Joshua 8:19 - ŊWÀʼ NYÙY

¹⁹ Kù mo Joshua nànèn bey, shúu rə́r bàmé wo wú kì laayin və́yi ku nèn lò kàŋ mòʼón, e gìtì fəə̀kír fo kirə̀ʼ ké kilaáy, e sheèmé e ŋkàlaʼ, e sùm, e kù nèn wàyrí və́y shó.

Joshua 8:19 Iomraidhean Croise

Joshua 8:18

Nyùy Tàr yòŋ Joshua, e sùúy jii, «Nàn kòŋ ye à kér e wò kiwoo, a ròm Ay sho, bìʼ fo m yíi way ŋkàlaʼ yee shoon e wò kiwo. Joshua ku nèn nàn kòŋ rə́, a ròm Ay sho.»

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:20

Vilum veé Ayi lòo màʼ sí e bàm, e yèn, a kindzə́ʼ ki dzəm, kóʼ fo ŋkàlaʼ, shúu yúm áwune, vitaáví vév ví máy. Á nèn lò mèŋ fó a nyeŋ, a dù, bìʼ fo wír veé Isray ve vé‑eè léʼ, du e woʼó‑oò bìnkìn ne, e kìʼ áwune.

Atǎr Nsaʼ 20:33

Wír adzə̀me ku nèn a nyeŋkír fo vé‑eè dzəə̀n, e dù, e kfə̀n tìír shúu rər wóv é Baal‑Tamar. Wír vév ve á kì laayin é vighìne nèn meèkír fo áwune virə̀ʼ vé kilìr e ghaa Gibea.

Atǎr Nsaʼ 20:37

Wír veé Isray ve vé‑eè laayin víyi ku nèn lò, e ŋàʼáy, e nyèŋ kitávín, e dù e Gibea, e jàvtì vitú ŋkàlaʼ e dzə̀m, e yùyrí wir dzə̀m e nyùy rə̀r.