Joshua 7:15 - ŊWÀʼ NYÙY

¹⁵ Wìr wo á yenen kifá ke nshwì shó, bo á yíi tòn ŋgaàŋ wùn à kfə́ə rəə́, à kifá kidzə̀m ke wù kér ki. A dzə̀ á kù tòn, bìʼ fo wù shoʼorin nsər Nyùy Tàr, e wìy e nshoórsí wo ghaʼán e Isray kitu.»

Joshua 7:15 Iomraidhean Croise

Kèʼlo 34:7

Wón Jakov vee vilume lòo wìy fo kwaʼ, e yù kinyo ke kí‑iì kooyin, kí nəə́ aáwuné vighìy. Á wáa ŋeèy bìʼ joonè wo Shekem‑eè yiìn e jèmèr yev, kí wìy e woómé si aáwuné kfəə yeé Isray.

2 Samuel 13:13

A kí kòóy bèy, bo m yíi a fəəsín e wírí si e le? Wówò, bo à sì kifá ke wír veé Israyi yíi a jàʼ jàʼàn. Kii wò, m lón wò ji à ku bùn a tàr wòsən, é wù fó mo ji wiiy wò. Yòʼ dzə̀ féyì wù yiì tèn.»

Joshua 7:11

Isray jày ne, áwune shòʼór ne nsər ye mò‑oò foon aáwune. Áwune bòʼtí kimboʼtì, e shòŋ vifá ve nshwì vímóʼ ví, e wày aáwuné mvə̀m vifa, aá kì yíi laàr.

Joshua 7:16

Ndzə bvəə́shí, a kaʼ, Joshua kóʼór wír veé Isray fo si, e ram sí ram sí, kí nèn koò rám Juda.

Atǎr Nsaʼ 20:10

Vèsən shóʼ wír ghvə̀m ghvə̀m fo wìr vee wií fó ram sidzə̀m se sí dzəə̀n é Isray. Wíri wáa dzə nsə̀kì, bo á shóʼ vee wií fo áwuné mvəm. Wíri wáa dzə nsə̀kì ghvə̀m, bo á shóʼ vee nsə̀kì. Shóʼó, aáwune nèn a fo viyíkìr e kùʼùn wìr wo wù yíi nəə́ wír veé Gibea e rə́r sí, e fíʼ siìr ŋkfə́tir kinyò ke ŋkàlaʼ yee rám Benjamin rə̀ne‑eè bùʼùn.

Atǎr Nsaʼ 20:5

Yiì lòo dzə vitsə́ʼə́, vilum veé Gibeàa kaárí lav, e tàr ji á yúyrí á mo, yii bèy, á nèn bàm a dzə̀ yeè lav wom, e neèm sho, wù kpú.

Atǎr Nsaʼ 20:6

M nen lì dzə́n wiiy wom, e shètì e vibàr vibàr, e nèn tsə̀nsí ji á javti á e rám seé Isray see nshòv sibaà e ghvə̀m si sidzə̀m. Mò‑oò yiì bey, bìʼ fo wír vìne‑eè yiìn kinyo ke joònè kí e věr mvəm, a dzə̀ nshoórmé feyì.

1 Samuel 26:21

Saul nèn sùúy jii, «M yiì ne kinyo ke bi kí e wò. Wan wòm, á kfən e bàm. M yòʼ dzəə́ wìy mùm ji m lémér wò, bìʼ fo à bavtin dzəʼə̀m yém vitsə́ʼ vé lán vi. Mò‑oo dzə kiyúŋ. M jày ne kinyo ke tavín kí.»