Joshua 7:9 - ŊWÀʼ NYÙY

⁹ Wír veé Kanan wùn à vitúm vímóʼ ví yíi yu kinyo kìn, bo á sí wiy, e giìmè ver, e yuyrí wir dzə̀m, e səʼsí yír yér fó kitu ke nsay. Kí kooy bèy, áà yiì yèe le e yír yé ye ghaʼtíné fo wíri wáa kay wò.»

Joshua 7:9 Iomraidhean Croise

Nsùyrì Nyùy 115:1

Éè Nyùy Tàr, ku yiì, aá wáa koʼór yír yé, e làa yòʼ a burí a dzə̀ ver. Á kú a burí a dzə̀ wò, bìʼ fo à koŋ wír vé, e dù, e mày, tíy vèn áwune, e dù, e jòʼsì.

Nsùyrì Nyùy 48:10

Rúrú, Nyùy, yír yée dzə̀ e gháʼtín. Wíri kù búri wò vitóŋtóŋ vé ndzə vidzə̀m, búri, bìʼ fo à sáʼ wíri tìítiy là kiloʼ.

Nsùyrì Nyùy 79:9

Éè Nyùy woo ŋgaà lùŋèr wor, sə́ ver. Ku sə̀ ver, aá wáa burí vikuʼùy vé. Bòyìr ver, e màn ajay vérí, aá wáa ghvəm yír yé.

Nsùyrì Nyùy 83:4

Á jaŋ wíri jii, «Vèn wiy, é vèsən laar wír veé Isray, aá sə́ʼsí yír yév fó kitu ke nsay ŋkuuŋkùŋ.»

Nsùyrì Nyùy 83:5

Rúrú, áwune tàr ne shuu, e yì *mensaŋ ji á kaáy wò.

Ŋwàʼ Fəə 32:12

A dzə̀ à wàa tàʼ rú ji wír veé Ejivi wìy sìíy, a nyè lám ji wò‑oò fəər wír vé fo Ejiv ji à laar áwune áàgwan, aá lay fó kitu ke nsay ŋkuuŋkùŋ à? Ku yàr kilòŋ ke shwiiyín kí, e kùvsín kwaʼtì yé yee ji à kù laar wír vée.

Esiker 20:9

Yii bèy, la m yòʼ dzəə yiì, bìʼ fo mò‑oò kiŋsìn yír yém, fo vitúm ve ví kaarin wír veé Isray vi wáa jàʼ. Vé‑eè lo yèn mo mò‑oò liìn wír veé Isray ji wír vém, e fə̀ə́r áwune fó wòŋ woo Ejiv.

Joel 2:17

Atàá cù, áwune ve á yii cu Nyùy Tàrí ku tìím e ghaa kiy cù, a kìʼ kibuʼ ke kí nəə e lav cù, a dìy, a lon Nyùy Tàr jii, «Éè Nyùy Tàr, ku bàvtí dzəʼə̀m wìr vée. Wír vìne dzə̀ ve à shavin shávín ji vé. Lá à yòʼ yiì, aáwune kfə́n ji kifá ke nshéʼmé ki. Lá à yòʼ màʼtì, é vitúm vi wáa te lám aáwune, a dzər jii, ‹Nyùy won bèé lèn?› »

Mayka 7:10

Kí kooy bèy, áàŋgàa vibàn vérí yén, é woómé si sum áwune ve vé‑eè té lám e věr wùn, té feyì jii, Nyùy Tàr wor woo shó sà bèé á. Vèr kù wíy yen e sí yérí mo á màʼàn aŋgàa vibàn vér é dzəə, a nyèŋ mo á nyèŋ kishaʼàr.

Kintaŋ 14:13

Yii bèy, Mooser suúy e Nyùy Tàr jii, «Wír veé Ejivi yíi yu kinyo kìn, a wò‑oò fə̀ə́r ne wír vìn e vitaáví vé vi fo áwuné mvəm,

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Remrí 9:28

Á bèy, é la wír veé Ejiv fo wò‑oò liìn verí yòʼ a yòŋ jii, «Nyùy Tàr laàr wír vìn bèn, bìʼ fo wù mùmèn ne ntéŋ fóo lì áwune, e dù sho e wòŋ wo wù‑uù kàʼàn áwune shó, a wù bàn áwune bánen, e bóo lì ji wun du, e laàr e woʼ.»

Joshua 7:10

Nyùy Tàr yòŋ e Joshua jii, «Lò é yuv. À gbù, e tsə̀m sí fo nsay ji ka?

Joshua 7:8

Éè Nyùy Tàr, a dzə̀ m sùúy ji ka lèn, aàŋgàa vibǎn wìr veé Israyi kárír ne áwune, á léʼ leʼén.

1 Samuel 12:22

Nyùy Tàr yòʼ wíy ten wír və́, bìʼ fo yír rə́ ye ghaʼáné kù wíy a tiy fo. Yì‑iì kòŋ wun woo Nyùy Tàr, e bóo lì ven ji və́ vee wír.