Joshua 7:6 - ŊWÀʼ NYÙY

⁶ Joshua yú, e nèn saàsì ndzə̀y sə́, e gbù fo nsay, e tsə̀m sí wùn à kfə́m sé wìr veé Isray si wáa neŋ e mbìy ŋkùv mensàŋ Nyùy Tàr, e dù, e meé e ŋkuùr, aá yóʼ ne kibvər e kitu.

Joshua 7:6 Iomraidhean Croise

Kèʼlo 37:29

Ruben yiì kfə̀n é bàm é bii fey, e tàʼ Joosev ntéŋ, e nèn sàr kikúm kfə́, a dìy.

Kèʼlo 37:34

Jakov nèn sàr kikúm kfə́, e màʼ vinsàʼ ve ndzə̀y, e bònen dìy kpú wan və ntàmda.

2 Samuel 1:11

Davir yú bey, e ghàr ndzə̀y fó wùn, e sàtì, wír vəə́ ku yiì sa bèy adzə̀m,

2 Samuel 1:12

a dìy, a toŋ. Á ku nèn a dìy kpú Saul wùn wan və Jonatan, à yé wìr veé Israyi adzə̀m, bìʼ fo vé rə́r Nyùy Tàrí‑iì kpukin é shùu rər anín. Á wáa dìy bèy, e lèm jíŋ, e dù, e mèé e ŋkuùr.

2 Samuel 1:2

Vishiíy ví lòo meé vitaár, wánlè nsùm wùmòʼ bvə́y fó, e ndzə̀y sí sisaasìn, e kibvər ki é kitu, a wù léʼ fo Saul kilaʼáy. Wù wìy bèy, e gbù e Davir si, e làʼ kitú fo nsay.

2 Samuel 12:16

Davir nèn a lon Nyùy ji wù ku yiì a é wàn wàá bónén. Wù wáa lon bèy, a lèm jíŋ, e yiì neèm fo nsay vitsə́ʼ vifur.

2 Samuel 13:19

Wù nèn saàsì ndzə̀y seé kilùm se wù‑uù màʼàn, e yòʼ kibvə́ e kitu, e neèr wó e kitu, a dù a toŋ kitávín.

2 Samuel 13:31

Wù túm é yuv, e saàsì ndzə̀y fó wùn, e gbù fo nsay. Atǎr ntoʼ ve vé‑eè tíy e wun ghaŋe sàtì sa sév see ndzə̀y.

2 Afòn 22:11

Fòn yú jí se sí‑iì dzəə̀n é Ŋwàʼ Nsər Nyùy, kindzə́m kí gwàr wun, wù saàsì ndzə̀y sə́,

2 Wòŋ 34:19

Fòn Josia yú kinyo ke kí fəən fó Ŋwàʼ Nsər Nyùy, e nèn saàsì ndzə̀y sə́.

Esra 10:1

Esra wáa bùnrì, a tuuné ajay, a toŋ kitávín, a fon wún é nsay e shùu lav Nyùy, màŋgòŋ woó Isray, vilum wùn à vikìy, à wónlèé nèn bàʼtí e wun ghaŋ, a toŋ sa kibiíbí.

Nehemia 9:1

Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

Esta 4:1

Sáʼ rə̀yi tó e Mordekay kitùʼùr, wù tiíné ndzə̀y fó wùn, e màʼ vinsàʼ ve ndzə̀y, e yòʼ kibvə́ e si, e fəə̀, a ghan e mvə̀mlaʼ, a fuŋ tóŋ kitávín.

Esta 4:3

Vishév ve wòŋ vidzə̀m ve sáʼ rə̀ne‑eè nəən shó, wír veé Judàa wáa dìy sa adzə̀m, a toŋ, a shèŋ kitú, a lèm jíŋ, a toŋ bèn, a jeetí. Kùʼùn wìr máʼ vinsàʼ ve ndzə̀y, e yòʼ kibvə́ e si, a neŋ fo nsay.

Ŋwàʼ Jov 1:20

Jov yuúrí, e nèn tùm é yuv, e tiìné kikúm ke da ki fó wùn, e lò, e kwaày kitú, e feèné, e gbù fo nsay, a fo ghvə́m e Nyùy, a suúy jii:

Ŋwàʼ Jov 2:12

e yiì lòo màʼ sí, e yèn Jov, aá dzə̀ə́ fo shintàm, e làa yòʼ dzə́ə kiíy wír woo shó. Á nèn waàmé a dzə̀ tóŋ, e sàtì vikúm fó wùn, a dìy, a kuúy kibvər, a waŋ e yuv,

Ŋwàʼ Jov 42:6

M kù sí kér a dzə̀ dzə̀rkìtu bìʼ vinyo ve mò‑oò fəərin fó shuù. M fə̀tí ne wó yém fó fo, a ser a dzə̀ é kibvə̀r, kìn é kibvə.»

Yòvdìy 2:10

Kfə́m sé wìr seé Sion si sèsín ne fo nsay, áwune sèsín ne, a dzə kisə́sə kisə́sə. Áwune fə̀vrì ne kitú e kibvər ki, e màʼ vinsàʼ ve ndzə̀y é wùn. Ké wónlě ŋgòn veé Jerusalem, á jòór ne a dzə̀ vitú e nsay.

Kintaŋ 14:6

Joshua woo wan Nun wùn Kalev woo wan Jefunne ló kév, a sàtì a dzə̀ ndzə̀y fó wùn. Vé‑eè dzə̀ é ŋgoo ye yì‑iì duùn, e shwèʼ woŋ.

Kintaŋ 16:22

Yii bèy, Mooser wùn Aaron gbù, e tsə̀m sí fo nsay, a toŋ jii, «Éè Nyùy, dzə̀ wò Nyùy wo wù fó kiyoy e wìr msòŋ e dzə̀m, a dzə̀ wìr mòʼón jày kinyo, à shwìíy kilòŋ e màŋgòŋ dzə̀m à?»

Kintaŋ 16:45

«Vèn kóʼtí fo màŋgòŋ və̀n mvəm, é m laar áwune é kisəəné.» Mooser wùn Aaron gvə́ʼtí, e tsə̀m sí e nsay.

Lim Aŋgàa Ntum 14:14

Áwune yú kinyo ke wír vìyi taʼ, e yiì, kí nyár áwune, á sàr ndzə̀y fó wùn, e tò fó ntìntìn, a waamé jii,

Joshua 7:7

A Joshua néŋ bèy, bunrì jii, «Éè Nyùy Tàr woo Taà Ndzə, abaày, à lì ver, e lìysín Jordan sho ji ka? Dzə̀ ji à taʼ e fo ver é wír veé Amori laar a? Bo yì‑iì bòŋ é vèr goʼ a dzə e ndzə̀n Jordan woo və̀sə.

Ŋgaà Yen 18:19

Aá kú a dìy bèy, a dzəŋrí e kibvə̀r, a toŋ jii, «Éè mò, éè mò, vèn ku yèn ŋkàlaʼ ye ghaʼán rə̀n. Wìr dzə̀m wo wù ghán e kikoŋ, kávnin wáy, kùʼkìr a dzə̀ fó ŋkàlaʼ fèn. Yì ku nèn lò, e bvə̀ʼə́y kàŋ mòʼón bèn à?»

Atǎr Nsaʼ 11:35

Mo wù yenen wán və̀n, e nèn saàsì ndzə̀y sə́, a toŋ jii, «Óò wan wòm, à kèr ne tím yém. Kí ghàn é le, é bo lo wò, e yiì ji m wáa yu nyár. Mò‑oò yiì ne kilìʼ vèr Nyùy Tàr, a bó yòʼ dzə̀ m dzəə kòr.»

Atǎr Nsaʼ 20:23

Áwune báʼtí bey, e nèn kòʼ e Nyùy Tǎr kirə̀ʼ ké cù, a dìy e wun si kishiíy kifur, a lon ji wù ku tìr áwune á ji a sà dzə̀ áwune kfə̀n dù, e ghìʼ afə́r vév vee wír veé Benjamin e rə́r sí á? Nyùy Tàr bìnèr jii, «Áwune wàá ku dù.»

Atǎr Nsaʼ 20:26

Wìr dzə̀m woó Isray nèn kfə̀n kòʼ e Nyùy Tǎr kirə̀ʼ ké cù e Betel, a dìy e wun si, e dìy bèy, e lèm jíŋ kishiíy kifur. Á lèm bèy, e cù Nyùy Tàr e cu ye tonèné, à yé kikòŋnìne.

Atǎr Nsaʼ 21:2

Wír veé Israyi tón rám Benjamin, e nèn dù e kirə̀ʼ ké cù e Betel. Á dù, e sèsín e Nyùy si, a gheèsì, a dìy, e meé e ŋkuùr.

1 Samuel 4:12

Wìr woó Benjamin wùmòʼ léʼ fó shùu rər é kishiíy fóo fèy, a dù e Shilo, a wù sátí ne ndzə̀y fó wùn, e kfə̀n yòʼ nsay e kitu.