Joshua 6:7 - ŊWÀʼ NYÙY

⁷ Wù nèn sùúy e wíri jii, «Vèn du, e kèʼ, a lev, a kaarí ŋkàlaʼ, é shúu rərí wáa dù ŋkùv mensàŋ Nyùy Tàr fó mbìy.»

Joshua 6:7 Iomraidhean Croise

Joshua 1:14

Kí nén a dzə jii, vikìy vén wùn à wóné, à nyám si yíi gòʼ e ndzə̀n Jordan fèn, e nsay ye Mooser‑iì foon e vèn. Yii bèy, wír vén rərí yíi líysin e ndzən fésə, aá báʼtí ne vifá ve rər, e fíʼ sə afə́r vén,

Joshua 4:13

A shúu rər vəne‑eè bàʼtí moo wír nsə̀kì mkweè bèy, e tùm ndzə́v e ŋkùv mensàŋ Nyùy Tǎr mbìy, e taàmé rə́r é mboʼ yeé Jeriko.

Joshua 6:3

Vèn à vé rər vée kù yíi lev, e kaarí ŋkàlaʼ rə̀n, e kù a yiì bèy kàŋ mòʼón e kishiíy, kishiíy ntuùfú.

Joshua 6:6

Joshua woo wan Nun və̀n nèn jàŋrì atàá cù, e sùúy aáwune jii, «Vèn li ŋkùv mensàŋ Nyùy Tàr, áàtàá cù vee saàmbàa wáa ker sóŋ see loŋ kiyaʼ, a dù sho fo mbìy.»

Joshua 6:8

Mo Joshua kì banrin ne wíri bey, shúu rə́r mbìyi nèn ŋàʼáy, a dù fo mbìy. Atàá cù vee saàmbà ve vé‑eè kér sóŋé wáa jùmrì áwune, a toŋ sóŋ, e bóo lì ve vé‑eè béʼ ŋkùv mensàŋ. Shúu rər wúmóʼó sə́ʼ e ŋkùv mensàŋ bàm, a sóŋé kù diy, là meemè.