Joshua 7:16 - ŊWÀʼ NYÙY

¹⁶ Ndzə bvəə́shí, a kaʼ, Joshua kóʼór wír veé Isray fo si, e ram sí ram sí, kí nèn koò rám Juda.

Joshua 7:16 Iomraidhean Croise

Kèʼlo 22:3

Ndzə bvəə́shí, e jàv, Abraham báʼtí kimbèʼbìy, e lì wón və́ lìm abaà wùn à wan və Aysi, e shètì meŋkaʼ me cù, wùn áwune nèn ŋàʼáy, a dù e kirə̀ʼ ke Nyùy‑iì suuyin e wun.

Nsùyrì Nyùy 119:60

M sí shwírí, a m yòʼ kfə̀n jívir ghán, fó a lèm nsər sé.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Joshua 3:1

Joshua bvəə́shí kijàvndzə, wùn à wír veé Isray adzə̀me lò fo Shittim, e dù e ghaa dzəv yee Jordan, e tùy vibàn vév a beè fo, e dù meé mo vé‑eè yíi tum ndzə́v.

Joshua 7:15

Wìr wo á yenen kifá ke nshwì shó, bo á yíi tòn ŋgaàŋ wùn à kfə́ə rəə́, à kifá kidzə̀m ke wù kér ki. A dzə̀ á kù tòn, bìʼ fo wù shoʼorin nsər Nyùy Tàr, e wìy e nshoórsí wo ghaʼán e Isray kitu.»

Joshua 7:17

Wù nèn kòʼór rám Juda fo mbìy, kí nèn koò lav Sera. Wù nèn kòʼór lav Sera fo mbìy, e vitǎr vitàr, kí nèn koò kitàr ké Sabdi.

Atǎr Nsaʼ 20:19

Wír veé Israyi nèn bvəə̀shí, e ŋàʼáy kijàvndzə, e dù, e bàʼtí e ghaa ŋkàlaʼ yee Gibea,