Joshua 7:26 - ŊWÀʼ NYÙY

²⁶ Á màysì, e nèn fùm vilán e wun kitu, a ví dzə̀ə́ fo e shem lán. Áwune yiì bèy, Nyùy Tàr nèn yàr kilòŋ ke shwiiyín kí. Kèʼ fo ghan fóo fèy, á nèn kù a yòŋ kirə́ʼ kee shooy ji Kiwoóy ké Akor, a dzə̀ ji Kiwoóy ké Lòn.

Joshua 7:26 Iomraidhean Croise

2 Samuel 18:17

Á nèn shòʼ dzə́n Absalom, e màʼ e bii wo shoóné é kòv, e sə̀tí e kikfə́r ke tiy kí. Wír veé Isray adzə̀me nèn a nyeŋkír, a dù aáwuné melav.

2 Samuel 21:14

e tàtí wùn à vé Saul vi, à vé wan və Jonatan vi, e dzəə̀mè e Kish woo tàr à Saul sày, e Tsəla, e mbìv wòŋ woo Benjamin. Á màysì, e yiì vinyo vidzə̀m mo fòn suuyin. Nyùy Tàr nèn yù bunrì ye vé‑eè bunrì fo kitúm kév kí.

2 Wòŋ 29:10

«Ké lèn ki, m taʼ ji vèsən yii ŋkàʼmé vèsən à Nyùy Tàr woo Nyùy wìr veé Isray, é la wù yòʼ dzə́ə a shwiíy kilòŋ vèsən áwune.

Esra 10:14

Màʼtì, é vilìmbìy vér ví li kilíŋ ke màŋgòŋ, é wìr dzə̀m wo wù kér wiíy woo wir kitum e věr mvəm wáa wìy e ghan see shó. Lóo wìy, é wù wiy wùn aàtǎr ntèʼé, à wír ve á yii tínen nsaʼ foo, aá kwaŋri kinyo kìn, e meé mo dòʼshwiiy Nyùy yíi mày, é vèr boy.»

Nsùyrì Nyùy 85:4

Éè Nyùy, wò wo à luŋèr ver, távír ver, é vèr wáa dzə moó fiirí. Ku neèr dòʼshwiiy wò wo à kér bìʼ ver.

Ŋwàʼ Fəə 32:12

A dzə̀ à wàa tàʼ rú ji wír veé Ejivi wìy sìíy, a nyè lám ji wò‑oò fəər wír vé fo Ejiv ji à laar áwune áàgwan, aá lay fó kitu ke nsay ŋkuuŋkùŋ à? Ku yàr kilòŋ ke shwiiyín kí, e kùvsín kwaʼtì yé yee ji à kù laar wír vée.

Aysaya 40:2

Vèn kú a suŋnín lám wo juŋe, a rəə̀r wír veé Jerusalem sho jii, ghán se áwune‑eè rə́si yén ŋgeʼ ye tavín sí shaà a ne, aá làysìn a ne ajay vév. Fə̀m mo Nyùy Tàr màʼàn ne ŋgeʼ aáwuné kitu, e tòm e ŋgeʼ, bìʼ vinyo vidzə̀m ve áwune rə́si buʼtì, ké lèn ki, wù shàm á ne áwune.»

Aysaya 65:10

Mboʼ Sharon wíy gheén e ye á wáa lèm anjiì vév fó, é Kiwoóy ké Akor ki gheén sá feyì e ke á wáa dànèr nyám sév fó ki, é wáa dzə vijuŋ ve wìr vém ve vé‑eè yár jíŋ yem.

Yòvdìy 3:53

Áwune‑eè maʼ mo é bii ji á laar dzəʼə̀m yém, e màʼ bèy, a tsənsí tíy fó bàm.

Hosea 2:15

M wíy siìr súm və́ vitiír vé vayin e wun, e bìnèr Kiwoóy ké Ŋgeʼ, é kí kfə́n ji dzə́ə ye yì du fo wù yoy, tiirì. Dzə̀ fó, fo m wíy yòŋrì wun, é wù biímé, a jùmrì mo, réŋréŋ mo wù‑uù jumrì e ghan sə́ sé viŋgòn, ghán, se mò‑oò fəər wun fo wòŋ woo Ejiv.

Hosea 2:17

Rúrú, m lo, e màyìr yír yee Baal fo wun shuù, é la wù yòʼ dzəə wìy a kàn yír rən, fə̀m mo á yoŋ virə́ʼ shó jeéy jeéy.

Joel 2:13

Lá vèn yòʼ a sàtì a dzə̀ ndzə̀y ji vèn fíʼ a dìn mo vèn dzə́ e nsòv. Vèn su a dzə̀ melív men mè, e kfə̀n é bàm e Nyùy Tàr woo Nyùy wón wùn. Wù rə́r mendzən me wíri, shám áwune. Wù yòʼ yii táv shwiiy kilòŋ. Wù yòʼ yii yar fó a dìn koŋ ye wù kér fo wír vəə́. Wù yòʼ yii koŋ, e màʼ ŋgeʼ e wìr kitu.

Joel 2:18

Nyùy Tàr nen dìn shií wo wù kér fo wun nsay, e rə̀r mendzən me wìr və́.

Jona 1:15

Áwune suúy bey, e nèn shùr Jona, e màʼ e rìbà ndzə̀v fey. Ndzə́ví ku nèn kpùrín.

Sekariya 6:8

Nshìylav Nyùy rə̀y nèn yòŋ mo kitávín jii, «Leéy ri, nyám se ŋkoʼ se sí kì du e Babilon, e mbìv yee kuy si yiì ne, dòʼshwiiy Nyùy Tàr rə́sín lèn.»

Kintaŋ 25:8

e jùmrì lumèn və̀y wùn wiíy, e nə̀ə́ e tàv fó mvəm, e tàŋ áwune e kòŋ ye wù‑uù kéríi. Á bèy, kifə̀ʼ ke kí‑iì sí tee wír veé Isray ki nèn mày.

Remrí 13:17

Lá vèn yòʼ wìy lèm kifá fo vifa ve nshwǐ Nyùy Tàr ji kén, é Nyùy Tàr nèn wìy bìn ndzə̀m e wun dòʼshwiíy, e rə̀r mendzən men, a sham ven, a yiì, é vèn wìy a kùʼ, a dzə wír nyanyày mo wù‑uù kàʼàn atàr vén.

Remrí 13:18

Kí nén a dzə jii, vèn ku wìy a yunín Nyùy Tàr woo Nyùy won, a lèm nsər sə́ sidzə̀m se m fó e vèn lán, a yiì kinyo ke kí dzəə̀n tìítiy e Nyùy Tàr woo Nyùy wón si.»

Joshua 10:27

Shùy lòo toŋrí, Joshua sáʼ, á sə́ʼə́r dzə́n sév fó vici fey, e màʼrì e mbvə̀ʼ fo áwune‑eè laayin. Á màʼrì bèy, e nèn sə̀tí shúu mbvə̀ʼ e vilán vi, a ví kù dzə̀ə́ fo e wìy to lán.

Joshua 7:24

Joshua wùn à wír veé Isray adzə̀me nèn lì Akan woo wan Sera, e tàtí kishà ke mbàm ke fəvír kí, à ndzə̀y sí, à kisha ke mbàm ke baar kí, à wón və́ vee vilum, à vee vikìyí, e lì anàʼ wùn à vimbèʼbìy ví, à bvə́y si, à kibàn kí, e tàtí kifá kfə́ kidzə̀m ke wù‑uù kérí, e dù sho e Kiwoóy ké Akor.

Joshua 8:29

Yii bèy, Joshua sə́ŋ fon woó Ay e kici, wù wáa səŋ fo e meé e ŋkuùr. Shùy lòo nəə́, wù yòŋ, á kér fó fo, e dù màʼ e shùu kày wo wú nəə e ŋkàlaʼ, e kùʼtí kikfə́r ke tiy é kitu wo, a kí kù dzə̀ə́ fo e shem lán.