Joshua 8:14 - ŊWÀʼ NYÙY

¹⁴ Fòn woó Ay yén, a wír veé Israyi wíy ne, wùn à vilum vee wun ŋkàlaʼa gìtì, e bàʼtí. Yì wáa jàv, á fəə́kír ji wùn à wír veé Israyi tám á e kibiʼtí ké a yen mbuŋ Jordan. A bó wù yòʼ‑oò ló a kiíy ji shúu rər wúmóʼó kì làáy ne a e bǎm ŋkàlaʼ, wo wú‑uù yíi fəə, e sùm ŋkàlaʼ bám bám.

Joshua 8:14 Iomraidhean Croise

Ŋgaà Tàrvìnyò 9:12

Wìr yòʼ yii kiiy ghán se kinyo ki lo, e gbù. Mo lálán lo, wù koò sə́, kitám ki koò shinə́n, kù dzə̀ sá réŋréŋ mo kinyo ki lo, kí sàsìn, e gbù, e lì wír, a wù yòʼ kì kí.

Aysaya 19:11

Ké ru kí, vé saʼ veé ŋkàlaʼ yee Tsoane yùŋsí feyì. Vé ntir ve á tír Faraòo tír wun e kiyúŋ kí. Vèn jwe, vèn ghàn é le, e bó a bùn fon, é wìr wáa suúy ji yì‑iì yèʼéy afií wun, a wun ràm fo afon ve vé‑eè sáʼ fo yàŋgùʼú?

Aysaya 19:13

Vé saʼ veé Tsoane yii kinyo kiyúŋsì kiyúŋsì. Kitan ke vifii kí koò ne veé Memfis. Visən ve wìr veé Ejiv vi dànèr ne kitúm, kí jáy dzə́ə.

Daniel 4:31

Kù mo fòn dzəə́ súŋninè, Nyùy súŋnín fó yuv, a suúy sho jii, «Fòn Nebukadnessar, yuúrí kinyo ke m sìysìn kùm wò ki. M sə̀ ne sáʼ vifòn fo wò.

Matio 24:39

Á yòʼ‑oò ló a səə̀m vinyo gheéy, e dù, e meé e ghan se ndzə́ví‑iì fəən, e lì áwune adzə̀m. A kù dzə̀ kinyo ke kí wíy koóy e ghan se ŋgaà wo yírí dzəə̀n Wanwìr wíy a kfən.

Matio 24:50

bo tàr wov wíy sàsìn, e bvəy e ghan se wù yòʼ kì kwaʼtì.

Remrí 1:1

Vinyo ve ví dzəə̀n é ŋwàʼ fèn vi kù dzə̀ jí se Mooser‑iì loòn, e sùŋnín e wír veé Israyi adzə̀m, aá dzə̀ é woʼ yeé ghaa ndzəv yee Jordan, e mbìv yee fo shùy yii tó. Vé‑eè dzə́ e mbuŋ Jordan foo fèy e ŋkìʼnìn Suv, aá dzə̀ é ntìntìn mvə̀m sé laʼ símóʼ sí. Mvə̀mlaʼ yee Paran‑eè dzə̀ é mbìv yìmòʼ, a see Tofel wùn à Laban, à Haserot, à Disahav si dzə̀ e yìmòʼ yee mbìv.

Joshua 8:13

Mo á màysìn, e lèm vé rərí, shúu rər wo kuʼùné ku nèn a dzə kuy fo Ay, wo terií wáa dzə e mbìv Ay yee fo shùy yii nəə. Joshua nèn dù, e shìíy kfə́, a dzə̀ é kiwoóy.

Joshua 8:15

Joshua wùn à wír və́ adzə̀me nèn siìr a dzə̀ ŋkfənèr, a leʼ a dù e mbìv wòʼ, a boʼ ji áwune fàn ne a wír veé Ay.

Joshua 8:16

Á nèn fə̀ə́r vilum veé Ay adzə̀m ji á wáa jùm a wír veé Isray. Joshua wùn à wír vəə́ kú a levtí áwune, a fəə ŋkàlaʼ sho, a dù kwaʼda.

Joshua 8:5

Vèr à kibér ke wíri kí yíi lò, a nəə́ ŋkàlaʼ fo mbìv yee fó mbìy, wír vee fóo shóʼ e věr bàm mo vé‑eè shoʼon é ghan sé mbìy si bey, é vèr nèn siìr ŋkfənèr, a nyeŋ.

2 Pita 2:3

Mo wír vìne kù taʼ a dzə̀ mbàm, á lo, aá nèn taà vinyo vinín, a boʼtí ven shó ji á fíʼ koóy. A Nyùy kù‑uù shòv ne áwune fó ŋgùʼ, e bàʼtí lòn wo áwune wíy nəə́ sho.

Atǎr Nsaʼ 20:37

Wír veé Isray ve vé‑eè laayin víyi ku nèn lò, e ŋàʼáy, e nyèŋ kitávín, e dù e Gibea, e jàvtì vitú ŋkàlaʼ e dzə̀m, e yùyrí wir dzə̀m e nyùy rə̀r.