Biblia Todo Logo
Bìoball air-loidhne

- Sanasan -




Joshua 7:12 - ŊWÀʼ NYÙY

12 Bìʼ bèy, bó yòʼ kì dzə̀ áwune tàm wùn aàŋgaà vév vibàné. Áwune kì bìn ndzə̀m áàŋgaà vév vibàné, bìʼ fo áwune kì siìn wír ve á laar láarin. Vèn kì lì ne vifá ve nshwì, a bó yòʼ kì dzə̀ m kfə̀n a dzə vèsən, a bó vèn fəə́r vifá ve nshwì vin fo věn mvəm, e laàr.

Faic an caibideil Dèan lethbhreac




Joshua 7:12
21 Iomraidhean Croise  

Vèr fəə̀ ne rə́r, sí dú, e kfə̀n é nsàm, aŋgàa vibàn vérí súm vifá vér.


Éè Nyùy, à bìn ne rú ndzə̀m e vèr a? À yòʼ dzəə́ du fo mbìy, danèr vé rər vér a?


Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.


Kù dzə̀ vinyo vén ve bi ví ve ví jàvsìn ne vèn à Nyùy won. Ví yiì ne Nyùy kór sí fo věn wùn, a bó yòʼ dzə̀ wù kfə̀n yù kinyo kén.


Nyùy Tàr nèn sùúy e mò jii, «A wìr fo wír vìne, kìn dzə̀ ŋgaà ntum, kìn taà cù, lò, a dzər e wò ji ntum ye Nyùy Tàr rəʼəyin wò sho sà dzə̀ ji ka á, à bìnèr aáwune jii, ‹Kù dzə̀ ven vin, ve á siìn ji kifá ke kí rə́ʼəy Nyùy Tàr, a wù lo, e shwèy ven.› Suuy mo woo Nyùy Tàr.


Éè Jerusalem, vèn wáa yen, là bey, bo m lo, e bìn ndzə̀m e vèn, e yiì, é láʼ yéné kfə́n ji vifə̀m, é la wìr yòʼ a dzə sho.»


Aáwune fə̀m lìy wón, bo m kù yíi laàr adzə̀m. Rúrú, m yíi bìn ndzə̀m aáwune, é lòné nəə́ áwune.


Nyùy Tàr, sí yée yòʼ dzə̀ kfə́ə si yé a yen yii ye bií, bó yòʼ dzə̀ féyì, à tìím, a leéy vé yiì ye bií. Abaày, a dzə̀ à ghàn é le, e bó a leéy wír ve á méŋ wò leéyín? Áwune laar wír ve á yúnin wò, aà dzə́ kisə́sə, bìʼ ka?


Mooser tiísí vinyo vidzə̀m ve Nyùy Tàr‑iì yòŋèn e wír veé Israyi, áwune dìy e ŋàŋén.


Lá vèn yòʼ kòʼ fo aŋgaà vén vibàné yúyrí ven. Bó Nyùy Tàr yòʼ dzə̀ vèn áwune.


Wír veé Amalek wùn à veé Kanane yíi fəə, e tòn ven, é vèn kpúkír é shùu rər, bìʼ fo vèn bìnèn ndzə̀m e Nyùy Tàr. Bó Nyùy Tàr yòʼ yíi a dzə vèn áwune.»


Kù bey, wír veé Amalek wùn à veé Kanan ve vé‑eè dzə́ e wòŋ agwan fèyi nèn fəə̀, e sə̀y, e tòn áwune, e jùm, e dù, e mèé e Horma.


Lá vèn yòʼ wìy lì kifá ke joònè kí, e wìy sho e věn melav, é kí yii, é vèn li lor, a dzə moo kifá kee shooy. Vèn ku nyàŋsí vifá vee shooy vi nyáŋsín, e tèr fo fo, bìʼ fo siìn vifá ve lor vi ve dzə̀ á kù laàr laàrìn.»


Wìr kim kitú kfə́, a yen fóo màʼ kiwó e kifa ke nshwì, a fə̀m dzə̀ ka. Mo kí siìn nshwì, bo kí yíi sə̀ŋ lòn, e wìy sho e kibeèy, é kí bír, é ŋgeʼ ye tavín nəə́ wír veé Isray.


Wù nèn siì rəə̀mé e Samson jii, «Wír veé Filistiàa sí ghíʼ wò, e koo.» Samson túmnín fó mbuùné, a kwàʼ ji wun‑éè fəə́ réŋréŋ á mo wun yii fəə́, e yàsì virə́ʼ və́, é ví caʼ. A bó wù yòʼ‑oò kì ji Nyùy Tàr yòʼ kì dzə̀ə́ a wùn wun.


Dòʼshwiiy Nyùy Tàr ŋáʼáy kùm wír veé Isray e dzəə ye biibí, wù wáy áwune e vé kimfaàsìí wo, á wáa nəə́ nsay yev, a faàsì vifá vév. Wù‑uù fiìnè áwune áàŋgàa vibàn vév ve vé‑eè gìŋèn áwune, e tàrí, á wáa ghiʼ áwune, a bó yòʼ‑oò dzə̀ á kfə̀n yù fóo tam wùn áwune.


Mo nshìylav Nyùy Tàr suuyin vinyo vìn e wír veé Israyi, e màysì, áwune fúŋ tóŋ.


Saul toóy vilìmbìy ve rər ji á wiy, aá tar á ji wùn áwune sà jày ka lán a?


Lean sinn:

Sanasan


Sanasan