Joshua 6:5 - ŊWÀʼ NYÙY

⁵ Vèn yií yú, aáwune tóŋ sóŋ, kiléŋléŋ kí dúnén, wìr dzə̀m rəə̀mé kitávín, é kay yeé ŋkàlaʼa nèn keèsì. Yí keesì, é vé rər adzə̀me nèn kù kòʼ, e nə̀ə́ nəə́n é ŋkàlaʼ tìítiy.»

Joshua 6:5 Iomraidhean Croise

Ŋwàʼ Fəə 19:19

Sóŋé kú a toŋ, a tavkír tavkín, Mooser wáa suŋnín, Nyùy wáa bìnèr e wun.

Aysaya 25:12

Nyùy Tàr wíy səʼə́r virə́ʼ vé wìr veé Moav ve tavkín ví, e kètì, é ví keesi, a neŋ e nsay bèn e kibvə̀r.

Aysaya 30:25

Á wíy lòo yuyrí aŋgàa vibàn vén é mfòn, lóo sàʼtì virə́ʼ vév ve tavkín ví, é woŋ wóné wáa rə̀sìn, a ndzə́v sí wíy a leŋ fo virùmèn, a leŋ fo agwan ve darkìné.

Jeremia 50:15

Á tóŋ sóŋ rərí, e kaàrí fó, e tàr. Á leéy, e yèn, Babilon fò ne shiŋkfəŋ. Á bvə̀ʼə́y ne virə́ʼ vév ve tavkín ví, e bvə̀ʼə́y bèy, e kètì kay yee fó. Dzə̀ ŋkfə́tír mo Nyùy Tàr siirì. Á maʼ á ŋgeʼ e Babilon kitu, e kù lòvtí sho mo áwune‑eè lovtin aámóʼó.

Hibru 11:30

Áwune wìy dù, e mèé e Jeriko, e kù nèn wày shilív e Nyùy wùn, a yiì mo wù suuyin. Vé‑eè ghàn, e kaàrí ntèʼ yee shooy kishiíy saàmbà, kay ye vé‑eè bomen, e kaàrí fó sho e tàrí nèn keèsì, á nəə́, e tòn fó.

Joshua 6:16

Lòo dzə fo kàŋ wo wù‑uù meen ji saàmbà, aàtàá cùu sí tóŋ sóŋ, Joshua nèn yòŋ e wíri jii, «Vèn lo, e rəə̀mé, bìʼ fo Nyùy Tàr foon ne ŋkàlaʼ rə̀n e vèsən.

Joshua 6:20

Á bèy, mo atàá cùu tóŋ sóŋ, wíri nèn bùʼ shirəə́, káyi nèn keèsì. Vé rər adzə̀me kóʼ, e nə̀ə́ e ŋkàlaʼ kàŋ mòʼón, e sə̀.

Joshua 6:4

Ŋkùv mensàŋ yíi a dù sa, aàtàá cùu kù yíi shem mbìy ŋkùv mensàŋ wír saàmbà, aá kér sóŋ see loŋ kiyaʼ adzə̀m. Lóo dzə e kishiíy kee saàmbà, vèn lèv, e kaàrí ŋkàlaʼ kàŋ saàmbà, áàtàá cùu wáa toŋ sóŋ.

Joshua 6:6

Joshua woo wan Nun və̀n nèn jàŋrì atàá cù, e sùúy aáwune jii, «Vèn li ŋkùv mensàŋ Nyùy Tàr, áàtàá cù vee saàmbàa wáa ker sóŋ see loŋ kiyaʼ, a dù sho fo mbìy.»

Atǎr Nsaʼ 20:37

Wír veé Isray ve vé‑eè laayin víyi ku nèn lò, e ŋàʼáy, e nyèŋ kitávín, e dù e Gibea, e jàvtì vitú ŋkàlaʼ e dzə̀m, e yùyrí wir dzə̀m e nyùy rə̀r.

1 Samuel 17:20

Ndzə bvəə́shí, e ràn, Davir lèm anjiì e nshìy wùmòʼ, e lì vifá ve yi vìy, e nèn dù mo Tàr wov Jessi kì suuyin. Wù lòo meé e kilaʼáy, a wír veé Israyi sí yov mànjòŋ, du e shùu rər.

1 Samuel 17:52

Wír veé Isray wùn à veé Judàa bínsí mbeeteé, e shèm aáwuné bàm, e jùm áwune, e dù, e mèé e Gat, e shaà, e dù, e mèé e shùu kày seé Ekron, wír veé Filistia ve vé‑eè lemkiné wáa gbùkìr, a neŋnín e dzəə, e kèʼ fo Sha‑arayim, e dù, e meé e Gat, e shaà, e dù, e mèé e Ekron.

1 Samuel 4:5

Ŋkùv mensàŋ Nyùy Tàr wìy, e mèé e kilaʼáy, wír veé Israyi wáa yòv kitávín, a kèŋ, nsay wáa sə̀ʼ.