Joshua 7:25 - ŊWÀʼ NYÙY

²⁵ Joshua dzə́r jii, «À wìy e ŋgeʼ yee ben e věr kitu ji ka? Nyùy Tàr maʼ ŋgeʼ e wò kitu lán.» Wìr dzə̀m woó Isray nèn tsə̀mrí Akan wùn à kfə́ə rəə́ e tíyí, e yùyrí, e nèn lì, e tàtí wùn à vifá və́ ví vidzə̀m, e tòn.

Joshua 7:25 Iomraidhean Croise

Kèʼlo 34:30

Jakov dù, e sùúy e Simeon wùn Levi jii, «Vèn wìy ne e lòné e mǒ kitu. Vèn yiì ne, m bír fo wír veé Kanane, à wír veé Peris ve á dzəə̀n é wòŋàne, a wìr dzə̀m sí yiì a bàn mo. Wír vémé dzə̀ ashàr, a wír vìne bàʼtí, e kèʼ rə́r vèsən áwune, bo á yíi laàr vèsən adzə̀m.»

Kèʼlo 38:24

Ŋwee shaà moo taár bèy, shinyáv shí nyáʼtí, e sə̀mrì e Juda jii, «Yeè lav ŋkfə wan wò woo Tamar ghàn ne visàkì, e bòŋ bvəm.» Juda suúy jii, «Vèn səŋ, e fə̀ə́r e kirə̀ʼ ké kitar, e tòn, é wù kpú.»

1 Wòŋ 2:7

Wan Karmi‑iì dzə̀ Akar wo wù‑uù wìyìn e ŋgeʼ si e Isray kitu, bìʼ fo wù‑uù shoʼorin nsər, e làʼ kiwó e kifa ke vé‑eè lèmèn ne jeéy ji ké Nyùy.

Ŋgàn 1:19

Á mo ké wìr ve á kooy séʼ mensə ki dzəə̀n. Séʼ wov kù yíi bìnkìr, e laàr dzəʼə̀m yév.

Ŋgàn 15:27

Wìr jum séʼ kiŋkùvrì, wù maʼ ŋgeʼ e wun lav, a wìr wo wù wíy shiíy dzə̀ wo wù ban kòyàr.

Cù 20:14

A wìr wày wiíy e lav, e kfə̀n lì yìy à wiíy, bo dzə̀ liì kisaŋ. Á kù yíi tatí áwune adzə̀m, e tòn e və̀y, aá kpúkír, fo liì kisaŋ wáa dzə e věn mvəm.

Cù 20:2

ji wù suúy á e wír veé Israyi jii, «A wìr fo vèn, kìn kiŋgwìy ke kí dzə́ vèn áwune kí lòo dzə, e fò wán ji á cu *Molek sho, bo wìr dzə̀m yíi tsəmrí ŋgaàŋ e tíyí, e yuyrí.

Cù 21:9

A wan taà cù lòr kitú kfə́ e visàkì vi, bo wù shòór ne tàr wov, bo á kù ton, e yuyrí e və́yí.

Cù 24:14

«Vèn li ŋgaà ŋkáymé və̀n, e fəə̀ kibeey kí shó, é wìr dzə̀m wo wù yuun mo wù yoŋè neer wó rə́ é kitu wo, é màŋgòŋ tsə́mrí e tíy sí.

Galatia 5:12

Fo áwune vin ve á jívir ven ji á wáa saŋ mbèʼ sén, m nén a kòŋ kém jii, bo áwune kì shaà fó mbìy, e màysì, a sòŋrì a dzə̀ á vitú vév.

Remrí 13:10

Á ku tsə̀mrí ŋgaàŋ e tíy sí, e yùyrí, bìʼ fo wù kì taʼ, e sə̀ŋ ven fo Nyùy Tàr woo Nyùy wón wùn, wun wo wù‑uù fəərin ven fó wòŋ Ejiv fo lav vikwàn.

Remrí 13:11

Kí kooy bèy, é wìr dzə̀m woó Isray yú leŋ, a fàn, é la wìr yòʼ dzəə wìy mùm, e yiì kfə́ə kinyò ke bi kí moo kee shooy e věn mvəm gheéy.

Remrí 17:5

vèn lì ŋgaàŋ, kìn dzə̀ lumèn, kìn dzə̀ wiíy, e dù sho e shùu kày e ŋkàlaʼ, e tsə̀mrí fo e tíyí, e yùyrí.

Remrí 21:21

É vilum adzə̀m veé ŋkàlaʼ foo fèyi nèn tsə̀mrí e tíy sí, e yùyrí. Á ku yiì bèy, e fíʼ tuŋ liì kisaŋ, e fəə́r fo věn mvəm. Wìr dzə̀m woó Isray yú kinyo ke kí kooyin, aá wáa fàn.

2 Tesalonika 1:6

Yii bèy, a Nyùy kù wíy yiì sa réŋ e wír ve á fó ven ŋgeʼ lène, e siìr ŋgeʼ see shooy aáwuné kitu.

Hibru 12:15

Vèn wáa yen fo wìr maʼay Nyùy, e ràn kilíŋ ke wù bùʼùn wun sho, a yen sa fo wìr wáa màʼ ŋgoòy kinyò ke bi kí, é kí ram e věn mvəm, e bìvír wír anín.

Joshua 6:18

Wìr kim kitú kfə́, a yen fóo màʼ kiwó e kifa ke nshwì, a fə̀m dzə̀ ka. Mo kí siìn nshwì, bo kí yíi sə̀ŋ lòn, e wìy sho e kibeèy, é kí bír, é ŋgeʼ ye tavín nəə́ wír veé Isray.

Joshua 7:15

Wìr wo á yenen kifá ke nshwì shó, bo á yíi tòn ŋgaàŋ wùn à kfə́ə rəə́, à kifá kidzə̀m ke wù kér ki. A dzə̀ á kù tòn, bìʼ fo wù shoʼorin nsər Nyùy Tàr, e wìy e nshoórsí wo ghaʼán e Isray kitu.»

1 Samuel 14:29

Jonatan nèn sùúy jii, «Àáy, tàr wor wiy a dzə̀ e ŋgeʼ e wòŋàn. Vèn yén mo m yutin vilu shishàr, sí yémé raáné a?