Joshua 6:4 - ŊWÀʼ NYÙY

⁴ Ŋkùv mensàŋ yíi a dù sa, aàtàá cùu kù yíi shem mbìy ŋkùv mensàŋ wír saàmbà, aá kér sóŋ see loŋ kiyaʼ adzə̀m. Lóo dzə e kishiíy kee saàmbà, vèn lèv, e kaàrí ŋkàlaʼ kàŋ saàmbà, áàtàá cùu wáa toŋ sóŋ.

Joshua 6:4 Iomraidhean Croise

Kèʼlo 2:3

e səə̀vì kishiíy kee saàmbà kìy, e lèm jeéy ji kishiíy ke dzəə̀n kfə́. A Nyùy‑iì lem bèy, bìʼ fo dzəə̀n kishiíy ke wù‑uù meèmèn fo wun lìm ye wù‑uù lìmèn e dzə̀m, a dzə̀ ndzə ye wù‑uù bómé.

1 Afòn 18:43

Wù lò, e sùúy e ŋgaà lìm və jii, «Dù lèn, e màʼ sí yée fo rìbà ndzə̀v dzəə̀n.» Wù nèn kòʼ, e lèéy, e wìy sùúy jii, «M yoʼ yèn kifá fo.» Elija suúy ji wù wàá kfən dù, e lèéy. Kí ku kòóy bèy, e dù mèé kàŋ saàmbà.

2 Afòn 5:10

Elisha túm wír ji wù suúy á e Naaman jii, «Dùu, e sù wún wóo é ndzəv yee Jordan kàŋ saàmbà, é wún wóo kfə́n fó, áà bónén.»

2 Afòn 5:14

Naaman nèn sə̀y é ndzəv yee Jordan, e dù, e gbù sho kàŋ saàmbà mo ŋgaà ntum Nyùy kì yòŋèn, e kù nèn bònén, wún vəə́ wáa dzə moo wó wan wo bór bèy.

2 Wòŋ 13:12

Vèn leéy, Nyùy dzə̀ vèr áwune, a shém wun mbìy. Atàá cù vəə́ dzə̀ kibáʼtín fó toŋ sóŋ, é vèr nəə́ ven e rə́r sí. Ven veé Isray, lá vèn yòʼ a fùnèn Nyùy Tàr wo dzəə̀n Nyùy atàr vén, bìʼ fo vèn yòʼ yíi so.»

2 Wòŋ 20:17

Kí yòʼ dzə̀ é shií ji vèn yìi a màʼ rə́r sin. Ven vee wír veé Juda wùn à veé Jerusaleme, vèn du, á tìím e věn kirə̀ʼ ji nyaáŋ, a leéy mo Nyùy lo, e tòn áwune, e fo e vèn. Lá vèn yòʼ a fàn, lá vèn yòʼ a yàʼ. Vèn bvəə́shi, á dù, a kìʼ áwune é shùu rər. Nyùy Tàr bvəə́shi, a dzə vèn áwune.»

2 Wòŋ 20:19

Á bèy, wír veé ram Levi ve dzəə̀n kfə́ə Kohat wùn à vee kfə́ə Koràa nèn lò e yuv, a sùyrì Nyùy Tàr woo Nyùy wìr veé Isray, a nàn jí kitávín.

2 Wòŋ 20:21

Wù màysì, e sùŋnín e wíri, e nèn shòʼtí wír ve á wáa yòv, a sùyrì Nyùy Tàr wo wù dzəə̀n e wun mvə̀m ran. Wír vìne‑eè yíi a dù e vé rərí mbìy, a yòv jii: «Vèn wáa fo vibeerì e Nyùy Tàr. Koŋ ye wù koŋ wír vəə́ yòʼ wíy mày.»

Ŋwàʼ Jov 42:8

Kí nén a dzə jii, vèn li vinsòŋ ve nyàm vi saàmbà, e lì viyáʼ vi saàmbà, e dù sho fo wìr wom lìm woo Jov, e yiì cu ye tonèné fo věn vitu. Wìr wom lìm woo Jov yíi bùnrì fo vèn, é m yú bunrì rə́, e làa yòʼ dzəə màʼ ŋgeʼ e věn kitu, mo kì dzə̀ m màʼ bìʼ kiyúŋsì kén. Vèn yoʼ sùúy a dzə̀ kinyo ke ru kí kùm mo. Kù mày ŋgaà wom lìm woo Jov wo wù suuyin kinyo ke ru kí.»

Aysaya 27:13

Kishiíy kin ki wíy gheén, aá tóŋ loŋ kiyaʼ, e nèn baʼtí wír ve vé‑eè màʼàyìn, á láy e nsay Assiriya, e kfə̀n baʼtí ve vé‑eè fəərin, e dù sho e Ejiv, aá wiy adzə̀m, a sùyrì Nyùy Tàr é Jerusalem, e wun gwan wo ranén.

Cù 14:16

e sə̀ʼ mensə́ mee wun mbvə̀ʼ kiwo, e wàn kiwo və yìy, e waŋ kàŋ saàmbà e Nyùy Tǎr si,

Cù 4:6

Wù yíi way wan kiwo sho kàŋ saàmbà, a waŋ e mbìy ndzə̀y se sí ràŋèn fó ji Nyùy Tàr yén,

Sekariya 4:2

Yì dzə́r e mò jii, «À yèn a dzə̀ ka?» M bìnèr jii, «M yèn kitiir ke làm, aá fér e *kisha ke mbàm ke baar kí, a mbìʼí dzə̀ fó yuv, a dzə̀ wó meŋgvə̀r me làm. Lame dzə̀ saàmbà e kitiìr, a wo mòʼón mòʼóne kér shuu se kfəə̀ saàmbà,

Sekariya 4:6

Yì suúy e mò jii, «Vifá vìn vi din a dzə̀ ntum ye Nyùy Tàr‑iì tiisin e Serubbabel, a yì dzə̀ jii, ‹Lá à yòʼ a yòy, a tiír vifií a dzə̀ e wò vitaaví, kìn e wò ŋàŋ. Á yòy, a tiír vifií ví a dzə̀ e mǒ Kiyòy. Suuy Nyùy Tàr woo Taà Mànjòŋ.

Kintaŋ 23:1

Balaam yiì lò, e sùúy e Balak jii, «Bóm kíy cùu fen saàmbà, e fò e mò, e nèn tàʼ anàʼ vee vilum saàmbà, wùn à viyáʼ vi saàmbà, e wìy sho, e fò e mò.»

Joshua 6:13

vee saàmbàa lì sóŋ sí, a dù e ŋkùv mensàŋ mbìy, a toŋ là meemè, a shúu rərí du aáwuné mbìy. Shúu rə́r bàmé wáa səʼ ŋkùv mensàŋ Nyùy Tàr, a sóŋé kù diy, là meemè.

Joshua 6:3

Vèn à vé rər vée kù yíi lev, e kaarí ŋkàlaʼ rə̀n, e kù a yiì bèy kàŋ mòʼón e kishiíy, kishiíy ntuùfú.

Joshua 6:5

Vèn yií yú, aáwune tóŋ sóŋ, kiléŋléŋ kí dúnén, wìr dzə̀m rəə̀mé kitávín, é kay yeé ŋkàlaʼa nèn keèsì. Yí keesì, é vé rər adzə̀me nèn kù kòʼ, e nə̀ə́ nəə́n é ŋkàlaʼ tìítiy.»

Ŋgaà Yen 1:20

Ku yuùrí nsàv se vimfìʼìr vìn si. Mejiy mee saàmbà me à kì yenen e mǒ kiwo ke yìy kí mè tíy fo aŋgàa ntum ve á tiísi kinyo kém é vintatì vee saàmbà. Vitiir ve làm vee saàmbà vi wáa tiy fo vintatì vee saàmbà vee shooy vi.»

Ŋgaà Yen 1:4

Mo woo Joon nén a saŋ ŋwàʼ və̀n fo vèn vee vintatì vee saàmbà ve ví dzəə̀n é wòŋ woo Asia, a shàʼtì ven, a lon jii, Nyùy wo kiyoy kee saàmbàwìr ki tíy e wun shùu kàvàʼ kú a leéy fo vèn, a yiì, é melív men mè wáa dzə nyaáŋ. Dzə̀ wun woo Nyùy wo wù‑uù siìn, a wù dzə̀ lèn, a wù kù wíy a dzə.

Ŋgaà Yen 10:3

Yì tiím bey, e jàŋ kitávín mo wàm bvərə̀ʼ. Kishèv ke kí yii wámkir kàŋ saàmbà ki nèn bìnèr.

Ŋgaà Yen 15:1

Á nèn kfə̀n dìn kileèy ke kinyò kímóʼ kí é mbàʼ. M yén viŋgaʼnìn ve vinyò, shuu wómé yúm. Mò‑oò yèn nshèelav se Nyùy saàmbà, a dzə̀ se sí kér kfəə́ se lòn see saàmbà se sí jòʼsìn bám. See shooy si shaa, bo Nyùy màysì ne ŋgeʼ se wù shwiiy kilòŋ, maʼ e ndzə sidzə̀m.

Ŋgaà Yen 15:7

Kímóʼ kee kifá fo ve ví tíy e ghaa kàvàʼ vikweè ki nèn lì kighín saàmbà, e jàv e nshèelav see saàmbà sìy si, a dzə̀ lòn shó e rúnkín. A dzə̀ lòn wo Nyùy wo wù gòʼòn kàŋ mòʼón shwiiy kilòŋ, e màʼ e wírí kitu.

Ŋgaà Yen 16:1

M nèn yù, a jì yìmòʼ súŋnin fo lav Nyùy fèy, yoŋ nshèelav se Nyùy see saàmbà sìy kitávín jii, «Vèn du, e cuùrì lǒn Nyùy wo wú dzəə̀n e věn vighin vee saàmbàa é kitu ke nsay.»

Ŋgaà Yen 5:1

M kfən lòo leéy, e yèn, a ŋgaà wo wù kì dzə́ e kàvàʼ və̀y kér váv ŋwàʼ e kiwo ke yìy kí, aá sáŋ mbìv sidzə̀m, e kaàrí, e fìnèr e kiláy kí kirə́ʼ saàmbà.

Ŋgaà Yen 5:6

M ku nèn yèn Wan Njiì mo wù tíy e shùu kàvàʼ, e vifá vee vikweè vìy wùn à kfə́m siy sí nsàn, kiʼ vileémé vileémé, mo á seè, e yiì a dzə̀ cu sho. Wù‑uù kér loŋ saàmbà, kfə̀n kér sí saàmbà. A sí yee shooyi dzə̀ kiyoy kee saàmbàwìr wo dzəə̀n wo Nyùy. A Nyùy túm, a wù ghán kitú ke nsay kidzə̀m.

Ŋgaà Yen 8:2

M yén, aá fó sóŋ saàmbà e nshèelav se Nyùy se sí yii tíy e Nyùy si saàmbà si.

Ŋgaà Yen 8:6

Nshèelav se sí kér sóŋ see saàmbà sìy si nèn bàʼtí lèn ji sí tóŋ sóŋ rəy.