Joshua 8:20 - ŊWÀʼ NYÙY

²⁰ Vilum veé Ayi lòo màʼ sí e bàm, e yèn, a kindzə́ʼ ki dzəm, kóʼ fo ŋkàlaʼ, shúu yúm áwune, vitaáví vév ví máy. Á nèn lò mèŋ fó a nyeŋ, a dù, bìʼ fo wír veé Isray ve vé‑eè léʼ, du e woʼó‑oò bìnkìn ne, e kìʼ áwune.

Joshua 8:20 Iomraidhean Croise

Kèʼlo 19:28

Wù máʼ sí, e lèéy mbìv Sodom wùn Gomorra, e lèéy mboʼ yee fó e dzə̀m, e yèn a kindzə́ʼ ki dzəm fo fo mo á tòn kincaàrì e kifir.

Ŋwàʼ Jov 11:20

Yii bèy, a wír ve bií yòʼ wíy a ker fó neèr shwín. Dzəə̀ ye a dzə̀ áwune wìy bàʼàr ŋgeʼ sho yòʼ dzə̀ə́. Bó áwune yòʼ kfə̀n tiir vifií é kinyò, e shaà ji kpúu li áwune.»

Nsùyrì Nyùy 76:5

À faàsì ne vifá ve rər fo antavi, aáwune sí néŋ neŋén é ŋòròʼ. Bó gwèy yòʼ kfə̀n dzəə́ nan kiwó.

Aysaya 34:10

Və́y və́ne kù wíy a shwi là ndzə́mén, a shwi e shùy, a shwi vitsə́ʼ. Kindzə́ʼ ki kù wíy a koʼ fo fo, e dù, e jòʼsì. Nsay yev kù wíy a dzə e vifə̀m, a lò fo ŋgwàʼ rə̀y, a liysín e rə̀y. Feyì feyì, e wìy dù, e mày, bó wìr yòʼ kfə̀n dzəə́ wìy tiír kiwuú fó.

Joshua 8:19

Kù mo Joshua nànèn bey, shúu rə́r bàmé wo wú kì laayin və́yi ku nèn lò kàŋ mòʼón, e gìtì fəə̀kír fo kirə̀ʼ ké kilaáy, e sheèmé e ŋkàlaʼ, e sùm, e kù nèn wàyrí və́y shó.

Joshua 8:21

A kí dzə̀ jii, mo Joshua wùn à wír vəə́ yenen ji wír ve á kì laayiné sùm a ne ŋkàlaʼ, e tòn, kindzə́ʼ ki wáa koʼ fo fo, á nèn bìnkìr, e tsə̀ə́m, a yuyrí wír veé Ay.

Ŋgaà Yen 18:9

Və́yí wíy koo e Babilon, afon veé nsayi maʼ sí, yén mo kindzə́ʼ ki dzəm fo fo, aá wáa dìy, a shèŋ vitú. A dzə̀ áwune ve vé‑eè wiy, a wùn áwune yí woŋ, buʼtì vinyo.

Ŋgaà Yen 19:3

Màŋgòŋ və̀y nèn kfə̀n lò, e yìysí jii, «Á wáa burí Nyùy. Kindzə́ʼ ki kù wíy a dzə̀m fo ŋkàlaʼ foo fèy ghán sidzə̀m, viyá viyá là may.»

Atǎr Nsaʼ 20:38

Aáwune ve vé‑eè lìrìn é kighìne kì sìysì ne kisəəm kév ké rər wùn à kùʼùn wìr vév jii, aáwune yiì lòo sìn, a kindzə́ʼ ki súm ne ŋkàlaʼ, a koʼ e yuv,

Atǎr Nsaʼ 20:40

Yii bèy, kindzə́ʼ ki nèn lò, e kèʼ, a koʼ fo ŋkàlaʼ moo kikfə́m ke mbàʼ, áwune bínkír, e lèéy bám wóv, e yèn rúrú, a kindzə́ʼ ki súm ne ŋkàlaʼ yev, a koʼ e yuv.

Atǎr Nsaʼ 20:41

Wír veé Israyi nen bìnkìr lèn, e ghìʼ wír veé Benjamin, kindzə́m kí gwár áwune, á ló, a yàʼ yàʼàn, bìʼ fo vé‑eè yenen ji kpúu lì a ne áwune.