Joshua 8:2 - ŊWÀʼ NYÙY

² À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:2 Iomraidhean Croise

2 Wòŋ 13:13

Abija wáa suŋnín bèy, a Jeroboam tsə́nsí ne vé rər ámóʼó ji á du, a nəə́ a wír veé Juda fo bàm, é wùn à ámóʼó nèn a nəə́ a dzə̀ fó mbìy.

2 Wòŋ 20:22

Áwune‑eè dù, e kèʼ lòo yòv, lòo sùyrì Nyùy Tàr, wù nèn fùnèn wír veé Ammon wùn à veé Moavi, à veé Gwan Seiri ve vé‑eè nəə Juda e rə́r sí. Wù fùnèn bèy, e tòn áwune.

Nsùyrì Nyùy 39:6

Wíri ghán e yuv, a dzəʼə̀m yéví dzə̀ moo kindzə̀ə́ndzəm bèy. Á gar gàrìn, aá kù gar kisáŋ. Wìr lo, wù bàʼtí bùʼ, a bó wù yòʼ kì wír wo wù wíy yi vitsə́ʼ və́.

Ŋgàn 13:22

Wìr wo juŋ kù yíi a ker kéŋ yée lèm ji vitsə́ʼ e rám rəə́, a bùʼ ŋgaà yiì ye bií wíy dù a dzə̀ e wír ve á yú Nyùyi.

Ŋgàn 28:20

Wìr lóo suúy kinyo, lóo tiy a dzə̀ e kíwun ki, Nyùy wàa səə̀vì wun. Wìr wáa tàʼ vikuʼùy vee cércér, bo yòʼ dzə̀ wù bòy fó ŋgeʼlàʼ.

Jeremia 17:11

Wìr wo wù kooyin káv e dzəə̀ kinshwìv, wù dzə̀ moo shinə́n she shí kay wúm ye yòʼ dzəə̀n rə́. Wù tóʼ dzəʼə̀m e ntìntìn, kávi nèn mày. Dzəʼə̀me lóo mày, wù nèn kfə̀n ji kiyúŋ.

Jeremia 51:12

Á fó sáʼ, aá bvə́ʼ virə́v vé kày yeé Babilon. Á dzəsi vé shìyi, aá sə́tí fó sətín, e lèm ámóʼó é virə̌ʼ virə̀ʼ, aá kóʼ ŋkiy, e kfə̀n lèm sa ámóʼó, aá laáy laayín é virə̀ʼ. Nyùy Tàr kù yíi yiì kinyo ke wù‑uù wayin ji wun yii. Wù kù yíi lovtí e wír veé Babilone mo wù‑uù yòŋèn.

Remrí 2:35

Vèr nèn lì nyám si, e kùúy vifá fo ŋkà se laʼ.

Remrí 20:14

Yii bèy, a vèn wíy lì vikìy wùn à wóné, à nyám si, à kifá ke aŋgaà vén vibàn kí kidzə̀m ji vifá ve á koon fó kwaʼ rər, a yi feyì ji vifá ve Nyùy Tàr woo Nyùy won foon e vèn.

Remrí 3:2

Nyùy Tàr yòŋ e mò jii, ‹Lá à yòʼ fàn wun, m wày ne wun wùn à wír vəə́ adzə̀m, à nsay rə e wò kiwo. Yiì shó mo wò‑oò yiìn e Sihon woo fon woó Amor, wo wù‑uù dzə́ e Heshbon.›

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 11:14

Wír veé Israyi kuúy vifá vidzə̀m fo ŋkà se laʼ se á tònèn wùn à nyám si ji nsàʼmboʼ wov, e kù laàr wir dzə̀m láarin e nyùy, e làa yòʼ bavtí wír.

Joshua 6:21

Mànjòŋ nèn laàr kifá kidzə̀m keé ŋkàlaʼ e nyùy rə̀r, kifá kidzə̀m moo vilum wùn à vikìy, à wánlè, à ŋgàywìr, à nàʼ, à njiì, à vimbèʼbìy ví.

Joshua 8:12

Wù lí vé rərí moo ansə̀kì atàn bèy, e tùm ji á laáy á e ntìntìn Betel wùn Ay, a kìʼ mbìv Ay a dzə̀ yee fo shùy yii nəə.

Joshua 8:14

Fòn woó Ay yén, a wír veé Israyi wíy ne, wùn à vilum vee wun ŋkàlaʼa gìtì, e bàʼtí. Yì wáa jàv, á fəə́kír ji wùn à wír veé Israyi tám á e kibiʼtí ké a yen mbuŋ Jordan. A bó wù yòʼ‑oò ló a kiíy ji shúu rər wúmóʼó kì làáy ne a e bǎm ŋkàlaʼ, wo wú‑uù yíi fəə, e sùm ŋkàlaʼ bám bám.

Joshua 8:19

Kù mo Joshua nànèn bey, shúu rə́r bàmé wo wú kì laayin və́yi ku nèn lò kàŋ mòʼón, e gìtì fəə̀kír fo kirə̀ʼ ké kilaáy, e sheèmé e ŋkàlaʼ, e sùm, e kù nèn wàyrí və́y shó.

Joshua 8:24

Mo wír veé Israyi màysìn, e yùyrí vilum veé Ay e kirə̀ʼ ké woʼ kí e ŋgèŋgèr fo wír veé Ayi‑iì jùmèn áwune, e dù sho, wír veé Israyi nèn kfə̀n é bàm é ŋkàlaʼ, e màysì, e yùyrí kibér ke wìr ke kí‑iì dzəə̀n fó.

Joshua 8:3

Joshua wùn à vé rər adzə̀me nèn ŋàʼáy ji á du, e taamé Ay. Wù tàr vé rər ve tavkíné nsə̀kì mtaár, e tsə̀nsí fo mbìy vitsə́ʼə́.

Joshua 8:7

é vèn nèn fəə̀ fó kirə̀ʼ ké kilaáy, e sùm ŋkàlaʼ yev. Nyùy Tàr woo Nyùy wòsən yií way e vèsə́n kiwo,

Joshua 8:8

vèn sumè, vèn nèn tòn. Vèn ku yiì réŋréŋ mo Nyùy Tàr yòŋèn e vèn, e jùmrì kinyo ke m suuyin e vèn kí.»

Joshua 8:9

Joshua nèn tsə̀nsí áwune fó mbìy, á dù e kirə̀ʼ ké kilaáy, a shìy fo, a kirə́ʼ kin ki dzə̀ é ntìntìn Ay wùn Betel, a kí kiʼ mbìv Ay, yee fo shùy yii nəə. Joshua nèn shìíy kfə́ a dzə̀ é kibeèy.

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,