Joshua 7:13 - ŊWÀʼ NYÙY

¹³ Lò ri, e dù, e *kfə̀mrí wíri, e yòŋ aáwune ji Nyùy Tàr woo Nyùy woó Isray yoŋ a jii, vèn kfə́mrí vitú vén ví, aá bvəə́shí, a yen o. Éè mǒ Isray, kifá ke nshwì kí dzə̀ é věn mvəm. Bó yòʼ dzə̀ vèn kfə̀n tàm vèn aàŋgaà vén vibàné, a bó vèn fəə́r kifá ke lòn kin fo věn mvəm.

Joshua 7:13 Iomraidhean Croise

Kèʼlo 34:27

Á yúyrí wíri, e màysì, e nèn nə̀ə́ e ŋkàlaʼ, a tayrí vifá ve wíri ji á siir á ŋkfə́tir joònè wo vé‑eè yiìn e jèmèr yev.

2 Wòŋ 28:10

Lèn və̀n, vèn kfə̀n sí taʼ ji vilum wùn à vikìy veé Judàa, à veé Jerusaleme wáa dzə ji akwàn vén. Bó vèn yòʼ buʼtì sa vinyo ve bi ví e Nyùy Tàr woo Nyùy won a?

Matio 7:5

Wìr woo bey dzə̀ bìnbìnteʼnsə́m. Wù ku tòmbìy fə̀ə́r nsay se sí sətin rə́ yee sí sə́tín, e bóo fíʼ yen shisám she shí dzəə̀n e fər və́ si, e fəə́r.

Remrí 13:6

«A tàm wìy lò fər wò woo wan yè won, kìn wan wò woo lumèn, kìn woo wiíy, kìn wiiy wò woó mbuùy kikùn, kìn ŋkar yè tìm, a levtí wò bámbám, a suúy ji vèn wun du, a ghvəm anyùy ámóʼó ve bó vèn aàtàr véné yòʼ‑oò ló ne kìíy.

Joshua 3:5

Joshua nèn yòŋ e wíri jii, «Vèn *kfə́mrí vitú vén ví, bìʼ fo Nyùy Tàr bvəə́shi, e yiì viŋgaʼnìn ve vinyò e věn mvəm kibvəə́shí.»

Joshua 6:18

Wìr kim kitú kfə́, a yen fóo màʼ kiwó e kifa ke nshwì, a fə̀m dzə̀ ka. Mo kí siìn nshwì, bo kí yíi sə̀ŋ lòn, e wìy sho e kibeèy, é kí bír, é ŋgeʼ ye tavín nəə́ wír veé Isray.

Joshua 7:11

Isray jày ne, áwune shòʼór ne nsər ye mò‑oò foon aáwune. Áwune bòʼtí kimboʼtì, e shòŋ vifá ve nshwì vímóʼ ví, e wày aáwuné mvə̀m vifa, aá kì yíi laàr.