Joshua 6:27 - ŊWÀʼ NYÙY

²⁷ Á mo Nyùy Tàr‑iì dzəə̀n wùn Joshua, leŋ vəə́ wáa dù woŋ e dzə̀m.

Joshua 6:27 Iomraidhean Croise

Kèʼlo 39:21

sháŋ bey, Nyùy Tàr kú a dzə wùn wun, a leéy fo wun, e yiì, kitú ke anshìy vé sháŋé kí wáa kòŋ wun.

2 Samuel 7:9

Mò‑oò dzə̀ wòsò virə́ʼ vidzə̀m ve wò‑oò du, a m kù laar aŋgàa vibàn vé adzə̀m. M yíi yiì, aá kiíynín yír yé moo yé antav ve ghaʼtíné veé kitu ke nsay.

1 Wòŋ 14:17

Léŋ Daviri ku nèn a dù duùn virə́ʼ vidzə̀m, Nyùy Tàr yií, vitúm vidzə̀m vi wáa fàn wun.

Esta 9:4

Wìr dzə̀m kù‑uù kìíy ne ji Mordekay sì á wír wo kuʼùn é ntoʼ, a leŋ vəə́ sámér ne, sáʼ rəə́ wáa kuy kuyín, wíri wáa yunín wun.

Matio 14:1

Wáa dzə e ghan fóo fèy, Fòn Heror wo wù‑uù sáʼ mbìv wòŋ yee Galeli yú léŋ Jesus,

Matio 18:20

A wíri dzə̀ʼə̀m abaà, kìn ataár e mo woo Jesus yir, bo m kù dzə̀ aáwuné nsàn.»

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Matio 4:24

Leŋ vəə́ nèn sàmèr, e dù, e mèé e wòŋ Siiria. Wíri wáa yu, a lì vé yàsíi, a wìy, a yen wun sho. Kìn wìr joy kfə́ə yàsí a dzə̀ woo ka, á kù wìy sho, wù fèr áwune adzə̀m. Kìn dzə̀ wír ve *anyùyi jívir áwune, kìn ve á gbu kimgbù, kìn ve virə́ʼ ví kpuun ne.

2 Korin 13:14

M nén a lon jii, Tàr wòsən Jesus Kristu kú a leéy fo vèn, é Nyùy wáa kòŋ ven, é Kiyoy ke Ranén kí tátí ven, aá wáa dzə amòʼón.

Remrí 31:6

Kù dzə̀ ji vèn kúr tímé, e wày ŋàŋ. Lá vèn yòʼ a yàʼ. Lá vèn yòʼ fàn áwune, bìʼ fo Nyùy Tàr woo Nyùy won kitú kfə́ wíy a tsəəné ven, a bó wù yòʼ wíy màʼtì ven, a bó wù yòʼ wíy màʼày ven.»

2 Timoti 4:17

A wun woo Nyùy‑iì lo tìím e mǒ bàm, a tavír mo, m wáa fìʼtì kinyo kfə́ tèéter, wír ve bó á yòʼ kiìn Nyùyi wáa yu adzə̀m. Wù kfən sə̀ mo, la á yòʼ tìnén nsaʼ e ghan see shooy, e fò mo, áàbvərə̀ʼə́ kfə́r.

2 Timoti 4:22

M nén a shàʼtì sa wò jii, Nyùy kú a shìy shilív shé, a leéy a fo vèn à wír vée adzə̀m.

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Joshua 9:1

Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,

Joshua 9:9

Á bìnèr jii, «Akwàn vée wìy ntàmda, bìʼ fo vèr‑iì yuun ne léŋ Nyùy Tàr woo Nyùy won. Vèr‑iì lo yù kinyo kidzə̀m ke wù‑uù yiìn é Ejiv,

Atǎr Nsaʼ 1:19

Nyùy Tàr‑iì tòm wír veé Juda, á faàsì woŋ wo wú‑uù dzəə̀n áàgwan aàgwan, yii bèy, e làa yòʼ jùm wír ve vé‑eè dzəə̀n é kirə̀ʼ ké mboʼ ki, bìʼ fo áwune‑eè kér *viténtén vé rər vé kishà vi.

1 Samuel 18:14

A virə́ʼ vidzə̀m ve wù‑uù maʼ rə́r fó, wù kù‑uù ton tònèn, bìʼ fo Nyùy Tàr‑iì dzəə̀n wùn wun.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.