìn.