Joshua 7:2 - ŊWÀʼ NYÙY

² Joshua yiì lò, e tùm vilum fo Jeriko ji á du á e ŋkàlaʼ Ay. Ay və̀n‑eè dzə̀ é ghaa kirə̀ʼ ke á yoŋ ji Bet‑Aven, wo wù dzəə̀n é mbìv Betel, ye yì kiʼ fo shùy yii tó. Wù lòo tum, e yòŋ aáwune jii, «Vèn kóʼ, e dù kìy Ay.» Vilum vìyi ku nèn dù mo Joshua suuyin.

Joshua 7:2 Iomraidhean Croise

Kèʼlo 12:8

Wù nèn yiì lò fo fo, a dù e mbìv agwan ve á dzəə̀n é ghaa ntèʼ yee Betel, e mbìv yee fo shùy yii tó. Wù meé fó, e tàm kibàn kfə́ é kintìntìn ke Betel wùn Ay. Betel wáa dzə e mbìv yee fo shùy yii nəə, a Ay dzə̀ é mbìv yee fo shùy yii tó. Wù kfən bòm kíy cù Nyùy Tàr, a cù wun, a yòŋ yír rə́ fó.

Kèʼlo 28:19

e nèn shù yír kirə̀ʼ kee shooy ji Betel, a vé‑eè yoŋ fó fo mbìy ji Lus.

1 Afòn 12:29

Wù nèn tìír wùmòʼ é Betel, e tìír wùmòʼ é Dan.

Nehemia 11:31

Wír vee rám Benjamine nèn a dzə e Geba wùn ǎ Mikmash, ǎ Ayja, ǎ Betel, ǎ ntèʼ see fó si.

Ŋgàn 20:18

Á tír wír, wù bà ntaŋ wo juŋ, tírí, é bo wù kiíy móo taŋ rə́r.

Ŋgàn 24:6

a dzə̀ á kù lì a dzə̀ ntir fiì, e bóo baʼtí rə́r. Vé ntiri lóo dzə anín, bo nsiì dzə̀ é kiwo.

Aysaya 10:28

Vé rərí nə̀ə́ ne kitúm, e sùm ŋkàlaʼ yee Aiyat. Áwune tòsín dzə́ə fó Migron, e lèm vifá vév vímóʼ ví é Mikmash.

Jeremia 49:3

«Éè Heshbon, vèn wáa dìy. Á laàr ne Ay. Éè vikìy veé Rabba, vèn wáa toŋnín. Vèn maʼ vinsàʼ ve ndzə̀y ví, a dìy. Vèn wáa dìy, a yaŋyáŋ e mvə̀m kày yeé ŋkàlaʼ, a dù mbìy, a kfən e bàm. Á wíy lì nyùy won woo Molek, e dù sho, e koo sa atàá cù və́ wùn à ŋgàŋ sə́ sí, e dù sho.

Hosea 4:15

Yìiy, wìr veé Isray, mo vèn kfənen ne ji asàkì, lá kí yòʼ mùm kòóy ji wír veé Judàa biʼnin, é dzə̀rkìtu lo, a koo áwune. Vèn wáa yen fó tiír kiwuú kén é Gilgal, kìn ji vèn kóʼ é Bet‑Aven ji á suyrì mo. Vèn wáa yen fó lìʼ kinyo e mo woo Nyùy Tǎr yir, mo wo m dzəə̀n e tin.

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Efesor 5:15

Vèn ku nèn a tiír rì kiwuú kén, a fìʼ, a ghan moo wír ve á kér vifií, e làa yòʼ a ghan moo viyúŋ.

Joshua 12:9

Afon ve wír veé Israyi‑iì tònèné vìne, fon woó Jeriko, fon woó Ay e ghaa Betel,

Joshua 18:12

Fo mbìv yee kuy, bìíy yev kèʼ fo Jordan, e nèn kòʼ é wòŋrí gwan, kuy kuy fo Jeriko, e kòʼ é wòŋ agwan, e kù a dù e mbìv yee fo shùy yii nəə, e dù bèy, e bàʼ e woʼ yeé Bet‑Aven.

Joshua 2:1

Joshua woo wan Nun nèn tùm wír abaà fó Shittim fo vé‑eè bee ji á du á bám bám, e kìy á woŋ. Wù suúy aáwune jii, «Vèn du, e shwèʼ woŋ Kanan, bo taaka ŋkàlaʼ yee Jeriko.» Wír vìyi nèn lò, e dù mèé e ŋkàlaʼ fèy, e nə̀ə́ e sàkì wùmǒʼ lav, aá yoŋ ji Rahav, e beè fo.

Joshua 7:3

Áwune dù, e wìy, e yèn Joshua, e sùúy sho jii, «Lá à yòʼ rə̀sí, a buʼ ji à ku tsə̀nsí wir dzə̀m ji wù kóʼ, e dù, e fùnèn wír veé Ay, bìʼ fo á yòʼ dzəə̀n anín. A dzə̀ à tsə̀nsí wíri moo ansə̀kì abaà kìn ataár bèy.»

1 Samuel 13:5

Wír veé Filistiàa nèn bàʼtí ji á funen á wír veé Isray, aá kér *viténtén vé rər nsə̀kì mtaár, wír ve á kóʼ nyám si nsə̀kì ntuùfú. A vé rərí dzə̀ nyanyày moo síy seé meshavtí. Á nèn kòʼ, e dù, e beè e Mikmash, a kfənér e mbìv Bet‑Aven ye yì kiʼ fo shùy yii tó.

1 Samuel 14:23

Á bèy, Nyùy bòyìr wír veé Isray e kishiíy fóo fèy, rə́r sí màʼ, e kòʼ, e bìʼír e Bet‑Aven.

1 Samuel 30:27

Wù‑uù tsə̀nsí e veé Beteli, e tsə̀nsí e veé Ramot wo wù dzəə̀n é mbìv Juda yee tsə́n, e kfə̀n tsə̀nsí e veé Jattiri,