Joshua 7:10 - ŊWÀʼ NYÙY

¹⁰ Nyùy Tàr yòŋ e Joshua jii, «Lò é yuv. À gbù, e tsə̀m sí fo nsay ji ka?

Joshua 7:10 Iomraidhean Croise

1 Wòŋ 22:16

e kisha ke mbàm ke baar kí, a lìm e ke fəvír kí, a lìm e kee brons ki, a lìm e kisha kee kisha ki. Kèʼ líme lèn, a lìm. Nyùy Tàr kú a dzə vèn wun.»

Ŋwàʼ Fəə 14:15

Nyùy Tàr nèn sùúy e Mooser jii, «À tóŋ, kan mo ji ka? Suúy, é wír veé Israyi wáa dù fo mbìy.

Joshua 20:1

Nyùy Tàr lò, e yòŋ e Joshua jii,

Joshua 7:11

Isray jày ne, áwune shòʼór ne nsər ye mò‑oò foon aáwune. Áwune bòʼtí kimboʼtì, e shòŋ vifá ve nshwì vímóʼ ví, e wày aáwuné mvə̀m vifa, aá kì yíi laàr.

Joshua 7:9

Wír veé Kanan wùn à vitúm vímóʼ ví yíi yu kinyo kìn, bo á sí wiy, e giìmè ver, e yuyrí wir dzə̀m, e səʼsí yír yér fó kitu ke nsay. Kí kooy bèy, áà yiì yèe le e yír yé ye ghaʼtíné fo wíri wáa kay wò.»

1 Samuel 15:22

Samuel dzə́r e wun jii, «Ke Nyùy Tàr koŋ e ŋàŋ kí dzə̀ ka? Wù koŋ a dzə̀ cu ye tonèné kìn ye seeríné mo wù koŋ ji wìr wáa yunín jí rə á? Ghvə́m ye á ghvə́m Nyùyi bòŋ e shaà cu ye á cu wun, réŋréŋ mo yúníne bòŋèn, e shaà fóm se njiì se á tonè.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»