Joshua 6:3 - ŊWÀʼ NYÙY

³ Vèn à vé rər vée kù yíi lev, e kaarí ŋkàlaʼ rə̀n, e kù a yiì bèy kàŋ mòʼón e kishiíy, kishiíy ntuùfú.

Joshua 6:3 Iomraidhean Croise

2 Wòŋ 4:3

Vé‑eè fèr vifá e njà nàʼ, ví kaárí sár sər, e tàr, a ví dzə̀ ŋgoo sibaà, a ntàm se kiwo sibaà sí kér nàʼ e ghvə̀m ghvə̀m, aá tón, e làŋsìn e wǔn mbìʼ.

Kintaŋ 14:9

Dzə̀ cáʼ ji lá á yòʼ tàv á kitú, e mèŋ Nyùy Tàr. Lá á yòʼ fàn a sa sí wìr vee fó. Áwune dzə̀ ji ncèm fo vèsən. Á tsə̀ʼ ne kikiŋ kév, a Nyùy Tàr kù dzə̀ kfə́ nshìy wòsən. Lá vèn yòʼ fàn áwune.»

2 Korin 4:7

Mo vèr fə̀m kér fùʼ woo ji á wáa fìʼtì kinyo kee shoon, wún wórí kù dzə̀ moo kifá ke á bomen, a bòmrì bòmrìn, fó dìn kiránén ji vitaáví ve ví dzəə̀n é kinyò fèn vi yòʼ dzə̀ á vér. Dzə̀ á vé Nyùy.

Joshua 6:11

Joshua yiì, á kaárí ŋkàlaʼ e ŋkùv mensàŋ kàŋ mòʼón, e nèn kfə̀n, e shìíy e kibeèy.

Joshua 6:14

Á ku lèv é kishiíy ke kí‑iì meen ji baà kin, e kaàrí ŋkàlaʼ kàŋ mòʼón, e nèn kfə̀n é kibeèy. Á ku yiì bèy kishiíy ntuùfú.

Joshua 6:2

Nyùy Tàr yiì lò, e sùúy e Joshua jii, «Yuúrí, e yù, m wày ne ŋkàlaʼ yee Jeriko rə̀n e wò kiwo, à fòn, à vé rərí, a kù dzə̀ antav ve ghaʼtíné.

Joshua 6:4

Ŋkùv mensàŋ yíi a dù sa, aàtàá cùu kù yíi shem mbìy ŋkùv mensàŋ wír saàmbà, aá kér sóŋ see loŋ kiyaʼ adzə̀m. Lóo dzə e kishiíy kee saàmbà, vèn lèv, e kaàrí ŋkàlaʼ kàŋ saàmbà, áàtàá cùu wáa toŋ sóŋ.

Joshua 6:7

Wù nèn sùúy e wíri jii, «Vèn du, e kèʼ, a lev, a kaarí ŋkàlaʼ, é shúu rərí wáa dù ŋkùv mensàŋ Nyùy Tàr fó mbìy.»