Joshua 7:7 - ŊWÀʼ NYÙY

⁷ A Joshua néŋ bèy, bunrì jii, «Éè Nyùy Tàr woo Taà Ndzə, abaày, à lì ver, e lìysín Jordan sho ji ka? Dzə̀ ji à taʼ e fo ver é wír veé Amori laar a? Bo yì‑iì bòŋ é vèr goʼ a dzə e ndzə̀n Jordan woo və̀sə.

Joshua 7:7 Iomraidhean Croise

2 Afòn 3:10

Fòn woó Isray nèn a ghay ji Nyùy Tàr sà jàŋrì afon vee ataár vìn ji wun wáy e wír veé Moaví wo a?

Nsùyrì Nyùy 116:11

M túʼtín, a ghay wún jii, «Aà tiir vifií e wìr wùn, bo kù dzə̀ kisáŋ.»

Ŋwàʼ Fəə 16:3

a suúy aáwune jii, «Yì‑iì bòŋ ke Nyùy Tàr yúyrí ver é Ejiv fo vèr‑iì dzə́, yí kibán e nyàm, a bvəm yérí kúrí, e shaà ke vèn li ver, e wìy sho fèn, e màʼtì ji màŋgòŋ və̀n e dzə̀m kpú jíŋ.»

Ŋwàʼ Fəə 17:3

Kilòŋ kí kú a yum wíri yúmén, á wáa bashí Mooser, a suúy jii, «Wò‑oò lì ver fó Ejiv, e wìy sho fèn ji ka? À taʼ e yiì, é vèr à wóné, à nyám sér sí kpú kilòŋ ke yumén kí a?»

Kintaŋ 14:16

‹Kí kòóy bèn, bìʼ fo Nyùy Tàr mùmèn ne ntéŋ fó lì wír vìn, e nəə́ sho e nsay ye wù‑uù kàʼàn atǎr ram yév, e lìʼ ji wun wíy fo aáwune. Á bèy, wù nen laàr áwune láarin, é woʼ.›

Kintaŋ 14:3

Nyùy Tàr li ver ji wun du, e yiì ka shó e nsay foo fèy? Ji vèr du, e kpùkír e shùu rər a? Vikìy vér wùn à mewón mer mè sí yìi kfən ji kiyínsam ké wìr vee fó. Bó yòʼ bòŋ ke vèr binkir, e kfə̀n é bàm é Ejiv à?»

Matio 17:17

Jesus yòŋ jii, «Wír vìn, vèn dzə̀ wír kisaŋe. Bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén, e dù meé e le? Vèn taʼ ji m wìy dzə̀ʼə̀m vesən, e mèé e le?» Wù nèn sùúy jii, «Vèn wiy e wan woo shooy, e fò shan.»

Matio 17:20

Jesus bìnèr jii, «Vèn kì mùm ntéŋ, bìʼ fo bó á yoʼ lò a mùm, a way shilív e Nyùy wùn. Vèn wáa kiíy rú jii, a vèn fə̀m kì wày shilív e Nyùy wùn shishàr, a shí fə̀m dòr moo sám shishùr, bo dzə̀ vèn sùúy e gwan və̀n jii, wù meene fó fèn, e dù, e tìím fèsə, wù kù meènè, a bó yòʼ dzə̀ kinyo kímóʼ kí dzəə ghàʼ ven gheéy. [

Hibru 12:5

Vèn kuúmé sá ntir ye Ŋwàʼ Nyùyi tír ven shó, yoŋ ven ji wón Nyùy, suuy jii: «Wan wòm, Nyùy Tàr lóo sə̀r wò fo kinyò, à yuùrí. Wù lóo saʼ wò, lá à yòʼ a weèy.

Joshua 7:6

Joshua yú, e nèn saàsì ndzə̀y sə́, e gbù fo nsay, e tsə̀m sí wùn à kfə́m sé wìr veé Isray si wáa neŋ e mbìy ŋkùv mensàŋ Nyùy Tàr, e dù, e meé e ŋkuùr, aá yóʼ ne kibvər e kitu.

Joshua 7:8

Éè Nyùy Tàr, a dzə̀ m sùúy ji ka lèn, aàŋgàa vibǎn wìr veé Israyi kárír ne áwune, á léʼ leʼén.

Atǎr Nsaʼ 20:23

Áwune báʼtí bey, e nèn kòʼ e Nyùy Tǎr kirə̀ʼ ké cù, a dìy e wun si kishiíy kifur, a lon ji wù ku tìr áwune á ji a sà dzə̀ áwune kfə̀n dù, e ghìʼ afə́r vév vee wír veé Benjamin e rə́r sí á? Nyùy Tàr bìnèr jii, «Áwune wàá ku dù.»

1 Samuel 4:3

Vé rər veé Israyi kfə́n é bàm é kilaʼáy, kfə́m sé wìr sév sí wáa ghaynín jii, «Yiì ka, é bo Nyùy Tàr maʼti, é wír veé Filistiàa ton vèsən? Vèsən du, e lì ŋkùv mensàŋ Nyùy Tàr fó Shilo, e wìy, a ghan sho, é wù fíʼ a sə vèsən fo aŋgàa vibàn vesəné wo.»