Joshua 8:28 - ŊWÀʼ NYÙY

²⁸ Á mo Joshua wùn à wír vəə́‑əə̀ tònèn Ay bèy, fóo nèn kù gòʼ e vifə̀m e shem lán.

Joshua 8:28 Iomraidhean Croise

2 Afòn 19:25

«Wówò, à yòʼ‑oò ló ne yù a? À yòʼ‑oò lo yù ji mò‑oò wày ne wáyín fó ŋgùʼ a? Yì‑iì sìysì mo vinyo ve ví kooy lèn vìn fo yàŋgùʼ. Kù‑uù sìysì mo, é bo à keti ŋkà se laʼ se tavkín sí, e bìnèr kay sév se bomén sí, é sí du é vifə̀m.

Aysaya 17:1

Sáʼ Nyùy yee kùm Damaskusi rə̀ne. Yí dzə̀ jii: Vèn leéy, e yèn, bó Damaskus yòʼ dzəə́ wìy a dzə ji ŋkàlaʼ. Fóo sí wìy kfən ji kirə́ʼ ke kí keèsìn ne, e mày.

Aysaya 25:2

À kètì ne ŋkà se laʼ se wíri yéʼti sho, e siìr ji vikfə́r ve tiy, e sàʼtì ŋkà se laʼ se á bonen, e kìŋsìn sìn, sí dú é vifə̀m. À laàr ne ŋkà se laʼ se vitúm vi bàʼrìn virə́ʼ vév ve tavkín ví fó, a bó yòʼ dzə̀ á kfə̀n dzəə wìy yù fóo bàʼrì, e siìr e bàm.

Jeremia 49:2

Á bèy, ghán símóʼ sí wíy gheén, é m yii, é wír veé Rabbàa yú mo léŋ rərí wiyì. Rabba, wo dzəə̀n ŋkàlaʼ wìr veé Ammon, fo sáʼa lo. Suuy mo woo Nyùy Tàr. Fóo wíy dù e vifə̀m, a fum e vikfər. Á wíy tòn ntèʼ se sí kaarin fó e və́yí. Isray wíy kfən e bàm fó, e sə nsay yev ye vé‑eè faàsìn fo áwune. Suuy mo woo Nyùy Tàr.

Jeremia 50:26

Wù yoŋ jii, á ku taàmé Babilon mbìv sidzə̀m. Á bvə́ʼ á vitáv vév vé vifa ve yi. Á bvə́ʼə́y á fó, e fùm é vikfər vikfər, mo á fùm vifá ve yi bèy. Á laar á fó ŋkuuŋkùŋ, é la kifá ki yòʼ bèr.

Jeremia 9:11

Nyùy Tàr suuy jii, «M yíi yiì, é Jerusalem kfə́n é vikfər vikfər, e dù ji kirə́ʼ kee fo kuúrá yii shiiyì. M yíi yiì, é ŋkà se laʼ seé Juda si kfə́n ji vifə̀m. Kirə́ʼ ke bó wìr yòʼ yii dzə́ fo.»

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Remrí 13:16

Vèn yii bèy, á kùúy kéŋ yee fó e dzə̀m, e dù sho e màwày, e tòn ŋkàlaʼ wùn à kéŋ yee fóo e dzə̀m e və́yí. Vèn ku tòn ji cu Nyùy Tàr woo Nyùy won yee tòn e fur. Fóo kù sí wìy gòʼ e vifə̀m, a bó yòʼ dzə̀ á kfə̀n bàʼrì.

Remrí 13:17

Lá vèn yòʼ wìy lèm kifá fo vifa ve nshwǐ Nyùy Tàr ji kén, é Nyùy Tàr nèn wìy bìn ndzə̀m e wun dòʼshwiíy, e rə̀r mendzən men, a sham ven, a yiì, é vèn wìy a kùʼ, a dzə wír nyanyày mo wù‑uù kàʼàn atàr vén.

Joshua 4:9

Joshua kfən tàʼ tíy yímóʼó nshòv sibaà e ghvə̀m, e tùúy e kirə̀ʼ fo atàá cùu‑uù tíy e ndzəv, kér ŋkùv mensàŋ. A tíy sin si kù dzəə́ tíy fo e shem lán.

Joshua 8:29

Yii bèy, Joshua sə́ŋ fon woó Ay e kici, wù wáa səŋ fo e meé e ŋkuùr. Shùy lòo nəə́, wù yòŋ, á kér fó fo, e dù màʼ e shùu kày wo wú nəə e ŋkàlaʼ, e kùʼtí kikfə́r ke tiy é kitu wo, a kí kù dzə̀ə́ fo e shem lán.